Lêwi 7:6 - Sơ̆p Hlabơar Nơ̆r 'Bok Kei-Dei

⁶ Lu drŏ-nglo lăm adrĕch 'bok soi gơh sa 'nhĕm noh, tơ minh anih rơgoh. Na noh jing tơmam 'lơ̆ng rơgoh hloh.

Lêwi 7:6 Referans Kwoze

Lêwi 6:29

Rim 'nu bơngai drŏ-nglo lăm lu 'bok soi gơh sa 'nhĕm noh; noh jing tơmam rơgoh hloh.

Lêwi 2:3

Dôm tơmam kiơ oei đei, đơ̆ng tơmam pơyơ̆r tơpŭng lê̆ đĭ kơ lu 'bok soi kon drŏ-nglo Arôn. Noh jơ̆ tơmam 'lơ̆ng rơgoh lăm lu tơmam pơyơ̆r soh hăm ŭnh sa mă pơyơ̆r ăn kơ Kră Yang.

I Kor 9:13

Iĕm kư̆m băt mơ̆n dôm lu bơngai jang tơ lăm hnam akŭm 'Bok Kei-Dei tơm, lu sư sa tơmam đơ̆ng lăm hnam akŭm 'noh. Lu sư sa dôm lu tơmam đe pơyơ̆r kơ 'Bok Kei-Dei păng dôm lu tơmam đe ăn wă sơmah kơ 'Bok Kei-Dei.

I Kor 10:18

Lu bơngai Isơrael kư̆m lei-lăi thoi bơ̆n mơ̆n, lu mă trŏ kơ sa et tơmam sơmah kơ 'Bok Kei-Dei, bơ̆n 'bôh lu sư pơm tơdrong 'noh bơ̆n băt lu sư pôm đon hăm 'Bok Kei-Dei.

Lêwi 7:5

'Bok soi gô 'buh pơyơ̆r đĭ tơ chơnang soi, noh pơm tơmam soi 'buh ŭnh sa pơyơ̆r kơ Kră Yang jơ̆ tơmam soi huai đơ̆ng yoch.

Êsêkiên 42:13

Na sư khan kơ inh: “Lu anih gah yă-nơ̆m păng anih gah gơal, tơklă hăm cham lăm noh boih anih rơgoh anih lu 'bok soi năm jê̆ Kră Yang gô sa tơmam soi 'lơ̆ng rơgoh hloh. Lu sư kư̆m dan lu tơmam soi 'lơ̆ng rơgoh hloh 'bơ̆t noh tơmam soi phe 'ba, tơmam soi huai đơ̆ng yoch, tơmam soi huai đơ̆ng glăi, yua kơ noh anih rơgoh.

Hagai 2:12

Tơdah đe 'nŭng 'nhĕm rơgoh lăm mum ao păng kơnhŏng ao sư 'bơm tơ 'bĕng, dah tơmam kiơ mă pai sĭn, đak sik, dah đak rơmă, dah tơmam sa kiơ, na dôm tơmam noh hăm pă rơgoh ưh?’ ” Lu 'bok soi tơl thoi âu. “Ưh.”

Lêwi 6:11

Đơ̆ng noh sư plôh lê̆ hơbĕn, na iŏk hrŭk hơbĕn ao nai chĕp ba tơnuh noh tơ 'nguaih tuh tơ minh anih rơgoh.

Lêwi 21:22

Sư gơh sa tơmam sa Kră Yang 'Bok Kei-Dei sư, mă tơmam 'lơ̆ng rơgoh hloh păng tơmam 'lơ̆ng rơgoh.