Luka 4:29 - Sơ̆p Hlabơar Nơ̆r 'Bok Kei-Dei

²⁹ Lu sư gruih graih iung rôp hloi Yêsu anhăk tơlĕch Sư đơ̆ng pơlei ei năm tơ kông 'bơ̆t jê̆ pơlei sư ei wă hiŏng hơtat Sư đơ̆ng kơpal jih nak 'nei ră.

Luka 4:29 Referans Kwoze

Yo 8:59

'Bơ̆t ei lu sư iŏk hloi tơmo wă klơ̆m Sư ră; mă-lei Sư ôn akâu Sư kơdih hloi lĕch đơ̆ng hnam akŭm 'Bok Kei-Dei tơm ei.

Hêbrơ 13:12

Na Yêsu lôch tang kon bơngai sơ̆ kư̆m thoi noh. Sư lôch tơ jih pơlei wă pơklaih dôm tơdrong yoch kon bơngai, soi kơ 'Bok Kei-Dei hăm pham Sư kơdih.

Yo 8:40

Mă-lei dang ei iĕm wă pơlôch Inh, sơmă Inh roi kơ iĕm tơpăt tơdrong Inh kơtơ̆ng đơ̆ng 'Bă Inh 'Bok Kei-Dei đĕch. Abraham sư ưh kơ wă pơlôch đe ôh.

Yo 8:37

Inh băt mơ̆n iĕm kon sâu Abraham, mă-lei iĕm wă pơlôch Inh. Iĕm ưh kơ wă lui yom kơ Inh bơtho hơya tŏ sĕt 'biơ̆.

Horiso 37:14

Lu bơngai kơnê̆ toh đao, Păng gŭt hră lu sư, Wă blah pơrăm lu bơngai pơmat-tat hăm lu bơngai dơnuh hin, Wă pơlôch lu bơngai kiơ̆ tơdrong tơpăt.

Jo 15:35

Kră Yang khan kơ Môis thoi âu: Bơngai 'nâu athei pơlôch, đĭ-đăng khŭl tơpôl akŭm athei klơ̆m tơmo kơ sư tơ đaih kơđông.

II Ho 25:12

Linh Juđa kư̆m đei rôp arih mơjĭt-rơbâu 'nu ba lu sư tŏk tơ kơpal kông tơmo, na tơlơ̆ lu sư đơ̆ng kơpal kông noh tơ ala, lu sư lôch akâu pơchah hĕch đĭ.

Luka 4:28

Na lu bơngai oei mơ̆ng lăm hnam akŭm ei kơtơ̆ng thoi noh na đĭ-đăng kơ lu sư hil areh kơ Yêsu tơpă.