Luka 10:3 - Sơ̆p Hlabơar Nơ̆r 'Bok Kei-Dei

³ Dang ei Inh wơh iĕm năm chă bơtho đe, na iĕm athei kơchăng hŏ, yua kơ dang lĕ wơh kon triu năm tơ kŏ-so.

Luka 10:3 Referans Kwoze

Mathiơ 10:16

“Inh wơh iĕm năm chă bơtho đe iĕm athei kơchăng hŏ, yua kơ dang lĕ wơh triu năm tơ kŏ-so. Na iĕm athei chă đon hơgei thoi 'bih, iŏk jơhngơ̆m dim dang kơtơp.

Jang 20:29

Inh băt đơ̆ng rŏng kơ inh tơklah đơ̆ng lu iĕm, lu bơngai kơnê̆ pă jor wă năm tơ iĕm, wă pơhlŭ lu bơngai lui achăng lê̆ Kră Yang Yêsu. Lu sư thoi lĕ kŏ-so wă rôp sa triu.

Yo 16:2

Ning-mônh lu sư gô pơpuh iĕm đơ̆ng hnam akŭm lu sư. Ning-mônh mơ̆n lu sư khan pơlôch iĕm khan trŏ kơ 'Bok Kei-Dei wă.

Yo 15:20

“Mă lu iĕm athei 'blŏk gah tơdrong Inh bơtho hei: ‘Đĭch ưh kơ lah tih hloh kơ yŏng sư.’ Đe pơm kơnê̆ kơ Inh păng đe gô pơm kơnê̆ kơ iĕm mơ̆n. Đe lui yom kơ nơ̆r Inh bơtho dang yơ, đe kư̆m lui yom kơ nơ̆r iĕm bơtho dang noh mơ̆n.

Mathiơ 10:22

Đĭ-đăng bơngai gô areh arĕnh kơ iĕm yua kơ tơdrong jang Inh. Thoi noh bu wă adrin lui kơ Inh truh tôch, bơngai 'noh gô klaih.

Mathiơ 7:15

“Iĕm kơchăng kơ lu bơngai hơlĕnh khan sư bơngai pơtruh nơ̆r 'Bok Kei-Dei. Lu sư bơngai 'bơ̆r đak klak ŭnh. Bơ̆n lăng gah 'ngoaih sư hơbŏ dim thoi triu, mă-lei lăm to sư dang kŏ-so 'maih chă kăp đe.

Jêphania 3:3

Lu kuan tih mă oei pơgơ̆r lu sư thoi dăm-brang hơrum, lu kră sek tơlang lu sư thoi kŏ-so sa pơgoh kơmăng, ưh kơ đei 'măn lê̆ kơ pơgê dơning.

Yo 10:12

Gah bơngai wei triu mă ưh kơ tơ'ngla triu ei, sư bơngai jang đĕch; bơngai 'noh lăp sư 'bôh kŏ-so truh sư achăng lê̆ triu ei, na akâu sư jăk hloi tơ nai. Lu triu ei mơ'nah kŏ-so rôp, mơ'nah jăk tơklah tơklang.

Horiso 22:21

Pơklaih inh đơ̆ng 'bơ̆r dăm-brang, Đơ̆ng hơke rơmo bri, yua kơ Ih kơtơ̆ng boih nơ̆r inh krao.

Jang 9:16

Inh wă tơbăt kơ sư, sư gô đei tơdrong pơmat dang yơ yua kơ sư gô bơtho tơdrong Inh.”

Luka 10:4

Iĕm 'nĕ kơ chĕp ba kơdŭng tah jên dah kơdŭng bĕng păng 'nĕ kơ chĕp hiă chơkhŏ săng-đal. Iĕm 'nĕ kơ hiơ̆ kơ pơma dơnuh kơ đe rok trong.