Luka 13:23 - Sơ̆p Hlabơar Nơ̆r 'Bok Kei-Dei

²³ Đei bơngai jet Sư: “Ơ 'Bok, bơngai gơh klaih đơ̆ng tơdrong yoch lăp tŏ sĕt đĕch dah kiơ?” Na Yêsu khan kơ lu sư:

Luka 13:23 Referans Kwoze

Mathiơ 7:14

Trong 'măng mơ̆t tơ anih arih ling-lang iĕ păng anat kơ yak tơpă, na hui bơngai 'bôh 'măng iĕ noh.

Mathiơ 22:14

Na Yêsu khan dơ̆ng thoi âu: “Tơdrong 'noh pơtih gia kơ 'Bok Kei-Dei krao lơ bơngai lui kơ Sư mă-lei Sư rơih iŏk lăp tŏ sĕt đĕch.”

Mathiơ 20:16

Tơdrong âu Yêsu pơma pơtih gia kơ 'Bok Kei-Dei wă pơgơ̆r bơ̆n: “Mă dôm tơdrong kiơ lu bơngai mă pơm iĕ kơ đe dang ei, ning-mônh sư gô tih; dôm lu bơngai pơm tih kơ đe dang ei ning-mônh sư jing iĕ.”

Mathiơ 19:25

Lu bơngai pơhrăm păng Sư kơtơ̆ng thoi noh lu sư sơleng kơ đon. Na lu sư jet Yêsu khan: “Lei bu gơh mơ̆t tơ dêh char 'Bok Kei-Dei lĕ?”

Luka 13:22

Yêsu năm tơ Pơlei Jêrusalem, Sư drong bơtho rah pơlei đe kiơ̆ trong Sư yak tơ ei.

Luka 13:24

“Iĕm athei adrin mơ̆t trong 'măng iĕ bĕ yua kơ đei lơ bơngai nŏng wă mơ̆t ră ưh kơ gơh.