Lêwi 27:3 - Sơ̆p Hlabơar Nơ̆r 'Bok Kei-Dei

³ Tơdah hơgăt tơdrong gĭt kơ bơngai drŏ-nglo đơ̆ng 'bar-jĭt sơnăm truh tơ tơdrâu-jĭt sơnăm tơdrong gĭt sư dang pơđăm-jĭt seikơla jên hu, kiơ̆ kơ seikơl lăm anih 'lơ̆ng rơgoh.

Lêwi 27:3 Referans Kwoze

Le 30:13

Bơngai ayơ đei anăn lăm sơ̆p hla bơar athei ăn jên minh puăt seikơlb kiơ̆ kơ seikơl anih rơgoh, trăp sư dang 'bar-jĭt gera thoi noh, minh puăt seikơl noh jing tơmam pơyơ̆r ăn kơ Kră Yang.

Jo 18:16

Gah tơdrong ih huai iŏk, ih athei huai iŏk lu kon mă đei minh khei boih, kiơ̆ thoi đei hơgăt wă huai iŏk ih, iŏk pơđăm kăk jên hu, kiơ̆ kơ seikơl lăm anih 'lơ̆ng rơgoh; minh seikơl lăm anih 'lơ̆ng rơgoh noh dang 'bar-jĭt Gêra.a

Lêwi 27:25

Đĭ-đăng tơdrong gĭt sư mă đêl hơgăt bơih, gĭt sư athei kiơ̆ kơ seikơl jên hu tơ anih 'lơ̆ng rơgoh, minh seikơl gĭt sư dang 'bar-jĭt Gêra.c

II Pot 12:4

Jôas khan kơ lu 'bok soi: “Dôm jên tơmam 'lơ̆ng rơgoh đe juăt kơ ba 'măn tơ Hnam Akŭm kơkuh kơ Kră Yang, mă jên thuê̆ đêl hơgăt kơ rim kơ̆l kon bơngai mă jên đơ̆ng rim 'nu đei pơyơ̆r lăm năr akŭm kiơ̆ kơ jơhngơ̆m hiôk,

Jo 3:47

na ih athei ra pơđăm seikơl hlak jên hu, kiơ̆ kơ seikơl jên hu lăm Anih Rơgoh; minh seikơl jên hu noh dang 'bar-jĭt Gêraa

Lêwi 27:14

Mưh bu wă 'măn ăn hnam sư 'lơ̆ng rơgoh kơ Kră Yang, 'bok soi gô kiơ̆ kơ hnam kơnê̆ dah 'lơ̆ng na sư jô̆ hơgăt ăn tơdrong gĭt sư. Na bơngai noh athei kiơ̆ kơ jên 'bok soi hơgăt.

Lêwi 6:6

Kiơ̆ kơ ih khan hơgăt kơ sư, bơngai noh athei rôp triu tơno ưh kơ đei jĭ kiơ, na năm ba kơ 'bok soi pơyơ̆r kơ Kră Yang wă pơm tơmam soi huai đơ̆ng tơdrong sư pơm glăi kơ tơdrong juăt.

Lêwi 5:15

Layơ bơngai bu mă hơch 'bơm kơ pơm yoch lăm minh tơmam rơgoh Kră Yang. Na bơngai noh yua kơ tơdrong yoch sư kơdih, sư athei chĕp ba tơ Kră Yang minh pôm kon triu tơno ưh kơ đei Jĭ kiơ, athei rôp đơ̆ng lăm khŭl sư, ih jô̆ tinh kon triu noh gĭt sư hơgăt kiơ̆ kơ jên hu seikơl đơ̆ng hnam akŭm rơgoh, noh jơ̆ minh tơmam soi huai đơ̆ng yoch pơm glăi kơ khôi juăt.

Lêwi 27:4

Tơdah minh 'nu bơngai drŏ-kăn athei jô̆ tơdrong gĭt sư pêng-jĭt seikơl jên hu.

Le 38:24

Đĭ-đăng maih mă yua boih lăm tơdrong jang pơm Bơsŭn Anih Akŭm đơ̆ng lu kon pơlei Isơrael pơyơ̆r tơpơng 'ma 'ngiĕo 'lơ̆ng,f pơtih thoi maih đơ̆ng đe pơyơ̆r, đei 'bar-jĭt tơsĭn talâng noh đei minh-rơbâu kĭ lăm anih 'lơ̆ng rơgoh.