Lêwi 23:37 - Sơ̆p Hlabơar Nơ̆r 'Bok Kei-Dei

³⁷ Noh jing năr pơm giĕng Kră Yang pơkă bơih, lu iĕm ră roi kơ kon pơlei pơla, noh jing năr akŭm 'lơ̆ng rơgoh wă pơyơ̆r kơ Kră Yang dôm tơmam soi yua 'buh hăm ŭnh. Tơmam soi 'buh, tơmam soi phe 'ba, tơmam soi 'blŏk bơnê, tơmam soi huch, tơmam ayơ đe hơgăt trŏ kơ năr noh.

Lêwi 23:37 Referans Kwoze

Lêwi 23:2

Athei roi bĕ kơ kon pơlei Isơrael: 'Nâu năr pơm giĕng tih đơ̆ng Kră Yang 'Bok Kei-Dei lu iĕm đei pơkă jing năr akŭm 'lơ̆ng rơgoh.

Lêwi 23:4

'Nâu lu năr Kră Yang pơkă boih, năr akŭm kơkuh 'lơ̆ng rơgoh, lu iĕm athei ră roi bĕ kơ đe mưh truh năr mă đei pơkă bơih.

Bôk Bơthô 3:1

Đĭ-đăng tôm tơdrong đei hơgăt lê̆ khei 'năr ngăl; rim tơdrong lăm ala teh âu đei hơgăt lê̆ khei 'năr boih.

Lêwi 23:38

'Nguaih kơ bơwei năr pơdơh Sa'bat Kră Yang, lu iĕm athei pơyơ̆r tơmam soi iĕm kơdih, lu tơmam soi pơsĭt nơ̆r pơkă păng tơmam soi 'maih wă. Iĕm juăt kơ pơyơ̆r ăn kơ Kră Yang.

Lêwi 23:44

Thoi noh Môis roi kơ lu kon pơlei Isơrael dôm tơdrong pơm giĕng Kră Yang đei pơkă boih.