Lêwi 25:34 - Sơ̆p Hlabơar Nơ̆r 'Bok Kei-Dei

³⁴ Mă-lei lu tơmăn 'nhĕt rong sem dơrong tăp dăr pơlei tih lu sư, bơngai Lêwi ưh kơ gơh kơ tĕch ôh, yua kơ noh jing teh lu sư jang sa ling-lang.

Lêwi 25:34 Referans Kwoze

Lêwi 25:23

Teh ưh kơ gơh tĕch hloi ôh, yua kơ noh teh Inh, iĕm thoi bơngai tơmoi mă oei hơdai Inh đĕch.

Lêwi 25:33

Bu răt đơ̆ng bơngai Lêwi minh pôm hnam lăm pơlei bơngai Lêwi, truh tơ sơnăm hiôk-hian hnam noh gô pơdrâu tơwih kơ tơ'ngla sư, yua kơ lu hnam lăm pơlei bơngai Lêwi jing mŭk tơmam teh choh lu sư lăm lu bơngai Isơrael.

II Ho 31:19

Gah lu 'bok soi kon sâu Arôn, mă oei tơ mir na, tơ jê̆ kơ pơlei lu sư, dah oei tơ lăm rim pơlei nai, lu sư jang asong tơmam kơ đĭ-đăng kon drŏ-nglo lăm lu 'bok soi păng lăm lu bơngai Lêwi chih jô̆ boih lăm adrĕch 'bok lu sư.

Êsêkiên 48:13

Teh asong lu bơngai Lêwi pơrok kiơ̆ kơ teh asong kơ lu 'bok soi, 'bar-jĭt pơđăm-rơbâu tor păng mơjĭt-rơbâu wơ̆l; tor sư 'bar-jĭt pơđăm-rơbâu hơgăt, wơ̆l sư mơjĭt-rơbâu hơgăt.

Êsêkiên 48:14

Teh 'nâu lu sư ưh kơ gơh tĕch, ưh kơ gơh tơplih, dah mă chă ăn kơ đe chă ala iŏk. Yua kơ teh âu klah lê̆ 'lơ̆ng rơgoh pơyơ̆r kơ Kră Yang.