Lêwi 23:36 - Sơ̆p Hlabơar Nơ̆r 'Bok Kei-Dei

³⁶ Lăm tơpơh năr noh iĕm athei pơyơ̆r rim năr dôm tơmam soi, yua 'buh hăm ŭnh ăn kơ Kră Yang; truh lăm năr tơhngam lu iĕm đei akŭm rơgoh păng năm ba tơmam pơyơ̆r 'buh hăm ŭnh kơ Kră Yang; noh đei tơdrong akŭm tih pơyom. Lu iĕm 'nĕ kơ bơ̆jang kơ sĕch akar minh tơdrong kiơ.

Lêwi 23:36 Referans Kwoze

Ne 8:18

Rim năr, đơ̆ng năr blŭng-a truh tơ năr tuch-luch, sư đŏk lăm sơ̆p hla bơar khôi juăt Kră Yang 'Bok Kei-Dei. Lu sư pơm giĕng sŏng sa lăm tơpơh năr; truh năr mă tơhngam đei akŭm pơm giĕng tih, pơm kiơ̆ thoi đei tơtă boih.

Yo 7:37

Tơpă wă tôch Năr Giĕng Bơsŭn ei, năr noh năr đe akŭm giĕng tih tơpă, na Yêsu iung dang dơ̆ng bơtho 'bơ̆r re khan: “Bơngai bu rơhing 'maih nhă đak, năm tơ Inh bĕ.

Jôel 2:15

Hlôm bĕ keng lăm pơlei Siôn; athei hơmet pơkă ơ̆t kơ sŏng sa, krao akŭm tơpôl lơ!

Jôel 1:14

Hơmet bĕ kơ tơdrong ơ̆t kơ por, krao akŭm tơpôl lơ. Akŭm bĕ lu kră păng đĭ-đăng lu kon pơlei pơla lăm teh đak năm tơ hnam Kră Yang 'Bok Kei-Dei lu iĕm, păng krao apinh bĕ Kră Yang!

Both 16:8

Lăm tơdrâu năr, iĕm athei sa 'bĕng ưh kơ đei 'buih pông, truh năr mă tơpơh, gô đei akŭm kơkuh tih ăn kơ Kră Yang 'Bok Kei-Dei iĕm, iĕm ưh kơ gơh jang minh tơdrong kiơ.

Lêwi 23:7

Năr blŭng-a lu iĕm athei akŭm 'lơ̆ng rơgoh, ưh kơ gơh bơ̆jang kiơ kơ sĕch akar.