Lu 4:9 - Sơ̆p Hlabơar Nơ̆r 'Bok Kei-Dei

⁹ Yă ei tơl, sĭt tơpă inh gô năm hơdai hăm ih; mă-lei trong ih yak năm 'nâu ưh kơ đei ư-ang kơ ih ôh, yua kơ Kră Yang gô pơjao Sisêra lăm tơpang ti minh 'nu bơngai drŏ-kăn. Thoi noh Đêbôra iung yak năm hơdai hăm Barak truh tơ pơlei Kiđes.

Lu 4:9 Referans Kwoze

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.

Lu 2:14

Kră Yang blĕk kơ bơngai Isơrael păng pơjao lu sư ăn kơ lu bơngai tơgar iŏk mŭk tơmam lu sư, na lu bơngai Isơrael ưh kơ gơh pơm kiơ kơ lu bơngai ayăt areh kơ lu sư.

II Ho 26:18

Lu sư găn pơma kơ pơtao Usia: “Ơ pơtao Usia, ih ưh kơ trŏ gơh soh ôh tơmam 'bâu phu ăn kơ Kră Yang, 'nâu tơdrong jang lu 'bok soi pơm, lu kon sâu Arôn, đei 'măn lê̆ lu sư phara rơgoh wă kơ lu sư soh tơmam 'bâu phu. Lĕch bĕ đơ̆ng lăm anih rơgoh 'nâu, ih pơm yoch boih, yua kơ ih pơm 'nâu ih ưh pă đei ư-ang đơ̆ng Kră Yang boih.”

Lu 9:54

Na sư krao bơngai chĕp khêl dao sư păng khan: Toh bĕ đao ih pơlôch inh, kơnh đe khan: Minh 'nu bơngai drŏ-kăn pơlôch sư! Thoi noh bơngai noh 'bet sư hloi na sư lôch.

Lu 4:8

Barak tơl khan: Tơdah ih năm hơdai hăm inh, inh gô năm. Tơdah ih ưh kơ năm hơdai hăm inh, inh ưh kơ năm.

Lu 9:53

Na đei minh 'nu bơngai drŏ-kăn hơtat tơpăl đơ̆ng kơpal 'bơm kơ̆l Abimêlek pơchah hloi.