Luka 19:10 - Sơ̆p Hlabơar Nơ̆r 'Bok Kei-Dei

¹⁰ Inh Kon Bơngai jur tơ ala teh âu wă chă lu bơngai mă kuơ̆l kơ trong wă pơklaih yoch sư.”

Luka 19:10 Referans Kwoze

Êsêkiên 34:16

Inh gô chă lu triu tơklah, Inh gô anhăk ba lu triu jrok wih brŏk, Inh gô pơ̆n hơmet lu triu rơka păng tơgŭm triu ayơ đei jĭ jăn jing pran. Mă-lei lu triu bek, pran Inh gô pơlôch, yua kơ Inh gô wei rong lu triu inh hăm tơdrong 'lơ̆ng tơpăt.

Mathiơ 1:21

Sư gô tơpŭ kơ minh 'nu kon drŏ-nglo, ih anăn Sư Yêsu, yua kơ Sư wă dŏng pơklaih bơngai bu mă lui kơ Sư đơ̆ng tơdrong yoch.”

Rom 5:6

Sơ̆ bơ̆n ưh kơ băt tơgŭm akâu bơ̆n pơm 'lơ̆ng thoi yơ, na mưh trŏ kơ năr 'Bok Kei-Dei pơkă na đei Yêsu Krist lôch tang bơ̆n bơngai yoch.

Mathiơ 15:24

Yêsu khan: “Liơ, 'Bok Kei-Dei wơh Inh wă kơ Inh tơgŭm lu bơngai Isơrael, yua kơ lu bơngai Isơrael thoi triu jrok trong, na iĕm khan wă kơ Inh tơgŭm sư?”

Luka 15:32

Trŏ mơ̆n ba ngôi păng oh e, yua kơ sư nhen lôch boih mă-lei dang ei sư arih dơ̆ng; sư hiong đơ̆ng ba, mă-lei dang ei ba 'bôh sư dơ̆ng.’ ”

Hêbrơ 7:25

Thoi noh na mă layơ Sư oei pơklaih ling-lang dôm lu bơngai mă gơnang kơ Sư, wă kơ bơ̆n gơh brŏk tơ 'Bok Kei-Dei, kơlih kơ Sư arih ling-lang ưh kơ tôch. Păng Sư oei apinh 'Bok Kei-Dei ling-lang wă tơgŭm bơ̆n.

Mathiơ 10:6

Iĕm athei năm tơ tơring bơngai Isơrael bơ̆n, yua kơ lu sư dang triu jrok trong.

Mathiơ 18:10

Inh khan kơ iĕm tơpă, iĕm 'nĕ chă pơjăm pơjuă lu bơngai hơ'lơ̆p yua kơ lu sư đei linh jang 'lơ̆ng wei-lăng. Linh jang 'lơ̆ng noh oei hơdai hăm 'Bok Kei-Dei 'Bă Inh ling-lang.

Êsêkiên 34:12

Thoi bơngai wei triu oei hơdai triu păng jô̆ lăng khŭl triu hiong, Inh kư̆m jô̆ lăng khŭl triu Inh; Inh gô dŏng pơklaih lu sư đơ̆ng rim anih mă lu sư tơklah tơklang lăm năr măng mu gueo.

Mathiơ 18:11

Inh Kon Bơngai truh wă pơklaih kon bơngai hiong hiơt kơ 'Bok Kei-Dei.

Yo 3:17

'Bok Kei-Dei wơh Kon Sư jur tơ ala teh âu wă pơklaih kon bơngai đơ̆ng tơdrong yoch, ưh kơ sĭ wă phak kon bơngai ôh.

Luka 15:8

“Pơtih gia dơ̆ng, minh 'nu bơngai drŏ-kăn, sư đei mơjĭt hlak jên hu. Dah sư hiong minh hlak lăm hnam, hăm trŏ kơ sư tơ̆k ŭnh kơđeng na sơpuih chă khŏm khŏm tơ̆p mă 'bôh 'mơ̆i?