Lêwi 23:28 - Sơ̆p Hlabơar Nơ̆r 'Bok Kei-Dei

²⁸ Năr noh 'nĕ kơ jang minh tơdrong kiơ; yua kơ năr noh wă huai đơ̆ng tơdrong yoch, lăm năr noh wă pơm rơgoh tơdrong yoch iĕm 'bơ̆t anăp Kră Yang 'Bok Kei-Dei lu iĕm.

Lêwi 23:28 Referans Kwoze

Sa 3:9

'Nâu, tơmo mă inh đei dan 'bơ̆t anăp Jôsua noh minh kơtuăl tơmo mă-lei tơpơh tŏ măt. 'Nâu, Inh gô chrek chư tơ noh păng inh gô iŏk hŭt lê̆ tơdrong yoch đơ̆ng teh âu lăm minh năr.’ ” Kră Yang Tih Hloh khan thoi noh:

Lêwi 16:34

Minh sơnăm minh wơ̆t athei soi sơmah huai đơ̆ng yoch kon pơlei Isơrael, wă pơm rơgoh tơdrong yoch lu sư, noh gô jing tơdrong juăt lu iĕm ling-lang khŏm khŏm. Arôn pơm rok kiơ̆ thoi Kră Yang khan pơkă bơih kơ Môis.

I Yo 5:6

Yêsu Krist jur tơ ala teh âu Sư iŏk 'batem hăm đak păng Sư lôch tuh pham yua kơ bơ̆n, ưh kơ sĭ tơdrong iŏk 'batem đĕch ôh, tơdrong Sư tuh pham yua kơ bơ̆n mơ̆n.

I Yo 4:10

Âu boih tơdrong 'Bok Kei-Dei 'mêm mơnat kơ bơ̆n: Sư 'mêm mơnat kơ bơ̆n mah ăn Kon pôm Sư lôch tang bơ̆n, pơklaih bơ̆n đơ̆ng tơdrong yoch. Bơ̆n 'mêm kơ Sư ưh kơ đei dang noh ôh.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

Hêbrơ 10:14

Lu bơngai mă gơnang kơ Sư soi kơ 'Bok Kei-Dei akâu Sư minh 'măng noh gô klaih đơ̆ng tơdrong yoch jing 'lơ̆ng tơpăt hăm 'Bok Kei-Dei. 'Bok Kei-Dei ưh pă layơ jô̆ yo kơ tơdrong yoch lu sư boih.

Hêbrơ 10:10

Thoi noh bơ̆n băt kơ Yêsu Krist jang trŏ thoi 'Bok Kei-Dei pơkă tơpă, Sư soi akâu Sư kơ 'Bok Kei-Dei minh 'măng sơ̆ tôm boih, na lu bơ̆n dang ei jing bơngai 'lơ̆ng tơpăt yua kơ Sư.

Hêbrơ 9:26

Tơ̆ng Sư soi kơ 'Bok Kei-Dei akâu Sư lơ 'măng, lei Sư lôch pơmat rim sơnăm jô̆ đơ̆ng pơjing plĕnh teh sơ̆ khơ̆ dang ei ưh kơ băt hơdôm 'măng. Mă tơpă Sư jur minh 'măng sơ̆ đĕch, yua kơ trŏ năr hơtuch boih. Sư jur soi kơ 'Bok Kei-Dei akâu Sư, wă pơrăm đĭ dôm tơdrong yoch.

Hêbrơ 9:12

Yêsu mơ̆t boih hnam ei, truh tơ anih giĕng tih hloi. Sư mơ̆t soi minh 'măng đĕch tôm hloi kơ tơdrong soi boih yua kơ Sư soi hăm pham Sư kơdih. Ưh kơ sĭ Sư soi hăm pham bơbe pham rơmo ôh. Sư soi thoi noh đĕch, na bu wă gơnang kơ tơdrong Sư soi noh, bơngai noh gô klaih hloi kơ tơdrong yoch.

Da 9:24

Đei tơpơh-jĭt 'măng giĕng hơgăt kơ kon pơlei Ih hăm pơlei rơgoh tih Ih, wă găn tơdrong pơm glăi, hŭt lê̆ tơdrong yoch chhut rơgoh tơdrong kơnê̆ păng ba tơdrong tơpăt ling-lang hloi, wă pơsĭt anih tơdrong tơ'bôh păng nơ̆r khan lê̆ adrol păng tuh đak rơmă kơ Yang rơgoh hloh.

Êsai 53:10

Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Lêwi 23:27

Năr mônh khei tơpơh âu jơ̆ năr pơm giĕng huai đơ̆ng yoch; lu iĕm gô đei tơdrong akŭm rơgoh, lu iĕm athei hơdrĭ lăm jơhngơ̆m pơmat akâu iĕm kơdihe păng pơyơ̆r tơmam soi yua 'buh hăm ŭnh kơ Kră Yang.

Lêwi 16:30

Yua kơ lăm năr noh đe gô soi sơmah ôp rơgoh lu iĕm đơ̆ng yoch, wă kơ lu iĕm gơh rơgoh, na lu iĕm gô rơgoh tơdrong yoch lu iĕm 'bơ̆t anăp Kră Yang.

Lêwi 16:33

Sư mă soi sơmah pơm rơgoh ăn kơ anih rơgoh păng kơ Bơsŭn Anih Akŭm păng soi sơmah kơ chơnang soi, soi sơmah kơ lu 'bok soi păng soi sơmah kơ đĭ-đăng kon pơlei Isơrael.