Lêwi 25:9 - Sơ̆p Hlabơar Nơ̆r 'Bok Kei-Dei

⁹ Truh tơnăr mơjĭt khei tơpơh noh wă khan năr huai đơ̆ng tơdrong yoch lu iĕm athei hlôm keng tơgiĕp mă re kơtơ̆ng jơ̆p lăm tơring char lu iĕm.

Lêwi 25:9 Referans Kwoze

Lêwi 23:24

Roi tơ'băt bĕ kơ bơngai Isơrael, lăm năr mônh khei tơpơh, d năr noh lu iĕm gô đei năr pơdơh gĭt găl, wă kơ 'blŏk hơdơ̆r; iĕm athei hlôm keng, na ră roi, năr noh đei tơdrong akŭm rơgoh.

Lêwi 23:27

Năr mônh khei tơpơh âu jơ̆ năr pơm giĕng huai đơ̆ng yoch; lu iĕm gô đei tơdrong akŭm rơgoh, lu iĕm athei hơdrĭ lăm jơhngơ̆m pơmat akâu iĕm kơdihe păng pơyơ̆r tơmam soi yua 'buh hăm ŭnh kơ Kră Yang.

I Tes 1:8

Đơ̆ng iĕm bơtho tơdrong 'Bok Kei-Dei na đe kơtơ̆ng tơdrong 'noh jơ̆p kơ dêh char Masêđôn păng dêh char Grĕk boih; păng jơ̆p-jang kơ teh đak băt kơ iĕm lui kơ 'Bok Kei-Dei. Yua kơ thoi noh na nhôn ưh kơ kăl roi kơ đe tơdrong iĕm lui 'noh ôh yua kơ đe băt đĭ-đăng boih.

Rom 15:19

Păng dôm tơdrong inh gơh pơm noh đơ̆ng Yang Bơhngol 'Lơ̆ng tơgŭm, mă tơdrong mơsêh, mă tơdrong nai. Thoi noh na inh adrin bơtho tơdrong Yêsu Krist jơ̆p-jang đơ̆ng Pơlei Jêrusalem truh tơ dêh Iliria boih.

Rom 10:18

Inh wă jet iĕm, bơngai Isơrael tam kơtơ̆ng tơdrong 'Bok Kei-Dei? Lu sư kơtơ̆ng boih, lăm hla bơar 'Bok Kei-Dei kư̆m roi thoi noh: “Đe năm bơtho tơdrong Kră Yang jơ̆p-jang kơ teh đak, đơ̆ng hơlĕch truh tơ bơmơ̆t, đơ̆ng yă-nơ̆m truh tơ gơal.”

Horiso 89:15

Pŭn dêh kơ kon pơlei ayơ mă băt đei nơ̆r chơt hiôk hơri bơnê kơ Ih, Ơ Kră Yang, lu sư yak lăm hơdah đơ̆ng anăp muh măt Ih

Jo 36:4

Mưh truh tơ sơnăm pơdơh hiôk-hian lu bơngai Isơrael kơplah noh teh jang sa lu sư rai thim đơ̆ng klo lu sư, lei teh sư jang sa noh gô iŏk đơ̆ng teh adrĕch 'bok lu nhôn.

Jo 10:10

Lăm năr chơt hiôk, lăm năr pơm giĕng et sa tih păng lăm khei blŭng-a lu iĕm, lu iĕm hlôm keng 'bơ̆t kơplah lu iĕm pơyơ̆r tơmam soi 'blŏk bơnê hiôk-hian păng tơmam soi 'buh bơ̆n kơdih, keng noh pơm tơmam tơ'blŏk 'bơ̆t anăp Kră Yang, 'Bok Kei-Dei lu iĕm.

Lêwi 27:24

Truh sơnăm hiôk-hian chŭn noh gô pơdrâu kơ tơ'ngla sư wă khan pơdrâu kơ tơ'ngla đêl tĕch sư.

Lêwi 27:17

Tơdah chŭn sư pơyơ̆r đơ̆ng sơnăm hiôk-hian tơdrong gĭt sư iŏk kiơ̆ kơ hơgăt lê̆ bơih.

Lêwi 16:30

Yua kơ lăm năr noh đe gô soi sơmah ôp rơgoh lu iĕm đơ̆ng yoch, wă kơ lu iĕm gơh rơgoh, na lu iĕm gô rơgoh tơdrong yoch lu iĕm 'bơ̆t anăp Kră Yang.

Lêwi 16:20

Layơ 'bok soi, soi sơmah huai yoch ăn kơ anih 'lơ̆ng rơgoh, kơ Bơsŭn Anih Akŭm, kơ chơnang soi đang boih, lei sư gô pơyơ̆r bơbe tơno oei arih.

Lêwi 25:8

Ih kư̆m athei jô̆ tơpơh jơhnơr wă khan tơpơh wơ̆t tơpơh sơnăm, noh jing puăn-jĭt tơsĭn sơnăm.

Jôsuê 6:4

Tơpơh 'nu 'bok soi năm adrol kơ Hom Pơgơ̆p chĕp tơpơh tŏ tơgiĕp hơke bơbe bram, truh năr mă tơpơh, lu iĕm athei dăr jum dăr kơ pơlei noh tơpơh wơ̆t, hơdai hăm tơpơh 'nu 'bok soi hlôm tơgiĕp,

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Lêwi 16:29

'Nâu jing tơdrong juăt kơ lu iĕm ling-lang khŏm khŏm truh tơ năr mơjĭt lăm khei tơpơh, lu iĕm athei pơmat akâu lu iĕm kơdih, ưh kơ gơh pơm minh tơdrong kiơ, mă kon pơlei pơla iĕm kơdih, dah tơmoi nai bơngai đơ̆ng ataih oei hăm lu iĕm.

Horiso 89:16

Prăt năr lu sư chơt hiôk lăm anăn Ih, lu sư đe pơyom đơ̆ng tơdrong tơpăt Ih.