Lêwi 25:6 - Sơ̆p Hlabơar Nơ̆r 'Bok Kei-Dei

⁶ Dôm tơmam sa mă chăt tơ teh lăm sơnăm Sa'bat gô ăn pơm tơmam sa kơ iĕm, ăn kơ đĭch đam drŏ-nglo drŏ-kăn, ăn kơ đĭ-đăng bơngai jang kơ ih păng đĭ-đăng bơngai tơmoi mă oei hăm ih

Lêwi 25:6 Referans Kwoze

Jang 4:32

Dôm lu bơngai lui pôm đon pôm jơhngơ̆m. Rim 'nu lu sư đei tơmam kơdih kơdih, mă-lei lu sư jô̆ tơmam sư hơdai ngăl.

Jang 2:44

Lu bơngai lui pơgơ̆p băl, dôm lu mŭk tơmam sư jing hơdai.

Lêwi 25:20

Tơdah lu iĕm khan: Mưh nhôn ưh kơ đei rei pơtăm ưh kơ kĕch yuă, lei lăm sơnăm mă tơpơh lu nhôn gô sa kiơ.

Le 23:11

mă-lei truh tơ sơnăm mă tơpơh ih ưh kơ choh pơtăm athei lê̆ teh pơdơh. Wă kơ lu bơngai dơnuh hin lăm kon pơlei pơla ih gơh yua iŏk plei đơ̆ng teh 'noh, oei đei đăi dôm yơ, lê̆ kơ sem bri sa kư̆m athei pơm thoi noh gah pơgar hơmu hăm pơgar 'long ôliwơ.

Lêwi 25:5

Ih ưh kơ kĕch yuă ôh lu 'ba rah kơdih lăm mir chŭn ih; ih kư̆m ưh kơ gơh phĕ plei hơmu mă plei kơdih đơ̆ng so ih ưh kơ đei kăt bơwei hơmet ming; yua kơ noh jơ̆ minh sơnăm kơ teh pơdơh.

Lêwi 25:7

păng kư̆m ăn kơ sem dơrong ih păng sem bri brah oei lăm tơring char ih. Đĭ-đăng plei sa wă pơm tơmam sa ih.

Lêwi 25:21

Sơnăm mă tơdrâu Inh gô tuh ăn pŭn hiôk kơ lu iĕm, na sơnăm noh iĕm gô đei phe 'ba plei 'long sa lơ, 'mong kơ pêng sơnăm.

II Pot 19:29

Ơ Hesekia, 'nâu minh tơdrong tơdra tơbăt kơ ih. Sơnăm 'nâu ih gô sa tơmam đơ̆ng găr adrĕch hơlŭng na rah kơdih, sơnăm mă 'bar, ih gô sa tơmam đơ̆ng găr chăt kơdih, mă-lei sơnăm mă pêng, lu iĕm gô rei păng kĕch yuă, pơtăm 'long hơmu păng sa plei sư.