Luka 14:22 - Sơ̆p Hlabơar Nơ̆r 'Bok Kei-Dei

²² Na đam 'nei hơloh yak chă krao đe hloi. Lăp chă krao đe đang boih na sư wih tơ hnam khan kơ tơ'ngla sư 'nei: ‘Ơ 'bok, inh chă krao lu đe noh hei boih, đĭ-đăng lu sư năm boih ră, mă-lei anih oei rơhơi 'mơ̆i.’

Luka 14:22 Referans Kwoze

Yo 14:2

Tơ hnam 'Bă Inh đei lơ anih oei tơpă. Dah ưh kơ đei Inh kư̆m khan ưh kơ đei mơ̆n. Na dang ei Inh wă năm hơmet kơ iĕm anih.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

Kôlôsê 2:9

'Bok Kei-Dei ăn kơ Yêsu Krist tôm tơdrong lei-lăi thoi Sư kơdih.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Horiso 130:7

Ơ Isơrael, chang hơmĕng bĕ kơ Kră Yang; Yua kơ Kră Yang 'mêm mơnat Sư ăn tơdrong dŏng pơklaih lơ;

Horiso 103:6

Kră Yang pơm tơdrong tơpăt, Păng sek trŏ hơnơ̆ng kơ lu bơngai mă gơ̆p pơjuă pơđep.

Luka 14:21

“Đam 'nei brŏk brăi tơ hnam na sư roi kơ tơ'ngla sư dôm tơdrong 'nei. Na tơ'ngla sư kơtơ̆ng thoi ei, sư 'blut tơpă, na sư khan hloi kơ đam sư: ‘Ih dah chă năm rim kơ trong jơ̆p lăm pơlei âu chă krao wơ̆n lu bơngai dơnuh hin, lu bơngai jơ̆ng jo go kơdŭ, lu bơngai măt tol, tĕnh.’

Luka 14:23

Na tơ'ngla sư 'nei khan kơ đam sư thoi âu dơ̆ng: ‘Ih lĕch đơ̆ng pơlei âu, ih chă năm jơ̆p kơ trong mă tơ yơ yơ, ih tơ'bơ̆p bu bu, ih dui pơđĭ kơ lu sư tơ âu tơ̆p mă 'bĕnh kơ hnam inh 'mơ̆i.