Lêwi 25:55 - Sơ̆p Hlabơar Nơ̆r 'Bok Kei-Dei

⁵⁵ Yua kơ lu kon pơlei Isơrael đam Inh. Wă khan lu đam Inh mă đei chông anhăk lĕch đơ̆ng dêh Êyiptơ, Inh boih Kră Yang 'Bok Kei-Dei lu iĕm.

Lêwi 25:55 Referans Kwoze

Lêwi 25:42

Yua kơ lu sư jing đam Inh, mă Inh hlôi chông anhăk lĕch đơ̆ng dêh Êyiptơ; đe ưh kơ gơh tĕch lu sư thoi đe tĕch đĭch ôh.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

I Kor 9:21

Inh kư̆m đei năm chă bơtho lu bơngai mă ưh kơ kiơ̆ tơdrong juăt Môis, inh kư̆m pơm thoi lu sư mơ̆n wă kơ gơh pơlung lu sư lui kiơ̆ Yêsu Krist, mă-lei inh kư̆m ưh kơ hŭt lê̆ dôm tơdrong 'Bok Kei-Dei pơkă ôh, inh oei kiơ̆ khŏm khŏm đĕch yua kơ tơdrong noh đơ̆ng Yêsu Krist pơkă ăn kơ bơ̆n boih.

I Kor 9:19

Mă tơpă inh bơngai rơngei, ưh kơ đei đĭch bu ôh, mă-lei inh dang pơm đĭch kơ đĭ-đăng bơngai yua kơ inh wă pơlung lơ bơngai lui kơ Yêsu Krist.

Rom 6:22

Mă-lei dang ei iĕm rơngei boih đơ̆ng tơdrong yoch, jing đĭch 'Bok Kei-Dei. Iĕm đĭch dang ei noh pơyua iĕm jing bơngai 'lơ̆ng tơpăt gơh arih ling-lang.

Rom 6:14

Bơngai bu oei gơnang kơ akâu sư kơdih kiơ̆ tơdrong juăt 'Bok Kei-Dei pơkă ưh kơ kĕ ôh, lei bơngai 'noh sư oei pơm yoch hơnơ̆ng; bơ̆n athei gơnang kơ tơdrong Yêsu lôch tang bơ̆n păng tơgŭm bơ̆n, na bơ̆n huay pă pơm yoch.

Êsai 43:3

Yua kơ Inh Kră Yang 'Bok Kei-Dei iĕm, Tơ'ngla 'lơ̆ng rơgoh Isơrael, Tơ'ngla dŏng pơklaih iĕm. Inh ăn bơih dêh char Êyiptơ jing tơmam huai iŏk iĕm. Char Kus păng Sêba pơm tơmam huai tơplih kơ iĕm.

Horiso 116:16

Ơ Kră Yang inh đĭch đam Ih tơpă. Inh đĭch đam Ih, jơ̆ kon drŏ-nglo đam drŏ-kăn Ih, Ih yaih boih inh đơ̆ng bră đe chô̆.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Lêwi 25:54

Tơdah sư ưh kơ kĕ huai sư kơdih thoi noh, na gô truh sơnăm hiôk-hian, sư păng lu kon sư kư̆m gô rơngei.

Lêwi 26:1

Lu iĕm 'nĕ kơ man rup yang, dah traih pơm păng 'long dah pơm hăm tơmo, 'nĕ kơ pơdơ̆ng minh pôm tơmo ayơ lăm tơring iĕm đei rup na drap kơkuh 'bơ̆t anăp rup noh, yua kơ Inh boih Kră Yang 'Bok Kei-Dei lu iĕm.