Luka 4:5 - Sơ̆p Hlabơar Nơ̆r 'Bok Kei-Dei

⁵ Yang Satan anhăk Yêsu tŏk tơ kông kơjung na tơ'bôh ăn kơ Sư jơ̆p-jang kơ dêh char hloi.

Luka 4:5 Referans Kwoze

Êphêsô 6:12

Tơdrong noh ưh kơ sĭ tơblah tơduă bơ̆n kon bơngai ôh, bơ̆n tơblah hăm lu yŏng yang kơnê̆, sư kư̆m pran mơ̆n, sư kư̆m oei tơ kơpal plĕnh ti mă tơ anih nai; sư pơgơ̆r lu bơngai oei tơ ala teh âu, lu bơngai mă oei lăm măng mu.

Mathiơ 4:8

Yang Satan anhăk dơ̆ng Yêsu tŏk tơ kông kơjung tơpă, sư tơ'bôh kơ Yêsu đĭ-đăng jơ̆p-jang kơ teh đak kon pơlei pơla rŏ sor.

Horiso 73:19

Ơ lăng deh, lu sư răm hloi 'bônh đĕch! Tơdrong hli krưp hơpuih pơgoh lu sư.

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

II Kor 4:17

Nhôn iŏk tơdrong pơmat-tat dang ei kư̆m bưh, sư hơiơch 'biơ̆, nhôn hăt kơ chă tơdrong arih ling-lang ning-mônh ei kăl hloh.

I Kor 7:31

Lu bơngai hăt kơ tơdrong ala teh âu 'nĕ pă tơchĕng dêh gah tơdrong ala teh âu yua kơ đĭ dôm tơdrong ala teh âu gô hiong hiach hach răm tôch đĕch.

Mathiơ 24:14

Gô lu bơngai lui kơ Inh bơtho tơdrong 'nao 'lơ̆ng 'Bok Kei-Dei wă pơgơ̆r kon bơngai jơ̆p-jang kơ teh đak 'mơ̆i na truh năr tôch.