Lu 7:12 - Sơ̆p Hlabơar Nơ̆r 'Bok Kei-Dei

¹² Tơ noh kon pơlei Miđian, kon pơlei Amalek păng đĭ-đăng bơngai đơ̆ng gah hơlĕch nai oei tơ lăm thŭng lơlang lơlap nhen thoi lep tung-nut, lu aseh lăk-đa lu sư lơ ưh, kơ kĕ kơ jơ̆ nhen thoi pơlao chuơh tơter đak dơsĭ.

Lu 7:12 Referans Kwoze

Lu 8:10

Sêba păng Salmuna oei tơ pơlei Karkơr hơdai hăm linh lu sư, dang mơjĭt-pơđăm rơbâu 'nu bơngai; noh đĭ-đăng lu bơngai mă oei arih lăm khŭl lu linh bơngai gah hơlĕch; yua kơ minh-hrĕng 'bar-jĭt rơbâu 'nu bơngai chĕp đao gưm đe pơlôch đĭ boih.

Lu 6:5

Yua kơ bơngai hăm sem dơrong lu sư truh pơm anih lơ tơpă thoi lep tung-nut. Ưh pă kĕ jô̆ kon bơngai hăm lu aseh lăk-đa lơ dêh tơpă truh tơ dêh noh lu sư wă blah pơrăm đĭ.

Lu 6:3

Mưh lu bơngai Isơrael chă rei adrĕch, kon pơlei Miđian hăm kon pơlei Amalek păng bơngai đơ̆ng gah hơlĕch năm blah bơngai Isơrael.

Jôsuê 11:4

Lu pơtao păng đĭ-đăng lu linh sư lĕch năm hơdai hăm kon pơlei lơ dêh đei aseh păng gre aseh lơ dêh tơpă nhen thoi chuơh cheng đak dơsĭ,

Horiso 33:16

Pơtao mă gơh klaih ưh kơ sĭ. Yua kơ Linh sư lơ. Bơngai mă pran kơtang kư̆m ưh kơ klaih hlôi đơ̆ng pran kơtang sư noh.

Horiso 3:1

Ơ Kră Yang! Lu ayăt kơ inh lơ dêh pă băt dôm yơ! Lu bơngai iung blah inh lơ dêh tơpă!

I Pot 4:30

Sôlômôn gơh hơgei hloh kơ tơdrong hơgei lu bơngai dêh char gah hơlĕch păng hloh kơ tơdrong gơh hơgei lu bơngai Êyiptơ.

Lu 6:33

Đĭ-đăng lu kon pơlei Miđian, kon pơlei Amalek păng lu bơngai đơ̆ng tơring gah hơlĕch pơgơ̆p băl hơdai, năm tŏk tơ pah to kơ đak Krong Jôrđăn, pơm bơsŭn oei tơ thŭng Jêsreel.

Lu 7:13

Kơplah Giđêôn truh, đei kơtơ̆ng minh 'nu bơngai roi kơ buăl sư khan: Măng 'nâu inh tep đei apo 'bôh minh pôm 'bĕng 'ba tơ'bâu apôm huŏng grŏl lăm kơđông linh Miđian. 'Bĕng noh hơtŭt 'bơm tơ minh pơm bơsŭn na bơsŭn noh păk hloi, păk plơ̆ bơbŭng tơ ala, na bơsŭn noh pơchah đĭ.

I Sam 30:17

Đawit blah lu sư đơ̆ng pơgê hrôih năr 'noh truh tơ kơsơ̆ năr đơ̆ng rŏng; na ưh kơ đei minh 'nu bơngai bu lĕch hlôi. Lăp puăn-hrĕng 'nu bơngai tơdăm mơlôh gơh klaih hao aseh lăk-đa kơdâu ôn.

Je 46:23

Lu linh ayăt gô năm kăl 'long bri sư,” Kră Yang khan: “Mă khan bri kơdrơ̆ng să. Lu sư lơ thoi lep 'ba, ưh pă kĕ jô̆.

I Sam 13:5

Bơngai Philistin kư̆m akŭm pơpôi băl wă blah bơngai Isơrael: Lu sư đei pêng-jĭt rơbâu gre, aseh tơdrâu-rơbâu linh hao aseh păng linh yak jơ̆ng lơ thoi lĕ kơ chuơh tơ đak dơsĭ. Lu sư tŏk năm blah, lu sư pơm kơđông 'bơ̆t Mikmas, tơ gah hơlĕch kơ Bêt Awen.

I Pot 20:27

Bơngai Isơrael kư̆m krao akŭm đĭ-đăng, hơmet tơmam sa wă tơblah. Kon pơlei Isơrael pơm kơđông lu sư 'bơ̆t anăp tơklă kon pơlei Siri thoi 'bar khŭl bơbe tŏ-ĕt, gah lu linh bơngai Siri lơ dêh 'bĕnh-'bang kơ tơring char.