Lu 17:10 - Sơ̆p Hlabơar Nơ̆r 'Bok Kei-Dei

¹⁰ Mika khan: Thoi ei Ih oei hăm inh, pơm 'bă păng 'bok soi inh. Na inh gô apah ih minh sơnăm mơjĭt tơpei hu, hơbĕn ao hrŭk, păng tơmam sa inh gô ăn kơ ih tơm mah.

Lu 17:10 Referans Kwoze

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

I Tim 6:10

Bơngai bu hăt kơ chă jên, sư gô pơm tôm tơdrong kơnê̆. Đei bơngai lu mơ'nah hăt kơ chă jên ling-lang na sư jing achăng tơdrong lui sư păng sư đei lơ tơdrong ơh sơ'ngon.

Yo 12:6

Juđa khan thoi noh ưh kơ sĭ sư mơnat kơ lu bơngai dơnuh hin tơpă ôh. Sư bơngai wei kơdŭng jên tơpôl lu sư păng sư bơngai tơtông mơ̆n. Phŏ phŏ sư tơtông iŏk jên đơ̆ng kơdŭng ei.

Mathiơ 26:15

Sư khan: “Dah inh đei rôp ăn kơ iĕm Yêsu, iĕm apah inh dôm yơ?” Na đe noh jô̆ ăn kơ sư jên, pêng-jĭt hlak jên hu so sơ̆.

Êsêkiên 13:19

Lu iĕm pơm pơ'mê̆ kơ Inh lăm lu kon pơlei Inh, wă kơ đei minh chup 'ba tơ'bâu păng minh tơpei 'bĕng, pơma hơlĕnh kơ kon pơlei Inh, lu sư mơ̆ng kiơ̆ nơ̆r hơlĕnh lu iĕm, na pơlôch bơngai mă ưh kơ trŏ kơ lôch, păng rong bơngai mă ưh kơ trŏ wă rong arih.

Êsai 22:21

Iŏk ao ih pơhrŭk ăn kơ sư, tơ̆n ăn kơ sư tơlei tơ̆n ih, iŏk tơdrong pơgơ̆r đơ̆ng ih pơjao ăn lăm ti sư, sư gô pơm 'bă kơ kon pơlei oei lăm Jêrusalem păng bơngai Juđa.

Jop 29:16

Inh pơm 'bă kơ lu bơngai pơmat-tat, Inh lăng hơlen sek dŏng lu bơngai inh tam lah băt.

II Pot 13:14

Êlisê jĭ, yua kơ jĭ 'noh na sư lôch, Jêhôas, pơtao đe Isơrael năm lăng sư kơplah sư oei jĭ, nhơ̆m 'bơ̆t anăp sư păng khan: “Ơ 'bă inh ơi! Ơ 'bă inh ơi! Gre aseh păng linh hao aseh lu đe Isơrael ơi!”

II Pot 6:21

Pơtao đe Isơrael 'bôh lu sư, na pơma dơnuh hăm Êlisê khan: “Ơ 'bă wă pơlôch lu sư dah ưh? Wă pơlôch lu sư dah ưh?”

I Sam 2:36

Bơngai bu mă oei arih lăm adrĕch ih gô năm apinh minh hlak jên hu păng minh tơpei 'bĕng, na khan, Inh wă apinh ih, tơmơ̆t inh lăm lu 'bok soi wă kơ inh đei 'bĕng sa.

Lu 17:11

Na bơngai Lêwi sư lăp đon oei hơdai hăm Mika. Mika sư lăng bơngai 'lơ̆p 'noh nhen thoi kon drŏ-nglo sư kơdih.

Bl 45:8

Ưh, kơ trŏ lu 'nhŏng oh wơh inh năm tơ âu, noh đơ̆ng Kră Yang 'Bok Kei-Dei; Sư ăn kơ inh pơm yŏng tơgŭm Pharaôn, wei-lăng đĭ hnam dơnŏ sư păng pơgơ̆r jơ̆p đĭ kơ dêh char Êyiptơ.

Lu 17:9

Mika apinh sư: Ih đơ̆ng yơ? Bơngai ei tơl: Inh bơngai Lêwi đơ̆ng pơlei Betlehem dêh Juđa, năm tơ âu wă chă anih oei jang sa.

Lu 18:4

Bơngai Lêwi roi: Mika pơk inh jang, Mika apah inh, pơm 'bok soi ăn kơ sư.

II Pot 2:12

Êlisê lăng 'bôh na sư ôr hloi: “'Bă inh ơi, 'bă inh ơi!” Gre aseh păng linh Isơrael! Êlisê hnhoi dĭng khơ̆i ưh pă 'bôh Êli bơih; na sư hek ao sư phơ̆t tŏk-bŏk.