Luka 19:8 - Sơ̆p Hlabơar Nơ̆r 'Bok Kei-Dei

⁸ Na Sachê iung khan kơ Kră Yang Yêsu: “Ơ 'Bok, dôm mŭk tơmam inh âu, inh wă asong kơ lu bơngai dơnuh hin minh puăt. Păng lu bơngai mă inh pơgŏ iŏk jên, tơmam sư, inh gô tơwih ăn kơ sư lơ hloh kơ đêl inh iŏk, puăn hơtăl.”

Luka 19:8 Referans Kwoze

II Sam 12:6

Sư athei duh 'mong puăn plơ̆ng, yua kơ sư pơm thoi noh, sư ưh kơ đei jơhngơ̆m băt mơnat.”

Jo 5:7

bơngai noh athei tơbral roi tơdrong yoch sư păng pơdrâu tơwih tơmam tôm dôm thoi đêl păng ăn thim minh lăm pơđăm tơmam noh tơwih ăn kơ bơngai mă bơ̆n đei pơm glăi.

Tơdrông Pơđơk 6:31

Dah đe đei rôp sư athei duh tơpơh wơ̆t hloh; Sư gô ăn đĭ-đăng mŭk tơmam sư đei đơ̆ng lăm hnam.

Luka 12:33

Tĕch tơmam iĕm na tơgŭm lu bơngai dơnuh hin, na iĕm gô đei jên mă huay kơ hiong hiach oei 'măn lê̆ kơ iĕm tơ plĕnh ti. Tơ ei ưh kơ đei bơngai bu mă gơh tơtông iŏk dơ̆ng ôh. Tơ ei mua kư̆m ưh kơ gơh reh ngơ̆r tơmam iĕm mơ̆n.

Luka 16:9

“Na Inh khan kơ iĕm thoi âu: Jên boih tơmam ala teh âu đĕch mă-lei iĕm gơh yua jên mơ̆n wă tơgŭm bơngai dơnuh hin, na lăp jên iĕm ưh pă yua boih ning-mônh, iĕm gô đei bôl buăl lơ sơng iŏk iĕm tơ plĕnh ti.

I Sam 12:3

Âu inh dơ̆ng 'bơ̆t anăp lu iĕm, 'bơ̆t anăp Kră Yang păng 'bơ̆t anăp pơtao mă Kră Yang đei tuh đak rơmă pơk pơm pơtao, wă kơ lu iĕm roi pơdah ăn. Inh hăm đei rôp rơmo bu ưh? Hăm rôp aseh đe bu ưh? Inh hăm hơlĕnh đe bu ưh? Pơm kơnê̆ tôn teh đe bu ưh? Inh hăm pơgâm sa đe wă bơbĭt lê̆ măt đe lăm dôm tơdrong jang kiơ ưh? Tơdah đei pơm thoi noh, gô pơdrâu đĭ kơ iĕm.

Luka 11:41

Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.

Luka 7:13

Lăp Kră Yang Yêsu 'bôh mĕ sư ei, 'brơ̆k mơnat, na Sư khan: “Ih 'nĕ pă hmoi.”

Horiso 41:1

Pŭn dêh bơngai bu mă 'blŏk tơtăm bơngai rơdu tơrăn! Lăm năr anat anot Kră Yang gô tơgŭm dŏng sư.

Le 20:16

'Nĕ pơm kơdranh hơlĕnh kơ bôl buăl.

Êsêkiên 33:15

tơdah bơngai pơm yoch noh pơdrâu tơmam đêl pơkăm đơ̆ng tŏk iŏk păng pơdrâu tơmam đêl sư tơtông, arih sa kiơ̆ trong juăt arih 'lơ̆ng, ưh pă pơm tơdrong kơnê̆, tơpă sư gô arih, sư ưh pă lôch dơ̆ng.

Luka 7:19

Đơ̆ng noh na Yôhan krao 'bar 'nu bơngai pơhrăm păng sư, wơh bre sư năm tơ Kră Yang Yêsu wă jet Sư thoi âu: “Ih hăm trŏ kơ 'Bok Krist mă Yôhan khan gô truh, dah nhôn oei gô bơngai nai dơ̆ng?”

Luka 19:7

Đĭ-đăng kơ đe 'bôh tơdrong noh na chă pơma kơdih khan: “Lơliơ Yêsu boih khan mơ̆t sŏng sa tơ hnam bơngai yoch?”