Luka 8:15 - Sơ̆p Hlabơar Nơ̆r 'Bok Kei-Dei

¹⁵ Lu găr mă huŏng tơ teh 'lơ̆ng wă pơtih gia kơ lu bơngai kơtơ̆ng đe bơtho nơ̆r 'Bok Kei-Dei na kiơ̆ hloi kơjăp hăm pơm 'lơ̆ng tơpăt. Sư kư̆m adrin lui khŏm khŏm pơyua tơdrong jang 'Bok Kei-Dei tơpă.”

Luka 8:15 Referans Kwoze

Hêbrơ 10:36

Iĕm athei adrin ling-lang mă tơpă, na iĕm pơm trŏ thoi 'Bok Kei-Dei lăp đon, gơh iŏk dôm tơdrong Sư pơkă khan wă asong kơ bơ̆n noh.

Luka 6:45

Bơngai bu đei jơhngơ̆m đon 'lơ̆ng, sư kư̆m pơm 'lơ̆ng mơ̆n. Bơngai bu đei jơhngơ̆m đon kơnê̆, sư kư̆m pơm kơnê̆ mơ̆n. Lăm jơhngơ̆m đon bơ̆n thoi yơ, bơ̆n kư̆m gô pơma thoi ei.

I Yo 2:3

Dah bơ̆n răk dôm tơdrong Sư pơkă lei noh bơ̆n lui kơ Sư tơpă.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Kôlôsê 1:6

Lăp iĕm kơtơ̆ng đe bơtho tơdrong 'Bok Kei-Dei 'mêm mơnat kơ bơ̆n sơ̆ na iĕm hlôh hloi; đơ̆ng năr noh boih iĕm jing bơngai 'nao, na bơngai lui iĕm rai đunh rai lơ, kư̆m thoi đe bơtho jing kơtơ̆ng jơ̆p-jang kơ teh đak đei lơ bơngai lui.

Yo 14:15

“Dah iĕm 'mêm kơ Inh, lei iĕm chu dôm tơdrong Inh pơkă hŏ,

Luka 11:28

Mă-lei Yêsu khan: “Bơngai bu mơ̆ng nơ̆r 'Bok Kei-Dei păng pơm kiơ̆, sư boih hiôk hloh.”

Philip 1:11

Yua kơ iĕm pơm tôm tơdrong 'lơ̆ng tơpăt păng gơnang kơ Yêsu Krist đơ̆ng dang ei, na đĭ-đăng bơngai gô ư-ang kơ 'Bok Kei-Dei tơpă.

Rom 7:4

Ơ 'nhŏng oh, tơdrong noh wă pơtih gia kơ bơ̆n dang bơ̆n lôch kiơ̆ Yêsu tơ 'long pơglang sơ̆ boih, na bơ̆n huay pă wă gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă dơ̆ng ôh. Yua kơ dang bơ̆n iŏk bơngai nai boih, wă khan bơ̆n iŏk Yêsu Krist mă 'Bok Kei-Dei tơiung arih đơ̆ng lôch. Dang ei bơ̆n jang tơdrong Sư dang bơ̆n pơyua 'Bok Kei-Dei boih.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Yo 15:10

Dah iĕm răk dôm tơdrong Inh bơtho, lei inh 'mêm kơ iĕm tơpă, wei-lăng iĕm khŏm khŏm, kư̆m thoi Inh răk dôm tơdrong 'Bă Inh bơtho na Sư 'mêm kơ Inh tơpă păng wei-lăng Inh khŏm khŏm mơ̆n.

Mathiơ 24:13

Mă-lei dah bu adrin lui kơ Inh truh năr tôch, bơngai 'noh gô klaih.

Both 30:6

Kră Yang 'Bok Kei-Dei gô ăn kơ bơ̆n păng kon sâu lu bơ̆n đei jơhngơ̆m rơmuăn băt chu yom, wă kơ iĕm đĭ jơhngơ̆m klơm klak 'mêm yom kơ Kră Yang 'Bok Kei-Dei, wă kơ gơh arih.

Hêbrơ 2:1

Kơlih kơ thoi noh na dang ei bơ̆n kơtơ̆ng kơtăi boih dôm tơdrong đe bơtho, bơ̆n athei kơchăng 'biơ̆ hli kơ bơ̆n jrok trong nai dơ̆ng.

Êphêsô 2:8

Bơ̆n klaih đơ̆ng tơdrong yoch oei hiôk hăm 'Bok Kei-Dei, yua kơ 'Bok Kei-Dei 'mêm mơnat kơ bơ̆n na Sư pơklaih, yua kơ bơ̆n lui păng gơnang kơ Yêsu tơpă na Sư mơnat. Ưh kơ sĭ bơ̆n gơh klaih kơdih ôh, mă-lei tơdrong noh Sư ăn đĕch.

I Kor 7:19

Tơdrong kăt akar dah ưh kơ kăt akar ưh kơ kăl kiơ ôh, pôm tơdrong pơm kiơ̆ thoi 'Bok Kei-Dei pơkă 'noh đĕch kăl.

Rom 7:18

Na dang ei inh băt boih tơdrong 'lơ̆ng hoh-hoy kơ oei lăm inh hơya tŏ sĕt, tă ling kơnê̆ ngăl. Kiơ̆ kơ đon hơdơ̆r 'bơ̆r apơi wă kơ pơm 'lơ̆ng ngăl ră, mă-lei ưh kơ kĕ.

Rom 2:7

Bơngai bu adrin pơm 'lơ̆ng hăm 'Bok Kei-Dei wă kơ 'Bok Kei-Dei lăp đon ăn kơ sư arih hiôk chơt păng wă kơ akâu sư huay kơ lôch hiong, bơngai noh 'Bok Kei-Dei gô ăn kơ sư đei tơdrong arih ling-lang tơpă.

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Ya 1:4

Păng bơ̆n athei adrin lui kơjăp khŏm khŏm wă kơ bơ̆n jing bơngai tơpăt huay kơ'bah tơdrong kiơ.

Je 32:29

Lu bơngai Kalđê oei wang blah pơlei tih âu, gô iŏk ŭnh soh pơđĭ hnam anih dĭng truh tơ bơbŭng hnam mă đe pơyơ̆r tơmam 'bâu phu ăn kơ yang Baal păng đe đei soi pơyơ̆r tơmam huch boih kơ lu yang nai hai, lu sư pơm yoch hăm Inh wă tơblĕk Inh.

Je 15:16

Inh kơtơ̆ng boih nơ̆r Ih, inh luăn sa boih; nơ̆r Ih pơma jing tơdrong pơhiôk lăm jơhngơ̆m inh, yua kơ inh gah Ih. Ơ Kră Yang 'Bok Kei-Dei Tih Hloh.

Tơdrông Pơđơk 3:1

Ơ dăm, 'nĕ kơ hiơt ôh tơdrong Inh bơtho khan; Răk bĕ tơdrong Inh tơtă lăm jơhngơ̆m ih.

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Horiso 51:10

Ơ Kră Yang 'Bok Kei-Dei! Apinh Ih pơjing lăm Inh đei minh jơhngơ̆m 'lơ̆ng rơgoh,a Păng pơjing ming 'nao lăm inh minh pôm bơhngol tơpăt.

Luka 8:14

Lu găr mă huŏng 'bơ̆t 'nhĕt jơla wă pơtih gia kơ lu bơngai kơtơ̆ng đe bơtho nơ̆r 'Bok Kei-Dei ră, mă-lei lu sư wă tơchĕng tơdrong arih sư kăl hloh, sư wă kơ mơdrŏng, hiôk jơnap tơ ala teh đĕch. Thoi noh na sư jing ưh kơ plei.

Luka 8:16

Yêsu bơtho dơ̆ng kơ lu đe noh, Sư khan: “Bơ̆n tơ̆k ŭnh kơđeng wă kơ hơdah; bơ̆n ưh kơ lah tơ̆k ŭnh kơđeng tah tơ lăm ge dah 'măn lê̆ tơ ala rimrôm giơng wă kơ măng mu ôh. Bơ̆n juăt kơ atol ŭnh kơđeng tơ kơpal jrăng wă kơ bơ̆n 'bôh hơdah jơ̆p-jang.

Rom 8:25

Yua kơ tơdrong tam mă 'bôh na bơ̆n chang gô khŏm khŏm dĭng 'bôh.