Lu 3:28 - Sơ̆p Hlabơar Nơ̆r 'Bok Kei-Dei

²⁸ Êhut khan kơ lu sư: Kiơ̆ inh bĕ, yua kơ Kră Yang jao boih kon pơlei Môap lăm ti lu iĕm, bơngai mă ayăt kơ lu iĕm. Đĭ lu sư jur kiơ̆ sư, năm blah iŏk anih đơ̆ng đak Krong Jôrđăn, noh trong lu bơngai Môap juăt kơ tŏk găn đak krong trong noh ưh kơ đei ăn bu năm.

Lu 3:28 Referans Kwoze

Lu 12:5

Lu bơngai Gileat blah iŏk dôm tŏ anih tơnŏk đơ̆ng tŏk kơ đak Krong Jôrđăn wă brŏk tơ Êphraim, tơdah đei lu bơngai Êphraim apinh khan: Apinh ăn kơ inh tŏk tơ pah to, đei lu bơngai Gileat apinh sư: “Ih hăm trŏ bơngai đơ̆ng Êphraim ưh?” Dah bơngai noh tơl: “Ưh ôh.”

Lu 7:15

Lăp Giđêôn kơtơ̆ng roi kơ tơdrong apo păng kơtơ̆ng nơ̆r tơlang kơ tơdrong apo noh, na sư drap kơkuh kơ Kră Yang 'Bok Kei-Dei. Na sư wih brŏk tơ kơđông linh bơngai Isơrael păng khan: Iung bĕ, yua kơ Kră Yang pơjao boih linh bơngai Miđian lăm ti lu iĕm!

Lu 7:9

Lăm măng noh Kră Yang khan kơ Giđêôn: Iung bĕ, năm jur blah bơngai Miđian, yua kơ Inh jao boih kon pơlei noh kơ iĕm.

Jôsuê 2:7

lu bơngai druh 'moi rok trong truh tơ đak Krong Jôrđăn anih đơng 'biơ̆. Lăp lu sư năm 'nao hlôi kơ pơlei, 'măng dur đe tang hloi.

I Sam 17:47

Đĭ lu bơngai tơ âu gô 'bôh Kră Yang ưh kơ dŏng pơklaih păng đao dah păng tơju yua kơ Kră Yang jơ̆ yŏng kơ tơblah păng Sư gô jao lu iĕm lăm tơpang ti lu nhôn.

Lu 7:24

Giđêôn wơh bơngai năm tơ jơ̆p kơ groi kông Êphraim, na krao: Jur năm blah kon pơlei Miđian blah iŏk trong tơnŏk đơng lu sư juăt tŏk kơ đak Krong Jôrđăn, blah truh tơ pơlei Bêt Bara păng iŏk rok jih đak Krong Jôrđăn. Thoi noh lu bơngai drŏ-nglo Êphraim năm. Lu sư blah iŏk trong đơ̆ng tŏk kơ đak krong Jôrđăn dĭng truh tơ pơlei Bêt Bara păng iŏk rok jih đak Krong Jôrđăn.

Lu 7:17

Na Giđêôn pơkă khan: Iĕm lăng tơ inh, Inh pơm kiơ iĕm pơm kiơ̆ thoi inh; mưh inh năm tơ jê̆ kơđông ayăt, inh pơm thoi yơ lu iĕm pơm kiơ̆ thoi noh.

Lu 4:10

Barak krao akŭm pơpôi bơngai Sebulun păng bơngai Naptali năm tơ pơlei Kêđes, đe mơjĭt-rơbâu 'nu bơngai kiơ̆ sư păng Đêbôra năm hơdai sư.

Lu 3:29

Lăm kơplah noh kon pơlei Isơrael đei pơlôch dang mơjĭt-rơbâu 'nu bơngai Môap, đĭ lu sư noh bơngai kơtang nuih ưh kơ đei minh 'nu klaih.

Lu 7:14

Buăl sư mơ̆ng hloi khan, tơpă noh đao gưm Giđêôn, kon drŏ-nglo Jôas, bơngai Isơrael. Kră Yang 'Bok Kei-Dei pơjao boih bơngai Miđian păng đĭ-đăng lu linh lăm kơđông tơ lăm tơpang ti sư.

Lu 10:11

Kră Yang khan kơ lu bơngai Isơrael: Hăm trŏ Inh dŏng pơklaih lu iĕm hlôi boih đơ̆ng dêh Êyiptơ, klaih đơ̆ng kon pơlei Amôrit, klaih đơ̆ng kon pơlei Ammôn păng klaih đơ̆ng kon pơlei Philistin leh ưh?

I Pot 20:21

Pơtao đe Isơrael năm blah lu linh hao aseh, pơlôch lu bơngai Siri lơ dêh.