Lêwi 6:17 - Sơ̆p Hlabơar Nơ̆r 'Bok Kei-Dei

¹⁷ Ưh kơ gơh pai tơpŭng noh hăm 'buih ôh, Inh ăn kơ sư minh pah tơmam pơyơ̆r yua soh hăm ŭnh, Noh jing tơmam rơgoh hloh. Thoi tơmam pơyơ̆r huai đơ̆ng yoch păng tơmam huai đơ̆ng tơdrong hơch 'bơm kơ pơm yoch.

Lêwi 6:17 Referans Kwoze

Lêwi 6:25

Roi bĕ kơ Arôn păng lu kon drŏ-nglo sư: 'Nâu boih tơdrong juăt gah tơmam soi huai đơ̆ng yoch athei pơlôch bĕ kon sem wă soi huai đơ̆ng yoch 'bơ̆t anăp Kră Yang. Tơ anih mă đe juăt kơ pơlôch kon sem wă pơyơ̆r tơmam soi 'buh noh jơ̆ tơmam rơgoh hloh.

Lêwi 2:11

Dôm tơmam soi pơyơ̆r hăm tơpŭng phe 'ba mă lu iĕm pơyơ̆r kơ Kră Yang 'nĕ kơ hrâu hăm 'buih pông; yua kơ iĕm ưh kơ soh 'buih pông hăm đak sut ôh lăm tơmam soi pơyơ̆r soh hăm ŭnh sa wă pơyơ̆r ăn kơ Kră Yang.

Lêwi 2:3

Dôm tơmam kiơ oei đei, đơ̆ng tơmam pơyơ̆r tơpŭng lê̆ đĭ kơ lu 'bok soi kon drŏ-nglo Arôn. Noh jơ̆ tơmam 'lơ̆ng rơgoh lăm lu tơmam pơyơ̆r soh hăm ŭnh sa mă pơyơ̆r ăn kơ Kră Yang.

Lêwi 7:1

'Nâu tơdrong juăt gah tơmam soi huai đơ̆ng yoch jơ̆ tơmam 'lơ̆ng rơgoh hloh.

Lêwi 6:29

Rim 'nu bơngai drŏ-nglo lăm lu 'bok soi gơh sa 'nhĕm noh; noh jing tơmam rơgoh hloh.

I Pet 2:22

“Sư ưh kơ đei pơm minh tơdrong yoch kiơ, păng Sư ưh kơ đei layơ hơlĕnh kơ đe.”

Lêwi 7:6

Lu drŏ-nglo lăm adrĕch 'bok soi gơh sa 'nhĕm noh, tơ minh anih rơgoh. Na noh jing tơmam 'lơ̆ng rơgoh hloh.

Le 40:10

Đơ̆ng rŏng kơ noh ih pik đak rơmă 'bâu phu tơ chơnang soi 'buh pơyơ̆r păng dôm tơmam yua lăm chơnang soi; pơyơ̆r chơnang soi, na chơnang soi jing 'lơ̆ng rơgoh tơpă.

Le 29:37

Lăm tơpơh năr ih athei soi sơmah huai đơ̆ng yoch păng pơm kơ chơnang soi rơgoh wă kơ chơnang soi jing rơgoh 'lơ̆ng hloh, tơdah tơmam kiơ hơtŭt 'bơm kơ chơnang soi kư̆m jing rơgoh 'lơ̆ng.

Lêwi 6:26

'Bok soi pơyơ̆r tơmam soi huai đơ̆ng yoch noh gô sa tơmam noh, đe gô sa lăm minh anih tơ cham Bơsŭn Anih Akŭm.

Lêwi 7:7

Tơmam soi huai iŏk đơ̆ng pơm glăi kơ tơdrong juăt kư̆m thoi tơmam soi huai iŏk đơ̆ng pơm yoch, đei tơdrong juăt kơ lu sư 'bok soi gô soi sơmah wă sut tơdrong yoch păng 'bok soi yua sư.

Lêwi 10:16

Môis chă kon bơbe tơno wă pơm tơmam soi sơmah huai đơ̆ng yoch, 'bôh đe 'buh khôi bơih, na sư mĭl kơ Êlêasar păng Ithamar, 'bar 'nu kon Arôn mă oei arih păng khan: