Lêwi 3:5 - Sơ̆p Hlabơar Nơ̆r 'Bok Kei-Dei

⁵ Lu kon drŏ-nglo Arôn gô 'buh pơyơ̆r dôm tơmam noh tơ kơpal chơnang soi tơ kơpal tơmam soi 'buh mă đei dan kơpal 'long ŭnh, ŭnh oei sa, noh jơ̆ tơmam soi ăn ŭnh sa 'bâu phu ăn kơ Kră Yang.

Lêwi 3:5 Referans Kwoze

Lêwi 6:12

Ŭnh kơpal chơnang soi athei khơ̆ng ling-lang, ưh kơ gơh păt ôh. Rim pơgê 'bok soi dan 'long ŭnh kơpal chơnang soi, dan tơmam soi 'buh kơpal 'long ŭnh păng 'buh rơmă tơmam soi 'blŏk bơnê tơ noh.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

Le 29:13

Ih athei iŏk đĭ-đăng dôm lu rơmă klak, mơ'nhao lom klơm, 'bar tŏ boh-lăn păng rơmă boh-lăn na anhăk năm 'buh tơ kơpal chơnang soi.

Êsêkiên 44:15

Mă-lei lu 'bok soi adrĕch Lêwi, kon sâu Sađŏk, noh lu bơngai mă wei-lăng lăm anih 'lơ̆ng rơgoh Inh, kơplah kon sâu Isơrael wơ̆l jrok weh ataih đơ̆ng Inh, lu sư boih gô dơ̆ng 'bơ̆t anăp Inh wă pơyơ̆r kơ Inh rơmă păng pham, Kră Yang khan.

Êsêkiên 44:7

Lu iĕm hlôi chông ba adrĕch adrung kon pơlei tơmoi, lu bơngai mă ưh kơ kăt tơdra jơhngơ̆m, kư̆m ưh kơ kăt tơdra akar mơ̆t lăm anih 'lơ̆ng rơgoh Inh wă pơ'mê̆ kơ hnam akŭm Inh, kơplah lu iĕm pơyơ̆r tơmam sa kơ Inh, rơmă păng pham; lu iĕm pơm yoch glăi boih kơ nơ̆r pơkă Inh hăm tơdrong kơnê̆ 'mê̆ krưp lu iĕm.

II Ho 35:14

Đơ̆ng noh, lu sư hơmet 'nhĕm sĕch kơ lu sư kơdih păng kơ lu 'bok soi, yua kơ lu 'bok soi noh, lu sư kon sâu Arôn oei hiơ̆k kơ pơyơ̆r tơmam soi 'buh pơkhôi păng rơmă dĭng truh kơmăng. Thoi ei na lu bơngai Lêwi athei hơmet tơmam sa kơ lu sư kơdih păng lu 'bok soi lu kon sâu Arôn.

I Pot 8:64

Lăm năr 'noh pơtao Sôlômôn sư klah sư 'măn lê̆ minh anih tŏk-bŏk cham 'bơ̆t anăp, Hnam akŭm Kră Yang; tơ anih 'noh sư wă pơyơ̆r tơmam soi 'buh, tơmam soi pơyơ̆r phe 'ba, păng tơmam soi rơmă tơmam soi 'blŏk bơnê, yua chơnang pơm hăm kong noh iĕ, ưh kơ mah wă dan đĭ dôm lu tơmam soi 'buh, tơmam soi pơyơ̆r phe 'ba, lu rơmă tơmam soi 'blŏk bơnê.

Lêwi 4:35

Sư pleh đĭ rơmă thoi đei pleh rơmă triu kon pơm tơmam soi 'blŏk bơnê, 'bok soi gô chĕp ba 'buh tơ chơnang soi tơ kơpal tơmam soi 'buh hăm ŭnh pơyơ̆r kơ Kră Yang, thoi noh bơih 'bok soi gô pơm tơdrong sut rơgoh yoch bơngai mă pơm yoch na tơdrong yoch sư gơh mơnat ăn.

Lêwi 4:31

Đơ̆ng noh sư gô pleh lê̆ đĭ rơmă thoi pleh lu rơmă tơmam soi 'blŏk bơnê mơ̆n. 'Bok soi chĕp ba 'buh tơ chơnang soi jing tơmam soi pơyơ̆r 'bâu phu kơ Kră Yang, noh bơih 'bok soi gô pơm tơdrong sut rơgoh yoch sư, na bơngai noh Kră Yang gô mơnat ăn.

Lêwi 1:9

Mă-lei sư gô iŏk đak ôp klak păng tơkong. Đơ̆ng noh lu 'bok soi gô 'buh dan đĭ tơmam soi tơ kơpal chơnang soi, noh boih tơmam soi 'buh, wă khan tơmam soi 'buh lăm ŭnh sa wă pơyơ̆r đei 'bâu phu 'lơ̆ng ăn kơ Kră Yang.

Lêwi 3:4

'bar tŏ boh-lăn rơmă lom 'bar tŏ boh-lăn cheng rơhiĕo sư păng mơ'nhao hơtăng lom klơm, pleh lê̆ đơ̆ng 'bar tŏ boh-lăn.

Lêwi 3:11

Lu 'bok soi gô soh pơyơ̆r đĭ tơmam âu tơ chơnang soi, noh tơmam sa pơyơ̆r soh hăm ŭnh ăn kơ Kră Yang.

Lêwi 7:28

Kră Yang khan kơ Môis thoi âu:

Lêwi 9:17

Đơ̆ng noh sư pơyơ̆r tơmam soi hăm phe 'ba, sư chup minh kơđôp anhăk ba soh tơ chơnang soi 'nguaih kơ tơmam soi 'buh til pơgê.

Jo 15:8

Kơplah ih pơyơ̆r minh pôm rơmo dăm, dah jing soi 'buh, dah tơmam soi kơ tơdrong pơkă lăm tơmam soi bơnê ăn kơ Kră Yang,

Jo 28:3

Roi bĕ kơ lu kon pơlei Isơrael thoi âu: 'Nâu tơmam pơyơ̆r soh hăm ŭnh na lu iĕm gô pơyơ̆r kơ Kră Yang: Rim năr 'bar tŏ triu kon iĕ tơno đei minh sơnăm ưh kơ đei jĭ kiơ, jing tơmam pơyơ̆r ling-lang.

Jo 28:12

Pêng lăm mơjĭt êpha tơpŭng jrâu bơlŭ đak rơmă ôliwơ yua pơm tơmam soi 'buh hơdai kơ rim rơmo dăm; 'bar lăm mơjĭt êpha tơpŭng jrâu bơlŭ đak rơmă ôliwơ pơm tơmam soi phe 'ba ưh kơ đei pham kơ minh pôm triu tơno;

Lêwi 1:13

Mă-lei sư gô iŏk đak ôp klak păng tơkong. Đơ̆ng noh lu 'bok soi gô pơyơ̆r đĭ tơmam soi 'buh dan tơ kơpal chơnang soi noh pơm tơmam soi 'buh wă khan tơmam soi 'buh lăm ŭnh wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:17

Sư gô hek 'bar pah pơnăr, mă-lei lê̆ sư oei tơklep ưh kơ tơpleh. Đơ̆ng noh 'bok soi 'buh dan tơ kơpal chơnang soi, ŭnh sa oei khơ̆ng, noh tơmam soi 'buh, wă khan tơmam soi 'buh lăm ŭnh, wă pơyơ̆r đei 'bâu phu 'lơ̆ng ăn kơ Kră Yang.

Jo 18:17

Mă-lei ưh kơ đei huai ôh kon rơmo, kon triu, kon bơbe mă tuh adrol; noh jing kon sem dơrong 'lơ̆ng rơgoh boih. Ih athei iŏk pham lu sư tơtraih kơpal chơnang soi păng athei soh rơmă sư jing tơmam pơyơ̆r 'bâu phu ăn kơ Kră Yang.