Luka 18:34 - Sơ̆p Hlabơar Nơ̆r 'Bok Kei-Dei

³⁴ Yêsu pơma tơpăt tơdrong Sư gô lôch tơpă, mă-lei lu bơngai pơhrăm păng Sư ưh kơ hlôh tơdrong Sư pơma noh wă khan kiơ.

Luka 18:34 Referans Kwoze

Luka 9:45

Mă khan Yêsu pơma hơdah tơdrong noh, lu sư ưh kơ hlôh păng lu sư kư̆m ưh kơ pơ̆n jet Yêsu.

Markôs 9:32

Mă-lei lu sư ưh kơ hlôh ôh Yêsu pơma thoi noh păng ưh kơ pơ̆n jet Sư tăm.

Yo 12:16

Hơtai ei lu bơngai pơhrăm păng Sư ưh kơ tơchĕng tơdrong âu pơma roi gah tơdrong Yêsu năm tơ Pơlei Jêrusalem. Mă-lei đơ̆ng rŏng kơ Yêsu lôch iung arih tŏk tơ plĕnh lu sư 'blŏk hơdơ̆r tơdrong đe chih noh. Na lu sư băt boih tơdrong noh roi kơ Sư mơ̆t tơ Pơlei Jêrusalem.

Yo 10:6

'Noh Yêsu pơma pơtih gia kơ lu bơngai Juđê ră, mă-lei lu sư ưh kơ hlôh Yêsu bơtho tơdrong noh.

Luka 24:45

Đơ̆ng noh na Yêsu ăn kơ đon lu sư hlôh wao sơ̆p hla bơar 'Bok Kei-Dei.

Luka 24:25

Na Yêsu khan kơ bre sư thoi âu: “Ơ lu bơngai kơhlôh, biĕm anat tơpă kơ lui dôm tơdrong lu bơngai mă pơtruh nơ̆r 'Bok Kei-Dei khan lê̆ hơdrol đơ̆ng sơ̆.

Luka 2:50

Mă-lei bre sư ưh kơ hlôh Yêsu wă pơma kiơ.

Luka 18:33

Lu sư teh tach pơjĭ Inh păng pơlôch Inh. Mă-lei kơtĕch pêng năr Inh gô iung arih dơ̆ng.”