Luka 5:15 - Sơ̆p Hlabơar Nơ̆r 'Bok Kei-Dei

¹⁵ Yêsu kuă ăn kơ đe băt tơdrong Sư pơklaih bơngai noh hei ră, mă-lei đe kơtơ̆ng ang tơdrong noh jơ̆p-jang hloi. Na đei lơ bơngai năm wă mơ̆ng Sư bơtho păng wă kơ Yêsu pơklaih jĭ jăn lu sư mơ̆n.

Luka 5:15 Referans Kwoze

Luka 12:1

Klaih kơ noh đei lơ rơbâu 'nu bơngai akŭm tơ Yêsu truh kơ lu sư mah tơhmĕt tơhmot dih băl. Na Yêsu pơma kơdrô̆ kơ lu bơngai pơhrăm păng Sư thoi âu: “Iĕm athei kơchăng kơ lu bơngai Pharisi hŏ yua kơ lu sư bơngai 'bơ̆r đak klak ŭnh.

Markôs 1:45

Mă-lei bơngai 'noh lĕch, sư chă roi kơ đe. Mă sư năm tơ yơ yơ kư̆m roi kơ đe tơdrong 'noh mơ̆n. Na Yêsu jing ưh kơ gơh mơ̆t mă pơlei tơ yơ yơ yua kơ kon pơlei pơla chă Sư lơ tơpă. Na Sư oei hơdai hăm lu bơngai pơhrăm păng Sư tơ anih kueng kơdrô̆. Mă-lei jơ̆p tơring tơrang oei năm chă Sư 'mơ̆i.

Mathiơ 9:26

Lu đe kơtơ̆ng tơdrong 'noh năm chă roi jơ̆p kơ tơring ei.

Markôs 1:28

Đơ̆ng Yêsu pơm thoi noh, na đe kơtơ̆ng ang tơdrong Sư jơ̆p-jang kơ dêh Galilê hloi.

Yo 6:2

Đei lơ bơngai tơpôl lơ kiơ̆ Sư kơlih kơ lu sư 'bôh tơdrong mơsêh mơyang Yêsu ming pơklaih lu bơngai jĭ jăn.

Luka 14:25

Đei tơpôl lơ tơpă yak kiơ̆ Yêsu. Na Yêsu hue tơ lu sư păng khan:

Markôs 3:7

Yêsu păng lu bơngai pơhrăm păng Sư năm tơ đak dơsĭ. Đei lơ bơngai tơpă kiơ̆ Sư tơ ei mơ̆n yua kơ đe kơtơ̆ng ang tôm tơdrong Yêsu pơm, na đe năm tơ Sư. Lu bơngai năm tơ Sư ei mơ'nah đơ̆ng dêh Galilê, mơ'nah đơ̆ng dêh Juđê, mơ'nah đơ̆ng Pơlei Jêrusalem, mơ'nah đơ̆ng dêh Idumia, mơ'nah đơ̆ng dêh pah to krong Jôrđăn; kư̆m đei mơ'nah đơ̆ng tơring Tirơ păng đơ̆ng tơring Siđôn.

Tơdrông Pơđơk 15:33

Tơdrong băt hli yom kơ Kră Yang chrih bơtho bơngai noh gô jing hơgei; Đei iŏk đon ala ba adrol tơdrong đe pơyom.

I Tim 5:25

Lei-lăi thoi noh mơ̆n, đei lu bơngai pơm 'lơ̆ng tơpăt bơ̆n kư̆m 'bônh kơ 'bôh tơdrong 'lơ̆ng sư mơ̆n. Phŏ phŏ tơdrong 'lơ̆ng sư pơm ưh kơ 'bôh dang ei, mă-lei ning-mônh bơ̆n kư̆m 'bôh.

Mathiơ 9:31

Mă-lei bre sư lĕch đơ̆ng noh năm chă roi kơ đe tơdrong Yêsu pơklaih măt bre sư jơ̆p-jang kơ tơring ei.