Luka 5:22 - Sơ̆p Hlabơar Nơ̆r 'Bok Kei-Dei

²² Yêsu băt hloi kơ lu sư pơma mơmơnh lăm to, jô̆ kơ Sư tơdrong noh na Yêsu khan thoi âu: “Yua kơ kiơ iĕm pơma mơmơnh lăm to iĕm thoi noh lĕ?

Luka 5:22 Referans Kwoze

Luka 24:38

Na Yêsu khan kơ lu sư: “Kơlih kơ kiơ iĕm hli păng ưh kơ wă lui kơ Inh iung arih đơ̆ng lôch?

Jang 5:3

Mă-lei Pêtrôs khan: “Ơ Anania, lơliơ yang Satan pơhlŭ ih na ih hơlĕnh kơ Yang Bơhngol 'Lơ̆ng? Ih iŏk 'măn lê̆ jên mir ih minh pah mă-lei nơ̆r ih khan ăn đĭ hloi. Mă-lei nhôn ưh kơ đei pơgŏ ih ôh yua kơ mir noh mir ih kơdih, jên noh kư̆m lei-lăi mơ̆n. Kơlih kơ kiơ ih pơm tơdrong kơnê̆ thoi noh? Mă noh kơ sĭ ih hơlĕnh kơ bơngai ôh, ih hơlĕnh kơ 'Bok Kei-Dei đĕch mă tơpă 'noh.”

Markôs 8:17

Yêsu băt kơ lu sư pơma gah tơdrong lu sư hiơt kơ chĕp 'bĕng mi, na Yêsu khan kơ lu sư: “Lơliơ iĕm ngêh kơ Inh jô̆ kơ iĕm hiơt kơ chĕp 'bĕng mi? Iĕm ưh tam băt ôh hă Inh gơh pơm 'bĕng mi? Iĕm ưh tam hlôh tơpă dah kiơ? Lơliơ đon iĕm ưh kơ hlôh khŏm khŏm?

Mathiơ 12:25

Yêsu băt kơ lu sư tơchĕng thoi noh na Sư khan: “Dah minh pôm teh đak tơblah dih băl, teh đak noh gô pơchah hiong tôch. Dah minh pôm pơlei dah minh pôm hnam dơnŏ tơblah dih băl, pơlei dah hnam dơnŏ noh gô hiong hiach.

Mathiơ 9:4

Yêsu băt kơ lu sư pơma mơmơnh lăm to jô̆ kơ Sư tơdrong 'noh na Sư khan: “Liơ iĕm pơma mơmơnh lăm to, khan Inh pơma kơnê̆?

Êsai 66:18

Gah Inh, Inh băt tơdrong jang păng đon lu sư tơchĕng, Inh gô năm wă krao đĭ-đăng lu dêh char păng rim nơ̆r pơma: Lu sư gô truh păng 'bôh tơdrong ư-ang Inh.

Horiso 139:2

Ih băt 'bơ̆t inh hơ-oei, kơplah inh iung. Mă đơ̆ng ataih Ih băt đĭ tơdrong inh tơchĕng.

Tơdrông Tơ'bôh 2:23

Păng lu bơngai mă pơm jơ̆ng 'bang sư mă lăng dang kon sư kơdih noh, Inh kư̆m pơlôch mơ̆n. Tơdrong noh wă tơbăt kơ đĭ-đăng lu bơngai lui wă lu bơngai lui băt kơ Inh sek tơlang lăm jơhngơ̆m đon lu sư tơpăt noh na inh gô apah lu sư kiơ̆ thoi lu sư đêl pơm.

Hêbrơ 4:12

Yua kơ nơ̆r 'Bok Kei-Dei arih ling-lang, jăng dêh păng han hloh kơ đao 'bar pah măt, 'bet han klĕch tơ sĕch huan kơting, hrĕch kơtĕch jơhngơ̆m đơ̆ng bơhngol. Tơdrong Sư sek tơlang bơ̆n thoi noh. Sư băt tôm tơdrong đon tơchĕng kon bơngai 'maih pơm.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Êsêkiên 38:10

Kră Yang khan: “Lăm năr noh ih đei tơchĕng ih wă chă đon pơm kơnê̆.

Tơdrông Pơđơk 15:26

Kră Yang hil areh kơ tơdrong lu bơngai kơnê̆ wă pơm; Mă-lei đei nơ̆r 'lơ̆ng rơgoh pơm kơ Sư lăp đon.

Mathiơ 12:15

Yêsu băt thoi noh Sư lĕch đơ̆ng noh năm tơ nai, đei lơ bơngai kiơ̆ Sư; Sư kư̆m ming pơklaih đĭ-đăng lu bơngai jĭ jăn.

Luka 5:21

Lu thây bơtho tơdrong juăt đe Juđê păng lu bơngai kiơ̆ tơdrong Pharisi kơtơ̆ng Sư pơma thoi noh na lu sư mơmơnh lăm to khan: “Bơngai bu âu pơm pơma blông kơ 'Bok Kei-Dei dêh? Bu mă gơh pơklaih yoch bơ̆n? Pôm 'Bok Kei-Dei đĕch gơh pơklaih yoch bơ̆n.”

Luka 5:23

Inh khan kơ bơngai hơwen hơwo âu tơdrong yoch sư Inh pơklaih đĭ boih; tơdrong 'noh dah iĕm 'bôh Inh athei sư iung yak, na sư iung yak hloi, 'noh iĕm kư̆m băt kơ Inh gơh pơklaih yoch sư mơ̆n.