Lu 8:10 - Sơ̆p Hlabơar Nơ̆r 'Bok Kei-Dei

¹⁰ Sêba păng Salmuna oei tơ pơlei Karkơr hơdai hăm linh lu sư, dang mơjĭt-pơđăm rơbâu 'nu bơngai; noh đĭ-đăng lu bơngai mă oei arih lăm khŭl lu linh bơngai gah hơlĕch; yua kơ minh-hrĕng 'bar-jĭt rơbâu 'nu bơngai chĕp đao gưm đe pơlôch đĭ boih.

Lu 8:10 Referans Kwoze

Lu 7:12

Tơ noh kon pơlei Miđian, kon pơlei Amalek păng đĭ-đăng bơngai đơ̆ng gah hơlĕch nai oei tơ lăm thŭng lơlang lơlap nhen thoi lep tung-nut, lu aseh lăk-đa lu sư lơ ưh, kơ kĕ kơ jơ̆ nhen thoi pơlao chuơh tơter đak dơsĭ.

II Pot 3:26

Pơtao lu bơngai Môap mơn kơdih sư tơblah pă kĕ bơih, na sư chông ba lu linh kiơ̆ sư tơpơh-hrĕng 'nu chĕp đao gưm wă pơih trong drŭt năm tơ pơtao Eđôm; mă-lei ưh kơ kĕ ôh.

Lu 20:46

Akŭm đĭ-đăng lu bơngai Bênjamin lôch lăm năr 'noh đei 'bar-jĭt pơđăm-rơbâu 'nu lu bơngai tă kơ gơh hơgei chĕp khêl đao, nuih kơtang ngăl,

Lu 20:35

Kră Yang blah pơrăm lu bơngai Bênjamin 'bơ̆t anăp lu bơngai Isơrael; lăm năr 'noh lu bơngai Isơrael pơlôch 'bar-jĭt pơđăm-rơbâu minh-hrĕng 'nu lu bơngai Bênjamin, đĭ-đăng lu sư bơngai hơgei chĕp khêl đao gưm ngăl.

Lu 20:25

Lu bơngai Bênjamin lĕch đơ̆ng pơlei Gibêah, lu sư năm blah lu bơngai Isơrael, pơlôch mơjĭt-tơhngam rơbâu 'nu kon pơlei Isơrael dŏng, 'noh tă tơ lu bơngai gơh hơgei kơ chĕp khêl đao gưm ngăl.

Lu 20:17

Lu bơngai Isơrael, ưh kơ đei jơ̆ lu bơngai Bênjamin, akŭm băl đĭ-đăng đei puăn-hrĕng rơbâu 'nu lu bơngai gơh hơgei kơ chĕp khêl đao, đĭ-đăng 'noh tă kơ linh hơgei tơblah ngăl.

Lu 20:15

Lăm năr 'noh, lu bơngai Bênjamin pơtơm băl đơ̆ng lu pơlei truh tơ noh, đĭ-đăng đei 'bar-jĭt tơdrâu-rơbâu 'nu bơngai drŏ-nglo gơh hơgei chĕp khêl đao gưm thim đơ̆ng pơlei Gibêah đei tơpơh-hrĕng 'nu lu linh hơgei kơ chĕp khêl đao đe rơih boih.

Lu 20:2

Lu yŏng pơgơ̆r kon pơlei đơ̆ng mơjĭt-'bar adrĕch bơngai Isơrael, đĭ-đăng lu sư đei măt tơm lăm năr akŭm tih lu kon pơlei Kră Yang. Đei puăn-hrĕng rơbâu 'nu linh chĕp đao gưm akŭm băl.

Êsai 37:36

Kơplah noh, linh jang 'lơ̆ng đơ̆ng Kră Yang năm mơ̆t tơ lăm kơđông lu linh Asiri păng pơlôch minh-hrĕng tơhngam-jĭt pơđăm-rơbâu 'nu, pơgê hrôih năr đơ̆ng rŏng đe hơđơ̆r iung 'bôh bơngai lôch hnơ̆k hnăk.

Êsai 9:4

Đĭ-đăng chơkhŏ đêl lu bơngai 'bot năm tơblah, hăm ao mam đêl pham klep gô soh rŭk tơ ŭnh pơđĭ.

II Ho 28:8

Khŭl linh Isơrael rôp 'bar-hrĕng rơbâu 'nu lu 'nhŏng oh lu sư pơm bơnă, drŏ-kăn, kon hơ'lơ̆p drŏ-nglo, drŏ-kăn păng kư̆m đei blah iŏk lu mŭk tơmam chĕp ba tơ pơlei Samari.

II Ho 28:6

lăm minh năr Pêka kon drŏ-nglo Rêmalia, đei pơlôch minh-hrĕng 'bar-jĭt rơbâu 'nu linh bơngai Juđa, tă kơ lu linh mă nuih kơtang ngăl, yua kơ lu sư achăng lê̆ Kră Yang 'Bok Kei-Dei 'bok lu sư.

II Ho 13:17

Abija păng lu linh sư blah pơrăm đĭ lu bơngai Isơrael tih dêh đei pơđăm-hrĕng rơbâu linh nuih kơtang Isơrael lôch,

Lu 7:22

Kơplah lu sư hlôm pêng-hrĕng tŏ tơgiĕp, Kră Yang pơm lu linh Miđian iŏk đao gưm 'bet pơlôch băl tơduă. Păng đĭ-đăng khŭl linh pơlôch băl tơduă Khŭl linh kơdâu ôn hlôi truh tơ pơlei Bet Sita tơklă char Sêrêra, păng truh tơ hơdral pơlei Abel Mêhôla jê̆ pơlei Tabat.

Lu 6:5

Yua kơ bơngai hăm sem dơrong lu sư truh pơm anih lơ tơpă thoi lep tung-nut. Ưh pă kĕ jô̆ kon bơngai hăm lu aseh lăk-đa lơ dêh tơpă truh tơ dêh noh lu sư wă blah pơrăm đĭ.

Lu 8:11

Giđêôn tŏk 'moi kiơ̆ trong lu kon pơlei chă oei pơm bơsŭn pơdơh tơ gah hơlĕch kơ pơlei Nôba păng Jôbêha păng chă blah lu linh mă ưh kơ kơchăng.

Lu 7:13

Kơplah Giđêôn truh, đei kơtơ̆ng minh 'nu bơngai roi kơ buăl sư khan: Măng 'nâu inh tep đei apo 'bôh minh pôm 'bĕng 'ba tơ'bâu apôm huŏng grŏl lăm kơđông linh Miđian. 'Bĕng noh hơtŭt 'bơm tơ minh pơm bơsŭn na bơsŭn noh păk hloi, păk plơ̆ bơbŭng tơ ala, na bơsŭn noh pơchah đĭ.