Lêwi 25:14 - Sơ̆p Hlabơar Nơ̆r 'Bok Kei-Dei

¹⁴ Tơdah lu iĕm tĕch dah răt kiơ đơ̆ng rông 'bôt iĕm, iĕm 'nĕ kơ pơgâm sa dih băl.

Lêwi 25:14 Referans Kwoze

Lêwi 19:13

'Nĕ kơ pơjăm pơjuă bơngai oei cheng pleh kơ ih, 'nĕ kơ tơtông tơgar tơmam lu sư. Tơmam apah bơngai jang kơ iĕm, 'nĕ kơ wei lê̆ tơ hnam iĕm truh tơnăr dơning.

Lêwi 25:17

Lăm lu iĕm 'nĕ kơ pơgâm sa rông 'bôt iĕm kơdih. Sơmă athei băt hli yom kơ Kră Yang 'Bok Kei-Dei yua kơ Inh boih Kră Yang 'Bok Kei-Dei lu iĕm.

Êsêkiên 22:7

Tơ lăm ih đei bơngai, pơjăm mĕ 'bă; pơgŏ pơđep lu tơmoi; pơjuă lu kon mơti pơm kơnê̆ kơ lu bơngai adro.

Êsai 58:6

Noh hăm trŏ ưh kơ trŏ ơ̆t kơ sŏng sa mă Inh lăp đon hrĕch lê̆ tơlei glang tơdrong kơnê̆, plôh lê̆ đêl đe chô̆ đơ̆ng 'long ăt. Tơlĕch achăng lu bơngai đe pơjuă pơđep gơh hơgei, gơ̆ lê̆ rim 'long ăt dah kiơ?

I Kor 6:8

Mă-lei iĕm ưh kơ wă pơm 'lơ̆ng thoi noh ôh. Iĕm wă pơm ưh kơ 'lơ̆ng dih băl păng tơtông tơmam tơduă 'nhŏng oh lu bơngai lui.

Luka 3:14

Lu linh kư̆m jet sư mơ̆n: “Bĭ gah nhôn, ih wă kơ nhôn pơm thoi yơ?” Na Yôhan khan kơ sư: “'Nĕ pơgŏ iŏk tơmam đe, 'nĕ jâu ngơ̆r wă sa tơmam đe păng 'nĕ kơ mơmơnh kơ jên khei iĕm đei.”

Mi 7:3

Ti lu sư hrăn nŏng kơ pơm kơnê̆. Yŏng pơgơ̆r chă apinh mŭk tơmam, 'bok sek tơlang kư̆m hrăn chă sa pơgâm, gah bơngai pran kơtang 'maih pơm kơnê̆ kiơ̆ kơ jơhngơ̆m kơdih; thoi noh na lu sư pơđâu hơdai.

Je 22:17

Mă-lei măt păng jơhngơ̆m ih 'maih chă lơi, pơlôch lu bơngai ưh kơ đei yoch, păng 'maih chă rôp pơgŏ pơjuă pơđep pơm kơnê̆ dêh.

Êsai 33:15

Lu bơngai arih kiơ̆ trong 'lơ̆ng tơpăt, pơma tơpăt, areh kơ tơdrong pơjuă sa tơmam đe. Hơpuih ti sư ưh kơ chro iŏk tơmam kơnê̆ đe apah, đon sư ưh kơ wă mơ̆ng tơdrong pơlôch băl, măt sư ưh kơ wă lăng tơdrong kơnê̆.

Êsai 5:7

Pơgar hơmu Kră Yang Tih Hloh noh jơ̆ adrĕch Isơrael, păng lu bơngai Juđa noh bơih tơm 'long pơtăm mă sư lăp đon. Hơmĕng wă kơ sư 'lơ̆ng tơpăt mă tă kơ pham lĕch sĕch huŏng, hơmĕng kơ sư tơpăt hơnơ̆ng mă tă đei tơdrong ôr krao.

Êsai 1:17

Pơhrăm iŏk bĕ tơdrong 'lơ̆ng, chă lu tơdrong tơpăt, tơiung lu bơngai đe pơjuă, dŏng tơgŭm lu bơngai mơti, pơma dŏng lu bơngai adro.

Bôk Bơthô 5:8

Dah ih 'bôh lăm tơring ih đei bơngai mă đe pơjuă pơđep sư dah 'bôh pơm ưh kơ trŏ, ưh kơ tơpăt hơnơ̆ng, lei ih 'nĕ kơ chrêu kơ đon; yua kơ đei bơngai pơm tih kư̆m đei bơngai tih hloh kơ sư oei răp lăng, đơ̆ng noh oei đei 'bok mă tih hloh đĭ kơ bre noh dơ̆ng.

Tơdrông Pơđơk 28:16

Yŏng pơgơ̆r kơhlôh ngăl pơjuă pơđep. Mă-lei dah đei bu areh kơ sa lơi lơ gô arih sot.

Tơdrông Pơđơk 28:8

Bơngai bu pơm kơ mơdrŏng rai tŏk iŏk đơ̆ng sa kiĕng lơ. Jên kăk răt pơpôi ăn kơ bơngai băt mơnat kơ lu dơnuh hin.

Tơdrông Pơđơk 28:3

Bơngai dơnuh pơgŏ pơđep bơngai pơmat-tat. Nhen thoi đak 'mi tih pơhoch đĭ 'ba hơ'bo.

Tơdrông Pơđơk 22:16

Bu pơđep bơngai dơnuh wă pơm kơ sư mơdrŏng, Bơngai bu ăn pơgâm kơ lu bơngai mơdrŏng noh rai pơm kơ bre sư dơnuh hloh.

Tơdrông Pơđơk 21:13

Bơngai bu chĭt đon kuă kơ mơ̆ng nơ̆r lu bơngai dơnuh hin krao ôr, Bơngai noh đe kư̆m kuă kơ mơ̆ng drơ̆ng nơ̆r sư krao ôr mơ̆n.

Tơdrông Pơđơk 14:31

Bơngai bu pơjăm pơjuă bơngai dơnuh hoh noh pơjăm kơ Tơ'ngla pơjing sư; Bu mă 'mêm mơnat kơ bơngai dơnuh hoh noh ư-ang kơ Kră Yang.

Horiso 10:18

Wă pơm tơdrong tơpăt kơ lu mơti kơ 'bă păng lu bơngai mă đe pơjuă pơđep. Wă kơ lu kon bơngai mă lĕch đơ̆ng 'mui teh, ưh pă pơm tơhli băl dơ̆ng.

II Ho 16:10

Asa sư hil kơ bơngai khan lê̆ adrol noh dêh na rôp phak. Kơplah noh Asa kư̆m pơm kơnê̆ kơ lu kon pơlei hai.

Lu 4:3

Yua kơ pơtao Jabin đei tơsĭn-hrĕng tŏ gre aseh đe pơm păng mam păng lăm 'bar-jĭt sơnăm sư pơgŏ pơđep pơm kơnê̆ kơ lu bơngai Isơrael, na kon pơlei Isơrael krao apinh Kră Yang tơgŭm.

Lêwi 25:15

Ih kư̆ jô̆ dôm sơnăm đơ̆ng rŏng kơ sơnăm hiôk-hian na răt đơ̆ng rông 'bôt ih, sư gô tĕch kơ ih kiơ̆ kơ dôm sơnăm sư oei đei kĕch yuă.