Luka 7:37 - Sơ̆p Hlabơar Nơ̆r 'Bok Kei-Dei

³⁷ Tơ pơlei ei đei minh 'nu drŏ-kăn juăt kơ pơm yoch. Sư kơtơ̆ng khan Yêsu oei sŏng sa păng bơngai Pharisi ei, na sư iŏk minh gŏl đak pơgang 'bâu phu.

Luka 7:37 Referans Kwoze

Luka 5:32

Inh jur tơ âu ưh kơ sĭ kơ Inh wơ̆n chă lu bơngai 'lơ̆ng wă tơbral kơdih tơdrong yoch ôh. Inh jur tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

Mathiơ 21:31

Thoi noh boih na iĕm tơchĕng lăng, 'bar 'nu kon noh, kon ayơ chu kơ nơ̆r 'bă sư?” Lu sư khan: “Kon kơdră chu.” Na Yêsu khan: “Inh khan kơ iĕm tơpă, lu bơngai iŏk jên thuê̆, lu drŏ-kăn pơm đi, lu sư chu thoi kon kơdră noh boih. Lu sư băt ăn kơ 'Bok Kei-Dei pơgơ̆r lu sư boih mă-lei gah lu iĕm tam mă chu 'mơ̆i.

I Pet 4:18

'Noh thoi đe chih lăm sơ̆p hla bơar 'Bok Kei-Dei sơ̆ thoi âu: “Tơ̆ng lu bơngai pơm 'lơ̆ng tơpăt anat kơ klaih, lei bĭ lu bơngai pơm kơnê̆ pơm yoch lu sư thoi yơ?”

I Tim 1:9

'Bok Kei-Dei pơkă dôm lu tơdrong noh yua Sư wă phak lu bơngai kơnê̆ ưh kơ sĭ wă phak lu bơngai 'lơ̆ng ôh. Sư wă kơ phak lu bơngai ưh kơ chu, lu bơngai kư̆ kă, lu bơngai ưh kơ lui kơ Sư, lu bơngai pơm yoch, lu bơngai mă chă pơlôch đe, lu bơngai mă pơlôch mĕ 'bă kơdih,

Luka 18:13

“Mă-lei bơngai mă chă iŏk jên thuê̆ noh oei ataih đơ̆ng bơngai Pharisi ei. Sư ưh kơ pơ̆n ngơk muh măt sư tơ plĕnh, mă-lei sư tŭr kơdih kơtơh păng khan: ‘Ơ 'Bok Kei-Dei, apinh Ih mơnat kơ inh 'biơ̆ yua kơ inh bơngai yoch.’ ”

Luka 5:30

Na lu bơngai Pharisi păng lu 'bok thây bơtho tơdrong juăt đe Juđê khan kơ lu bơngai pơhrăm păng Yêsu thoi âu: “Yua kơ kiơ iĕm sŏng sa hơdai hăm lu bơngai iŏk jên thuê̆ păng lu bơngai pơm yoch?”

Rom 5:8

Na kơplah bơ̆n oei pơm yoch, lăp minh 'nu Yêsu Krist đĕch lôch tang bơ̆n. 'Noh boih bơ̆n băt kơ 'Bok Kei-Dei 'mêm kơ kon bơngai bơ̆n tơpă.

Yo 11:2

Mari âu mă tuh đak pơgang 'bâu phu kơ jơ̆ng Yêsu păng iŏk sŏk sư kơdih sut kơ jơ̆ng Yêsu. Na dang ei 'nhŏng sư Lasarơ oei păn kơ jĭ.

I Tim 1:15

Tơdrong âu trŏ tơpă, bơ̆n gơh lui tơpă: Kră Yang Yêsu Krist jur oei tơ ala teh âu wă kơ pơklaih lu bơngai yoch. Inh boih bơngai mă pơm yoch lơ hloh kơ đĭ-đăng bơngai nai.

Yo 9:31

Dah Sư bơngai yoch, 'Bok Kei-Dei ưh kơ ăn Sư pơm tơdrong mơsêh mơyang ôh, yua kơ bơ̆n băt 'Bok Kei-Dei ưh kơ wă mơ̆ng lu bơngai yoch ôh. Sư mơ̆ng dôm lu bơngai mă lui kơ Sư.

Yo 9:24

Na lu sư krao bơngai đêl măt tol ei minh 'măng dơ̆ng na jet sư: “Ih bơnê kơ 'Bok Kei-Dei đĕch hŏ măt ih gơh 'bôh hơdah boih. Gah nhôn băt kơ Yêsu bơngai yoch tơpă.”

Luka 19:7

Đĭ-đăng kơ đe 'bôh tơdrong noh na chă pơma kơdih khan: “Lơliơ Yêsu boih khan mơ̆t sŏng sa tơ hnam bơngai yoch?”

Luka 7:34

Na gah Inh Kon Bơngai âu jur tơ teh âu, sŏng sa hơdai lu sư, na iĕm kư̆m jô̆ kơ Inh khan bơngai sa bơlŭk, et dư, tơbôl hăm bơngai iŏk jên thuê̆, lu bơngai yoch mơ̆n.

Luka 7:36

Đei minh 'nu bơngai Pharisi wơ̆n Yêsu năm sŏng sa tơ hnam sư. Na Yêsu năm tơ ei sa hơdai sư.