Lêwi 24:2 - Sơ̆p Hlabơar Nơ̆r 'Bok Kei-Dei

² Tơtă bĕ kơ kon pơlei Isơrael athei chĕp ba đak rơmă ôliwơ rơgoh, wă tơ̆k ŭnh kơđeng, wă bơwei ŭnh kơđeng khơ̆ng hơnơ̆ng.

Lêwi 24:2 Referans Kwoze

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

Yo 8:12

Yêsu bơtho dơ̆ng thoi âu: “Inh pơchrang hơdah kơ kon bơngai jơ̆p-jang kơ teh đak wă kơ sư băt tơdrong 'Bok Kei-Dei. Bơngai bu kiơ̆ Inh sư huay năm lăm măng mu kiơ̆ tơdrong yoch, sư gô đei Inh pơchrang hơdah kơ sư păng ăn sư arih ling-lang.”

Jang 26:18

Inh gô wơh ih wă kơ pơlar măt lu bơngai tơmoi wă kơ lu sư gơh 'bôh Tơdrong 'Nao 'Lơ̆ng, wă kơ lu sư gơh jăk đơ̆ng măng mu, na oei lăm hơdah, wă kơ sư jăk đơ̆ng yang Satan, na năm tơ 'Bok Kei-Dei. 'Bok Kei-Dei gô pơklaih lu sư đơ̆ng dôm tơdrong yoch hăm jô̆ lu sư jing bơngai 'lơ̆ng tơpăt thoi đĭ-đăng lu bơngai lui kơ Inh.’

Yo 5:35

Yôhan thoi ŭnh kơđeng nhơk hơdah. Iĕm mơ̆ng sư bơtho hiôk chơt tơpă ră, mă-lei lăp minh yuh đĕch.

Yo 1:9

Bơngai mă hơdah dang măt 'năr ei, Sư pơchrang hơdah kơ đĭ-đăng bơngai wă kơ đĭ-đăng bơngai băt tơdrong 'Bok Kei-Dei. Bơngai mă hơdah ei, hơtai ei sơ̆ Sư jur tơ ala teh âu tơ'bôh kơ đe tơdrong hơdah Sư.

Yo 1:4

Kơlih kơ Sư gơh pơjing tôm tơdrong arih thoi noh, na Sư tơbăt ăn kơ kon bơngai tơdrong 'Bok Kei-Dei thoi lĕ kơ hơdah măt 'năr pơchrang jơ̆p-jang kơ teh.

Luka 12:35

“Iĕm athei kơchăng ling-lang thoi lĕ bơngai oei chang gô đe truh kơmăng. Sư đĭ hrŭk hơmet hơbĕn ao boih. Ŭnh kơđeng sư oei khơ̆ng.

Mathiơ 5:16

Lu iĕm athei pơchrang hơdah kơ đe tơdrong hơdah lu iĕm thoi noh mơ̆n, na đe băt kơ tơdrong iĕm pơm 'lơ̆ng, na đe bơnê hăm ư-ang kơ 'Bă bơ̆n tơ plĕnh ti.

Mathiơ 4:16

Lu bơngai mă oei lăm măng mu 'noh, Kơnh lu sư gô 'bôh tơdrong hơdah tih tơpă. Tơdrong hơdah 'noh wă pơchrang hơdah kơ lu bơngai mă oei lăm măng mu dang lĕ kơ lôch.”

Êsai 11:2

Yang Bơhngol Kră Yang gô oei kơpal Sư, Yang Bơhngol ăn kơ sư đei đon gơh hơgei păng mơsêh mơyang, Yang Bơhngol ăn kơ sư hlôh băt păng hli yom kơ Kră Yang.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Tơdrông Pơđơk 6:23

Yua kơ nơ̆r tơtă thoi ŭnh kơđeng; Tơdrong bơtho tơ'bôh thoi hơdah, Păng tơdrong chrih wă bơtho pơhrăm noh trong tơdrong arih.

Horiso 119:130

Tơdrong bơtho tơblang nơ̆r Ih pơchrang ăn hơdah. Sư ăn tơdrong hlôh wao kơ lu bơngai tơpăt.

Horiso 119:105

Nơ̆r Ih jing ŭnh kơđeng kơ jơ̆ng inh. Nhơk pơchrang ăn kơ trong inh.

II Ho 13:11

Rim pơgê hrôih păng kơsơ̆ lu sư soh pơyơ̆r tơmam soi 'buh păng pơgang 'bâu phu ăn kơ Kră Yang; lu sư kư̆m dan 'bĕng 'lơ̆ng rơgoh kơpal gơ'bang rơgoh păng kư̆m tơ̆k ŭnh kơđeng tơ rim jơ̆ng kơđeng maih wă kơ sư khơ̆ng kiơ̆ kơmăng. Lu nhôn pơm kiơ̆ nơ̆r Kră Yang 'Bok Kei-Dei lu bơ̆n bơtho khan, gah lu iĕm achăng lê̆ Sư boih.

Le 40:24

Sư dan lê̆ jơ̆ng ŭnh kơđeng lăm Bơsŭn Anih Akŭm tơklă hăm gơ'bang gah gơal.

Le 39:37

jơ̆ng ŭnh kơđeng maih rơgoh hăm akâu ŭnh kơđeng, hơmet pơm keh đĭ boih, hăm lu tơmam yua lăm noh; păng đak rơmă pơlei ôliwơ yua wă tơ̆k ŭnh kơđeng;

Lêwi 24:1

Kră Yang khan kơ Môis:

Lêwi 24:3

Arôn gô wei ŭnh kơđeng noh lăm hnam akŭm tơ 'nguaih kơ che pĕng hom tơdrong pơgơ̆p wă kơ ŭnh kơđeng noh oei khơ̆ng ling-lang đơ̆ng kơsơ̆ âu truh pơgê dơning 'bơ̆t anăp Kră Yang; noh jơ̆ khôi juăt pơkă ling-lang đĭ chăl kơ adrĕch adrung lu iĕm.