Lu 5:11 - Sơ̆p Hlabơar Nơ̆r 'Bok Kei-Dei

¹¹ Roi bĕ kơ lu bơngai reh brŏ oei reh tơ kơdrơ̆m đak, Wă kơ lu sư gô hơri pơlơ̆k dơ̆ng pơlơ̆k dơ̆ng tơdrong kĕ jei Kră Yang. Tơdrong kĕ jei kon pơlei Isơrael! Ơ kon pơlei Kră Yang jur năm bĕ tơ 'măng jang pơlei.

Lu 5:11 Referans Kwoze

Mi 6:5

Ơ kon pơlei pơla Inh, athei 'blŏk bĕ kơ Balak pơtao Môap đei chă đon kơnê̆ păng nơ̆r Balaam kon drŏ-nglo Bêôr tơl lu sư; athei 'blŏk bĕ kơ tơdrong Inh đei pơm đơ̆ng Sitim truh tơ Gilgal, wă kơ ih băt tơdrong 'lơ̆ng tơpăt Kră Yang!

I Sam 12:7

Na dang ei, năm bĕ 'bơ̆t anăp Kră Yang, lê̆ inh gô sek tơlang lu iĕm lăm dôm tơdrong 'lơ̆ng tơpăt Kră Yang đei pơm tơgŭm lu iĕm păng yă 'bok lu iĕm.

Lu 5:8

Đe rơih iŏk boih lu yang 'nao; Na lu bơngai ayăt mơ̆t tơblah truh tơ 'măng dur pơlei. Lăm lu puăn-jĭt rơbâu 'nu lu bơngai Isơrael ưh kơ đei bu đei khêl kư̆m ưh kơ đei bu đei hơlă.

Nhom 5:9

Lu nhôn hiong akâu 'mơ̆i na đei tơmam sŏng sa. Yua kơ đao gưm tơ tơmăn glă oei răp wă pơlôch nhôn.

Nhom 5:4

Đak lu nhôn nhă athei ăn jên, 'Long ŭnh kư̆m athei răt

Je 7:2

“Dơ̆ng bĕ 'bơ̆t 'măng jang hnam Kră Yang, roi tơdrong 'nâu: ‘Mơ̆ng bĕ nơ̆r Kră Yang khan 'nâu: Ơ đĭ-đăng adrĕch Juđa lu bơngai mă mơ̆t trong 'măng jang 'nâu wă kơkuh kơ Kră Yang.’ ”

Êsai 28:6

Sư bơih ăn kơ lu bơngai sek tơlang đei yŏng tơpăt păng ăn jơhngơ̆m nuih pran kơ lu bơngai wă blah tơweh lu ayăt đơ̆ng 'măng jang.

Êsai 12:3

Lu iĕm gô chơt hiôk năm chhŏ iŏk đak đơ̆ng tu tơdrong dŏng pơklaih.

Jop 29:7

Kơplah noh inh lĕch năm tơ 'măng jang pơlei, Hơmet anih hơ-oei lăm cham anih juăt akŭm.

Both 22:24

Lu iĕm athei chông ba đĭ 'bar 'nu bơngai noh lĕch năm 'bơ̆t 'măng jang pơlei, na iŏk tơmo klơ̆m pơlôch măr sư; bơngai drŏ-kăn glăi yua kơ ưh kơ đei ôr krao lăm pơlei dŏng sư, bơngai drŏ-nglo glăi yua kơ pơm yoch hăm akăn bơngai nai; iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu kon pơlei iĕm.

Horiso 145:7

Đe gô pơm giĕng 'blŏk hơdơ̆r kơ tơdrong 'lơ̆ng Ih. Păng hơri ư-ang kơ tơdrong tơpăt Ih.

Bl 24:11

truh boih sư ăn kơ aseh lăk-đa sư drum pơdơh tơ 'nguaih pơlei jê̆ sơlŭng đak, 'năr wă kơsơ̆, trŏ kơ lu adruh wă năm sŏ đak.

Bl 29:2

Sư lăng, 'bôh đei minh pôm sơlŭng đak lăm thŭng dơnă, tơ noh đei pêng khŭl triu oei bun pơdơh, yua kơ anih noh, anih đe ngăl juăt kơ pơnhă triu. Đei tơnglơ̆p đe klơ̆p đak sơlŭng păng tơmo tih dêh.

Bl 29:3

Lu khŭl triu akŭm tơ noh, na lu sư tơgrŏl pơih lê̆ tơmo đơ̆ng đơ̆p sơlŭng, wă pơnhă triu; đang kơ pơnhă boih lu sư klơ̆p dơ̆ng thoi đêl.

Both 33:21

Sư rơih kơ sư anih teh 'lơ̆ng hloh lăm dêh noh, teh noh să 'măn kơ lu bơngai pơgơ̆r. Kơplah lu bơngai kră chĕp kơ̆l kon pơlei akŭm, sư pơm keh tơdrong 'lơ̆ng tơpăt Kră Yang, păng pơm kiơ̆ dôm nơ̆r Kră Yang tơtă kơ bơngai Isơrael.

Lu 11:40

Rim sơnăm rim 'nu kon drŏ-kăn Isơrael năm nhơ̆m hmoi kơ kon drŏ-kăn Jeptha, bơngai Gileat lăm puăn năr.

Horiso 71:15

Rim năr 'bơ̆r inh gô ră roi tơdrong tơpăt păng tơdrong Ih dŏng pơklaih. Mă inh ưh kơ băt jô̆ lơ dôm yơ.