Lêwi 25:10 - Sơ̆p Hlabơar Nơ̆r 'Bok Kei-Dei

¹⁰ Lu iĕm athei iŏk sơnăm mă pơđăm-jĭt, pơm sơnăm 'lơ̆ng rơgoh păng ră roi tơdrong rơngei kơ đĭ-đăng kon pơlei pơla oei lăm char noh jĭ sơnăm hiôk-hian kơ lu iĕm, bu bu kư̆m wơ̆t iŏk teh jang sa sư kơdih đĭ-đăng gô rơngei wih brŏk tơ hnam dơnŏ sư kơdih.

Lêwi 25:10 Referans Kwoze

Je 34:8

Kră Yang khan kơ Jêrêmi đơ̆ng rŏng kơ pơtao Sêđekia pơm nơ̆r pơgơ̆p hăm đĭ-đăng lu kon pơlei pơla tơ Jêrusalem, roi tơbăt ăn rơngei kơ lu đĭch.

Êsai 63:4

Lăm jơhngơ̆m Inh pơkă bơih kơ năr wă pơm 'mong, păng sơnăm mă Inh dŏng pơklaih truh bơih.

I Pet 2:16

Tơpă mơ̆n bơ̆n bơngai rơngei boih, mă-lei iĕm 'nĕ kơ tơchĕng khan, rơngei boih pơm tơdrong kiơ kư̆m bưh. Ưh ôh, bơ̆n athei pơm thoi bơngai đĭch đam 'Bok Kei-Dei.

Galati 5:13

Ơ lu 'nhŏng oh, gah lu iĕm Kră Yang 'Bok Kei-Dei krao iĕm kiơ̆ Sư boih, wă kơ iĕm rơngei đơ̆ng tơdrong juăt kon bơngai, mă-lei Sư ưh kơ wă kơ bơ̆n pơma khan bơ̆n rơngei đơ̆ng tơdrong juăt kon bơngai boih, mơ̆ng kơ bơ̆n wă pơm kiơ, mă 'lơ̆ng kơnê̆ kư̆m bưh. Ưh ôh, Sư kuă ăn bơ̆n pơm thoi noh ôh. Sư wă kơ bơ̆n 'mêm dih băl đei đon tơchĕng 'mêm mơnat tơgŭm dih băl tơduă bơ̆n.

Lêwi 25:13

Lăm sơnăm hiôk-hian âu, đĭ-đăng rim 'nu gô wih tơ mŭk tơmam chŭn mir sư kơdih.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

II Kor 3:17

Kră Yang Yêsu kư̆m thoi Yang Bơhngol 'Lơ̆ng. Yang Bơhngol 'Lơ̆ng oei tơ yơ, tơ anih noh rơngei hiôk-hian.

Luka 1:74

wă kơ pơklaih bơ̆n đơ̆ng dôm lu bơngai mă ayăt kơ bơ̆n. Na Sư wă kơ bơ̆n jang tơdrong Sư huay kơ hli,

Horiso 146:7

Sek tơlang tơpăt, kơ lu bơngai mă đe pơjăm pơjuă; Păng ăn tơmam sa kơ lu bơngai pơngot. Kră Yang pơklaih rơngei bơngai đe phak;

Êsai 49:9

Wă khan kơ lu bơngai bơnă: ‘Lĕch bĕ,’ păng khan kơ bơngai oei lăm măng mu: ‘Pơdah bĕ akâu iĕm!’ Lu sư gô sŏng sa rok trong păng lu sư gô đei tơmăn 'nhĕt tơ kơpal kông groi mơ-mlưch.

Esơra 1:3

Bơngai bu lăm lu iĕm, mă kon pơlei Sư, athei wih brŏka tơ pơlei Jêrusalem dêh Juđa, wă pơm ming dơ̆ng hnam akŭm Kră Yang, Sư boih Kră Yang 'Bok Kei-Dei lu bơngai Isơrael, mă oei lăm pơlei Jêrusalem. Hơpơi kơ Kră Yang 'Bok Kei-Dei bơngai noh oei hơdai hăm sư!

Lêwi 25:11

Sơnăm mă pơđăm-jĭt âu jơ̆ sơnăm hiôk-hian kơ lu iĕm; lu iĕm ưh pă rei pơtăm, kĕch yuă tơmam rah chăt kơdih sư păng kư̆m ưh pă phĕ lu plei hơmu mă đêl ưh pă kăt hơmet.

Lêwi 25:54

Tơdah sư ưh kơ kĕ huai sư kơdih thoi noh, na gô truh sơnăm hiôk-hian, sư păng lu kon sư kư̆m gô rơngei.

Êsêkiên 46:17

Mă-lei tơdah 'bok yŏng iŏk minh lăm tơmam noh na ăn kơ lu đĭch đam sư, tơmam noh jing tơmam kơ đĭch đam sư truh tơ sư rơngei; tơmam noh pơdrâu kơ yŏng noh. Dôm tơmam 'bok yŏng đei noh lăp ăn kơ lu kon sâu sư đĕch gơh iŏk.

Lêwi 25:41

Kơplah noh sư gô tơklah đơ̆ng hnam ih, sư păng hơ'lơ̆p sư wih tơ hnam sư. Gô iŏk chŭn mir yă 'bok sư kơdih.

Je 34:10

Na đĭ-đăng lu kră pơgơ̆r păng đĭ-đăng kon pơlei chu drơ̆ng kiơ̆ nơ̆r đei pơgơ̆p noh, ăn lu đĭch drŏ-nglo dah drŏ-kăn klaih rơngei. Ưh pă đei rôp bu pơm đĭch dơ̆ng. Lu sư chu kiơ̆ ăn kơ đĭch đam gơh klaih rơngei.