Lêwi 6:27 - Sơ̆p Hlabơar Nơ̆r 'Bok Kei-Dei

²⁷ Bu mă hơtŭt 'bơm 'nhĕm soi gô jing rơgoh păng tơdah pham sư tơprah tơ ao athei pih ao ih noh tơ lăm minh anih 'lơ̆ng rơgoh.

Lêwi 6:27 Referans Kwoze

Le 29:37

Lăm tơpơh năr ih athei soi sơmah huai đơ̆ng yoch păng pơm kơ chơnang soi rơgoh wă kơ chơnang soi jing rơgoh 'lơ̆ng hloh, tơdah tơmam kiơ hơtŭt 'bơm kơ chơnang soi kư̆m jing rơgoh 'lơ̆ng.

II Kor 7:11

'Bok Kei-Dei pơm kơ iĕm băt kơ sơ'ngon akâu kơdih, wă kơ iĕm hưch hanh pơm tơdrong 'lơ̆ng tơdrong tơpăt; tơdrong akâu kơdih đêl pơm, wă kơ tơbral hli huay pă pơm dơ̆ng; dang ei iĕm hăt kơ pơm tơdrong tơpăt, iĕm dang phak boih bơngai yoch, iĕm kư̆m wă kơ tơ'bơ̆p nhôn dơ̆ng; tôm tơdrong iĕm sek tơlang bơngai yoch noh 'lơ̆ng boih.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Mathiơ 9:21

Drŏ-kăn noh sư tơchĕng khan: “Dah inh pel pôm ao Sư đĕch kư̆m klaih mơ̆n.” Na sư pel hloi ao Yêsu.

Hagai 2:12

Tơdah đe 'nŭng 'nhĕm rơgoh lăm mum ao păng kơnhŏng ao sư 'bơm tơ 'bĕng, dah tơmam kiơ mă pai sĭn, đak sik, dah đak rơmă, dah tơmam sa kiơ, na dôm tơmam noh hăm pă rơgoh ưh?’ ” Lu 'bok soi tơl thoi âu. “Ưh.”

Lêwi 11:32

Dôm lu adrĕch tơmam 'nâu, akâu lôch sư mă huŏng 'bơm tơ kơpal tơmam kiơ, pơm kơ tơmam noh jing kơnê̆ 'mê̆-'mach, lu tơmam pơm hăm 'long, hơbĕn ao, tơmam pơm păng akar, kơdŭng wă khan tơmam mă bơ̆n juăt kơ yua, athei tong tơmam noh lăm đak, sư gô kơnê̆ 'mê̆-'mach truh kơmăng păng đơ̆ng noh gô jing rơgoh dơ̆ng.

Lêwi 6:18

Rim 'nu kon drŏ-nglo Arôn gơh iŏk sa noh, jơ̆ tơdrong juăt pơtă ăn ling-lang kơ adrĕch adrung lu iĕm, đơ̆ng tơmam pơyơ̆r soh hăm ŭnh pơyơ̆r ăn kơ Kră Yang; bu hơtŭt 'bơm tơmam noh gô jing rơgoh.

Le 30:29

Ih athei 'măn dôm tơmam 'nâu pha pơm tơdrong rơgoh, wă kơ pơm rơgoh hloh, wă kơ tơmam kiơ hơtŭt 'bơm tă kơ gơh rơgoh.

Mathiơ 14:36

Lu đe ei apinh pel pôm tơdrơi ao Sư đĕch. Bu pel 'bơm tơdrơi ao Sư, klaih hloi kơ jĭ.

Lêwi 7:19

Ưh kơ gơh sa ôh 'nhĕm ayơ mă đei hơtŭt 'bơm tơmam 'mê̆-'mach, 'nhĕm noh athei 'buh hŭt lê̆ tơ ŭnh. 'Nhĕm ayơ mă gơh sa lu bơngai rơgoh đĕch gơh sa 'nhĕm noh.

Êsêkiên 44:19

Mưh lu sư lĕch năm tơ cham gah 'nguaih, anih mă đei kon pơlei, lu sư athei plôh lê̆ hơbĕn ao mă lu sư hrŭk bơ̆jang, lê̆ tơ lăm pôm anih rơgoh păng hrŭk ao nai, wă kơ lu sư huay kơ pơm kơ kon pơlei rơgoh 'lơ̆ng yua kơ đơ̆ng hơbĕn ao 'bok soi lu sư.