Lêwi 25:41 - Sơ̆p Hlabơar Nơ̆r 'Bok Kei-Dei

⁴¹ Kơplah noh sư gô tơklah đơ̆ng hnam ih, sư păng hơ'lơ̆p sư wih tơ hnam sư. Gô iŏk chŭn mir yă 'bok sư kơdih.

Lêwi 25:41 Referans Kwoze

Lêwi 25:28

mă-lei tơdah bơngai noh ưh kơ kĕ đei jên wă pơdrâu kơ bơngai mă răt, bơngai răt noh gô bơwei teh dĭng truh tơ sơnăm hiôk-hian, noh sơnăm mă tơmam, teh gô pơdrâu kơ tơ'ngla sư, na bơngai noh gô iŏk tơwih teh sư kơdih.

Le 21:3

Dah sư mơ̆t minh 'nu lei gô achăng sư minh 'nu dah sư mơ̆t đei akăn, kư̆m achăng tơlĕch hloi hăm akăn sư.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Rom 6:14

Bơngai bu oei gơnang kơ akâu sư kơdih kiơ̆ tơdrong juăt 'Bok Kei-Dei pơkă ưh kơ kĕ ôh, lei bơngai 'noh sư oei pơm yoch hơnơ̆ng; bơ̆n athei gơnang kơ tơdrong Yêsu lôch tang bơ̆n păng tơgŭm bơ̆n, na bơ̆n huay pă pơm yoch.

Yo 8:32

Na iĕm gô băt tơdrong 'Bok Kei-Dei tơpă, thoi noh na iĕm gô rơngei.”

Lêwi 25:10

Lu iĕm athei iŏk sơnăm mă pơđăm-jĭt, pơm sơnăm 'lơ̆ng rơgoh păng ră roi tơdrong rơngei kơ đĭ-đăng kon pơlei pơla oei lăm char noh jĭ sơnăm hiôk-hian kơ lu iĕm, bu bu kư̆m wơ̆t iŏk teh jang sa sư kơdih đĭ-đăng gô rơngei wih brŏk tơ hnam dơnŏ sư kơdih.

Lêwi 25:40

Sư gô oei hơdai ih thoi minh 'nu bơngai jang kơ ih păng thoi bơngai tơmoi sa tơ ih, sư gô tơgŭm tơdrong jang ih truh tơ sơnăm hiôk-hian.

Lêwi 25:42

Yua kơ lu sư jing đam Inh, mă Inh hlôi chông anhăk lĕch đơ̆ng dêh Êyiptơ; đe ưh kơ gơh tĕch lu sư thoi đe tĕch đĭch ôh.