Luka 4:22 - Sơ̆p Hlabơar Nơ̆r 'Bok Kei-Dei

²² Na đĭ-đăng kơ lu sư lăp đon kơ Yêsu păng lu sư kư̆m sơleng kơ đon mơ̆n yua kơ Yêsu bơtho kơ lu sư 'bơ̆r đon hơgei tơpă. Na lu sư khan: “Bơngai âu kon Yôsep dah kiơ?”

Luka 4:22 Referans Kwoze

Yo 6:42

Lu sư khan: “Bơngai âu ưh kơ trŏ Yêsu ôh hă, mă kon Yôsep? Bơ̆n băt kơ mĕ 'bă Sư. Mă-lei liơ Sư khan: ‘Inh jur đơ̆ng plĕnh?’ ”

Horiso 45:2

Ih 'lơ̆ng rŏ hloh kơ đĭ-đăng lu kon drŏ-nglo kon bơngai. Hơkŭng 'bơ̆r 'bĕnh kơ tơdrong mơnat. Thoi noh Kră Yang 'Bok Kei-Dei ăn boih pŭn kơ ih dĭng ning-mônh.

Tơdrông Pơđơk 16:21

Bu đei đon gơh hơgei đe jô̆ bơngai hlôh wao; Nơ̆r pơma rơngơp pơtrơp thim tơdrong hlôh băt.

Tit 2:8

Dah ih bơtho trŏ đe ưh kơ gơh bâu roi ih ôh. Thoi noh na lu bơngai mă ayăt kơ bơ̆n, sư wă bâu roi pơjăm bơ̆n ră mă sư ưh kơ pơ̆n kơlih kơ bơ̆n tơpăt. Dah sư bâu roi bơ̆n mă bơ̆n ưh kơ đei pơm tơdrong yoch kiơ, noh sư mơlâu kơ đe hơ'măng.

Jang 6:10

Lu sư klai yua kơ jei Êtien ngăl. Yua kơ Yang Bơhngol 'Lơ̆ng tơgŭm Êtien pơma hơgei, dôm nơ̆r lu sư pơma jei Êtien ngăl.

Yo 7:46

Lu linh sư khan: “Đơ̆ng sơ̆ tam lah đei bơngai bơtho hơgei dang Sư.”

Luka 21:15

yua kơ Inh gô ăn kơ iĕm 'bơ̆r đon hơgei, na lu bơngai ayăt 'noh gô thuơ kơ iĕm.

Êsai 50:4

Kră Yang ăn kơ inh hơpiĕt lu bơngai gơh bơtho tơ'bôh wă kơ inh băt yua nơ̆r pơma tơiung lu bơngai rơdu tơrăn. Kră Yang râu inh rim pơgê đơ̆ng hrôih tơ'blŏk ăn kơ đon inh wă mơ̆ng nơ̆r Sư bơtho nhen thoi bơngai đei hŏk pơhrăm.

Hơri Hiôk 5:16

Nơ̆r pơma sư hơbôn dêh, Đe lăng sư rŏ kơ hưch tơpă, Noh boih pơyô inh păng buăl inh, Ơ lu adruh pơlei Jêrusalem. Buăl sư

Tơdrông Pơđơk 25:11

Nơ̆r pơma trŏ lăp noh, Thoi plei hơra 'maih dan kơpal pơnhan hu.

Tơdrông Pơđơk 10:32

Nơ̆r 'bơ̆r bơngai tơpăt băt tơdrong trŏ 'lơ̆ng; Mă-lei đei nơ̆r 'bơ̆r lu bơngai kơnê̆ lăp băt pơma hơlĕnh đĕch.

Horiso 45:4

Hăm tơdrong tơpăt, tơdrong dim iơ̆m păng tơdrong 'lơ̆ng tơpăt, Iŏk bĕ tơdrong tih rŏ Ih năm tŏk kĕ jei, Ti 'ma Ih tơ'bôh dôm tơdrong krưp.

Luka 2:47

Na đĭ-đăng lu bơngai oei 'bơ̆t ei mơ̆ng Yêsu sơleng kơ đon yua kơ Yêsu tơl lu sư hơgei tơpă.

Bôk Bơthô 10:12

Nơ̆r bơngai hơgei pơma pơm ăn kơ đe pơyom; mă-lei nơ̆r bơngai kơtul pơma ba tơdrong răm kơdih akâu.

Luka 2:48

Lăp mĕ 'bă Yêsu 'bôh Sư tơ noh na bre sư chrêu kơ đon, na mĕ Sư khan kơ Sư thoi âu: “Ơ dăm, yua kơ kiơ Ih pơm kơ nhi thoi âu? Nhi 'bă Ih chă Ih tôch đon hli kơ Ih hiong.”

Luka 4:21

Na đơ̆ng ei Yêsu khan kơ lu sư: “Tơdrong mă Êsai khan lê̆ hơdrol noh sơ̆, năr âu boih iĕm 'bôh tơdrong noh truh tơpă.”

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”