Luka 15:13 - Sơ̆p Hlabơar Nơ̆r 'Bok Kei-Dei

¹³ Đơ̆ng rŏng kơ năr noh kon hơdruch sư iŏk dôm mŭk tơmam mă đêl 'bă sư ăn kơ sư, na jăk tơ dêh nai. Tơ ei sư pơm kư̆ kă, sư pơhuach đĭ mŭk tơmam sư.

Luka 15:13 Referans Kwoze

Je 2:5

Kră Yang khan: “Yă 'bok lu iĕm đei 'bôh tơdrong kiơ mă ưh kơ tơpăt lăm Inh dĭng mah lu sư weh ataih đơ̆ng Inh Kiơ̆ lu yang kơnê̆ păng jing bơngai ưh kơ yua kiơ?

Tơdrông Pơđơk 29:3

Bơngai bu chă tơdrong gơh hơgei lei 'bă sư đei chơt hiôk, Bơngai bu ngôi hăm bơngai đi gô pơrăm mŭk tơmam sư.

Tơdrông Pơđơk 21:17

Bơngai bu ham kơ hiôk chơt gô dơnuh. Bơngai bu puh lăm sik hơmu păng đak rơmă plei ôliwơ ưh kơ layơ mơdrŏng.

Tơdrông Pơđơk 28:7

Bu wei răk khôi juăt noh kon drŏ-nglo bơngai hơgei; Gah bu pơm juăt hăm lu bơngai sa dư noh wă pơm kơ 'bă sư mơlâu.

Luka 16:19

Yêsu khan dơ̆ng thoi âu: “Sơ̆ đei minh 'nu bơngai mơdrŏng, sư juăt kơ hrŭk ao 'lơ̆ng rŏ păng sŏng sa jơnap ling-lang.

Luka 16:1

Yêsu khan kơ lu bơngai pơhrăm păng Sư thoi âu: “Đei minh 'nu bơngai mơdrŏng đei minh 'nu đam kơiĕng. Na đe roi kơ bơngai mơdrŏng ei khan: ‘Nhôn 'bôh đam kơiĕng ih pơhuach mŭk ih lah 'bok.’

Luka 15:30

Mă-lei tă tơ kon ih jăk tơ nai, pơhuach mŭk tơmam ih, ngôi kư̆ kă hăm lu drŏ-kăn đi, dang ei sư brŏk tơ âu, tă tơ sư dơ̆ng ih 'bet sa kon rơmo bek.

Mi 6:3

Ơ kon pơlei inh gô đei pơm kiơ kơ ih? Inh đei pơgleh pơmat ih kiơ? Pơm kơdranh plơ̆ kơ inh bĕ.

Je 2:31

Ơ lu iĕm lăm jơhnơr 'nâu mơ̆ng bĕ nơ̆r Kră Yang khan: “Inh hăm trŏ kơ char glă dah teh đak măng mu kơ bơngai Isơrael? Lei na liơ kon pơlei Inh khan: ‘Lu nhôn rơngei boih, lu nhôn ưh pă wă năm tơ Ih dơ̆ng.’

Je 2:13

“Kon pơlei Inh đei pơm boih 'bar tơdrong yoch kơnê̆. Lu sư achăng lê̆ Inh, jơ̆ tu đak tơdrong arih păng chă sir sơlŭng mong đak kơdih, tơpă sơlŭng noh hơđang, ưh kơ gơh mong đak.

Êsai 56:12

Lu sư khan: “Năm bĕ, inh gô iŏk tơdrô, bĕ bơ̆n et tơdrô kơtang mơ̆ng kơ wă; Năr dơning kư̆m gô lei-lăi thoi năr 'nâu, et sa rai tih hloh dơ̆ng.

Êsai 30:11

Weh bĕ trong nai, tơklah bĕ đơ̆ng trong noh lê̆ pă roi gah Tơ'ngla 'Lơ̆ng Rơgoh đe Isơrael, weh bĕ đơ̆ng muh măt lu nhôn.”

Êsai 22:13

Mă-lei lăng to lăm lu iĕm đei tơdrong chơt hiôk kư̆ kă 'bet sa rơmo, 'buh sa triu, sa 'nhĕm, et tơdrô: “Et sa bĕ yua kơ dơning bơ̆n gô lôch!”

Êsai 1:4

Ô dêh char yoch kơnê̆ dêh, kon pơlei pơla pơm yoch kơnê̆ trăp dêh tơpă, Adrĕch adrung pơm kơnê̆ dêh, lu kon hơ'lơ̆p pơm kư̆ kă, lu sư achăng hŭt Kră Yang. Lu sư Pơjăm Kră Yang 'Lơ̆ng tơpăt Isơrael, lu sư weh tơklah ataih bơih.

Tơdrông Pơđơk 27:8

Bơngai thông mang huang ataih đơ̆ng hnam sư, Thoi sem păr ataih đơ̆ng tơpu sư.

Tơdrông Pơđơk 21:20

Lu bơngai hơgei đei 'măn tơmam gĭt păng rơmă plei ôliwơ; Bơngai kơtul kơwao sa đĭ tơmam sư đei.

Tơdrông Pơđơk 18:9

Lu bơngai hơlah noh; Thoi 'nhŏng oh lu bơngai pơrăm.

Tơdrông Pơđơk 6:26

Drŏ-kăn di tơjur ih dang minh tơpei 'bĕng mi. Akăn đe pơhlŭ pơm hơđong kơ bơhngol ih.

Horiso 73:27

To lu bơngai ataih đơ̆ng Ih gô hiong răm; Ih gô pơrăm lê̆ lu bơngai kuă kơ chu Ih.

II Pet 2:13

'Bok Kei-Dei wă phak lu sư tơpă, yua kơ lu sư pơm kơnê̆ dang ei. Lu sư lăp đon kơ tơdrong ngôi kư̆ kă kơ'năr kư̆m bưh ưh kơ băt mơlâu kơ đe. Năr iĕm sŏng sa tih, lu sư kư̆m năm sŏng sa hơdai iĕm. Mă-lei lu sư sa dư dêh, wă kơ mă hrăp kơ hơlŏng klak kơdih, ưh kơ băt kơ mơlâu kơ bôl buăl. Lu sư pơm tơdrong noh kơplah iĕm akŭm băl tơdrong 'lơ̆ng, thoi lĕ kơ ao 'nao mă sư mơgrĭ.

Êphêsô 2:17

Yêsu Krist jur bơtho tơdrong hiôk-hian kơ lu iĕm bơngai nai mă ataih kơ Sư sơ̆; lu bơngai Juđê mă ưh kơ ataih kơ Sư, Sư kư̆m bơtho mơ̆n.

Êphêsô 2:13

Mă-lei mă khan iĕm ataih đơ̆ng 'Bok Kei-Dei dang noh sơ̆, dang ei truh tơ Sư boih, yua kơ Yêsu Krist lôch tuh pham tang iĕm tơ 'long pơglang, pơm kơ iĕm jing minh jơhngơ̆m minh đon hăm Sư.

Luka 15:12

Kon hơdruch apinh 'bă sư: ‘Klah asong mŭk tơmam kơ inh bĕ 'bă.’ Thoi noh 'bă sư klah asong mŭk tơmam kơ bre sư.

Luka 15:14

Truh mŭk tơmam sư đĭ boih, đei pơngot rơwĕt dêh truh tơ tơring 'nei. Sư jing bơngai dơnuh hin,