Luka 18:28 - Sơ̆p Hlabơar Nơ̆r 'Bok Kei-Dei

²⁸ Na Pêtrôs khan kơ Yêsu: “Bĭ lu nhôn mă achăng lê̆ hnam dơnŏ nhôn yua kơ kiơ̆ Ih boih lơliơ?”

Luka 18:28 Referans Kwoze

Philip 3:7

Inh kiơ̆ dôm tơdrong noh sơ̆, inh tơchĕng yua dêh. Mă đơ̆ng inh kiơ̆ tơdrong Yêsu Krist dang ei dôm tơdrong noh ưh pă yua kơ inh minh tơdrong kiơ.

Markôs 10:28

Na Pêtrôs khan kơ Sư: “Bĭ lu nhôn mă achăng lê̆ tôm tơdrong yua kơ kiơ̆ Ih boih lơliơ?”

Mathiơ 19:27

Na Pêtrôs khan kơ Sư: “Lu nhôn âu achăng lê̆ tôm tơdrong yua kơ kiơ̆ Ih, na lu nhôn gô đei kiơ?”

Luka 5:11

Na lu sư wơ̆r thŏng-nan ei truh tơ jih đak dơsĭ achăng lê̆ dôm tơmam sư ei, na kiơ̆ hloi Yêsu.

Mathiơ 9:9

Yêsu năm ataih 'biơ̆ đơ̆ng noh, na Sư 'bôh Mathiơ oei jang 'bơ̆t hnam thuê̆. Yêsu pơtơm sư khan: “Bĕ kiơ̆ Inh.” Na sư gruih iung kiơ̆ hloi Yêsu.

Yo 19:27

Păng khan kơ bơngai pơhrăm păng Sư: “'Noh mĕ ih.” Đơ̆ng năr noh bơngai pơhrăm ei anhăk ba mĕ Yêsu oei tơ hnam sư.