Luka 16:19 - Sơ̆p Hlabơar Nơ̆r 'Bok Kei-Dei

¹⁹ Yêsu khan dơ̆ng thoi âu: “Sơ̆ đei minh 'nu bơngai mơdrŏng, sư juăt kơ hrŭk ao 'lơ̆ng rŏ păng sŏng sa jơnap ling-lang.

Luka 16:19 Referans Kwoze

Êsêkiên 16:49

'Nâu tơdrong yoch oh drŏ-kăn ih Sôđôm: Sư păng lu kon drŏ-kăn sư pơang, sŏng sa phĭ jơnap, tơmam sa rơkah rơkai, mă-lei ưh kơ tơgŭm lu bơngai dơnuh hin pơmat-tat.

Êsêkiên 27:7

Che rơmuăn đei reng đơ̆ng Êyiptơ dăng pĕng kial, thoi hla-kơ, che pơm yơ̆p noh hăm che dreng jơk hơhĭm đơ̆ng bŏl đak dơsĭ Êlisa.

Tơdrông Tơ'bôh 18:16

chă pơma rah khan: “Ô glăi, ô glăi, Pơlei Babilôn pơlei tih-tin, rŏ kơ pơlei yă pơtao hrŭk hơbĕn ao 'brê găm jơk dreng 'lơ̆ng 'lơ̆ng, chă pơhrôp akâu kơdih 'bot bơ̆n maih, bơ̆n hu, bơ̆n anam.

Tơdrông Tơ'bôh 18:7

Sư pơma pơang akâu dang yơ, hưch hanh kơ mŭk tơmam 'lơ̆ng rŏ dang yơ, sư gô pŭ tơdrong pơmat, tơdrong ơh sơ'ngon kư̆m dang noh. Sư tơchĕng lăm to sư khan: ‘Inh pơm yă pơtao pơgơ̆r đe ling-lang, Inh ưh kơ sĭ yă adro, na liơ inh gơh ơh sơ'ngon?’

Tơdrông Tơ'bôh 17:4

Bơngai drŏ-kăn ei hrŭk ao tai 'brê 'lơ̆ng, 'băk kong kiơng maih, đoh sơle rang gơhlâu, ti sư chĕp pơnhan maih 'bĕnh kơ tơdrong 'mê̆-'mach păng tơdrong sư pơm kư̆ kă.

Luka 16:1

Yêsu khan kơ lu bơngai pơhrăm păng Sư thoi âu: “Đei minh 'nu bơngai mơdrŏng đei minh 'nu đam kơiĕng. Na đe roi kơ bơngai mơdrŏng ei khan: ‘Nhôn 'bôh đam kơiĕng ih pơhuach mŭk ih lah 'bok.’

Markôs 15:17

Lu linh ei pơhrŭk kơ sư ao tai 'brê pơm thoi pơtao păng lu sư iŏk tơlei jơla chuă pơm agăl na pơyơ̆l tơ kơ̆l Yêsu.

Êsêkiên 16:13

Ih pơguăng hăm maih, hu, hrŭk ao tai che 'bui tanh hăm brai se, che tơpu hơdrông păng che dônh sĭt. Ih sa tơpŭng 'lơ̆ng hăm đak sut, đak rơmă ôliwơ. Ih jing 'lơ̆ng hơbŏ trŏ lăp thoi pơtao drŏ-kăn.

Esther 8:15

Morđêkai lĕch đơ̆ng anăp pơtao hrŭk hơbĕn ao jơk kok, yơ̆l môk maih pơtao păng hrŭk ao tai che 'bui se 'brê hơhĭm, kơplah noh kon pơlei Susa ôr jreo chhôk hơnôk.

Lu 8:26

Lu gŏp maih mă Giđêôn apinh noh kŏng lăng trăp đei mơjĭt-tơsĭn kĭ minh puăt maih, ưh kơ jơ̆ tơmam gĭt nai thoi rơbưn mă lu pơtao Miđian pơhrơp păng lu hơbĕn ao che 'brê hơhĭm juăt kơ hrŭk păng kư̆m ưh kơ jô̆ ôh maih tơmam 'măn lu sư tơ'băk tơ hơko aseh lăk-đa.

Luka 15:13

Đơ̆ng rŏng kơ năr noh kon hơdruch sư iŏk dôm mŭk tơmam mă đêl 'bă sư ăn kơ sư, na jăk tơ dêh nai. Tơ ei sư pơm kư̆ kă, sư pơhuach đĭ mŭk tơmam sư.

Markôs 15:20

Lu sư che bơle đang boih na plôh ao tai 'brê noh, pơhrŭk ăn ao Sư kơdih dơ̆ng. Đơ̆ng noh lu linh anhăk Yêsu năm pơ̆ng pơlôch tơ 'long pơglang.

Tơdrông Pơđơk 31:22

Sư tanh lơ blah hơbĕn, khăn, ao hrŭk. Sư hrŭk ao 'lơ̆ng brai se, đak 'brê jơk.

Luka 16:18

Mă tơdrong achăng akăn kư̆m lei-lăi, bơngai bu achăng akăn sư na iŏk akăn plơ̆ng, bơngai noh sư yoch boih yua kơ sư kơđang kơ̆l ako pơ'brơh kơ akăn sư. Bơngai bu iŏk akăn mă đơ̆ng đe achăng lê̆ boih, bơngai noh kư̆m yoch mơ̆n.”

Luka 16:20

Na đei minh 'nu bơngai dơnuh hin, anăn sư Lasarơ. Sư jĭ tơ'boch roch jơ̆p kơ akâu sư. Đe juăt kơ tung ba tơ'bĭch sư tơ 'măng hnam 'bok mơdrŏng ei.

Tơdrông Pơđơk 14:24

Môk pơtao kơ lu bơngai hơgei noh tơdrong mơdrŏng. Mă-lei tơdrong kơhlôh lu bơngai kơwao oei kơtul.

Êsai 3:23

Kơmĭl lăng, ao, che klơ̆p kơ̆l păng che gom muh măt.