Biblia Todo Logo
Bib sou entènèt

- Piblisite -




Luka 12:33 - Sơ̆p Hlabơar Nơ̆r 'Bok Kei-Dei

33 Tĕch tơmam iĕm na tơgŭm lu bơngai dơnuh hin, na iĕm gô đei jên mă huay kơ hiong hiach oei 'măn lê̆ kơ iĕm tơ plĕnh ti. Tơ ei ưh kơ đei bơngai bu mă gơh tơtông iŏk dơ̆ng ôh. Tơ ei mua kư̆m ưh kơ gơh reh ngơ̆r tơmam iĕm mơ̆n.

Gade chapit la Kopi




Luka 12:33
14 Referans Kwoze  

Yêsu khan kơ sư: “Dah ih wă kiơ̆ tôm tơdrong 'Bok Kei-Dei pơkă lei ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ hloi Inh. Thoi noh na ih gô đei mŭk tơmam tơ kơpal plĕnh ti ning-mônh.”


Yêsu kơtơ̆ng thoi noh na Sư khan: “Ih răk ưh kơ tôm oei pă minh tơdrong. Ih athei tĕch đĭ mŭk tơmam ih chă asong kơ lu bơngai dơnuh hin, na kiơ̆ Inh hloi. Thoi noh na ih gô đei mŭk tơmam tơ kơpal plĕnh ti ning-mônh.”


Lu sư tĕch mŭk tơmam, chŭn mir sư, asong băl jên kơ rim 'nu lu sư kiơ̆ kơ kăl yua.


“Na Inh khan kơ iĕm thoi âu: Jên boih tơmam ala teh âu đĕch mă-lei iĕm gơh yua jên mơ̆n wă tơgŭm bơngai dơnuh hin, na lăp jên iĕm ưh pă yua boih ning-mônh, iĕm gô đei bôl buăl lơ sơng iŏk iĕm tơ plĕnh ti.


Kră Yang Yêsu khan dơ̆ng thoi âu: “Tơdrong âu wă pơtih gia kơ dôm lu bơngai hăt kơ mŭk tơmam ala teh, ưh kơ wă tơchĕng gah tơdrong 'Bok Kei-Dei.”


Lu iĕm rei lơ mă-lei kĕch iŏk tŏ sĕt; sŏng sa ră mă-lei ưh kơ phĭ; nhă ră mă-lei ưh kơ hrăp; hrŭk mă ưh kơ tơtŏ. Păng lu mơ'nah jang chă jên; mong jên sư kơdih noh lăm kơdŭng hlôh.’


Lu sư đei tơdrong gleh pơmat-tat păng dơnuh tăm mă-lei jơhngơ̆m lu sư hiôk hơiă păng hơlăng băt kơ pơtơm băl ra jên tơgŭm lu bơngai lui dơnuh hin tơ Pơlei Jêrusalem.


Juđa khan thoi noh ưh kơ sĭ sư mơnat kơ lu bơngai dơnuh hin tơpă ôh. Sư bơngai wei kơdŭng jên tơpôl lu sư păng sư bơngai tơtông mơ̆n. Phŏ phŏ sư tơtông iŏk jên đơ̆ng kơdŭng ei.


Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.


Đei mơ'nah pơrŏ pơm mơdrŏng, mă-lei ưh kơ đei kiơ. Đei mơ'nah pơm dơnuh hin, mă-lei đei mŭk tơmam lơ.


Swiv nou:

Piblisite


Piblisite