Lêwi 23:20 - Sơ̆p Hlabơar Nơ̆r 'Bok Kei-Dei

²⁰ 'Bok soi gô iŏk tơmam soi noh hơdai hăm 'bar tŏ 'bĕng pơm păng 'ba blŭng-a lăm bơyan hơdai hăm 'bar tŏ kon triu na pơyơ̆r ba 'ma 'ngiĕo 'bơ̆t anăp Kră Yang, lu tơmam noh athei 'măn lê̆ rơgoh pha ăn kơ Kră Yang păng gô ăn kơ 'bok soi.

Lêwi 23:20 Referans Kwoze

Both 18:4

Iĕm kư̆m gô asong ăn kơ lu sư tơmam soi phe 'ba hle, sik hơmu, đak rơmă 'long ôliwơ mă iĕm yuă blŭng-a lăm bơyan păng sŏk lu kon triu yuă blŭng-a.

Êphêsô 2:14

Sơ̆ lu bơngai Juđê hăm lu bơngai nai areh dih băl tơpă. Mă-lei Yêsu Krist pơm 'long sơlam kơ bơ̆n, ăn kơ bơ̆n jing hiôk dih băl, ưh pă đei kiơ pĕng tŏk-bŏk bơ̆n dơ̆ng.

I Kor 9:11

Nhôn thoi lĕ lu bơngai pơtăm 'ba, wă khan nhôn bơtho iĕm tơdrong 'Bok Kei-Dei. Dah nhôn bơngai bơtho iĕm tơpă, nhôn ngêh kơ tơmam đơ̆ng iĕm apah păng nhôn gơh iŏk tơmam iĕm 'noh wă 'me sa nhôn.

Luka 2:14

“Ư-ang kơ 'Bok Kei-Dei mă oei tơ plĕnh ti. Sư wă ăn hiôk-hian kơ lu bơngai mă Sư lăp đon tơ ala teh âu.”

Lêwi 23:17

Lu iĕm athei năm ba đơ̆ng hnam iĕm 'bar tŏ 'bĕng wă pơm tơmam soi ba 'ma 'ngiĕo, 'bĕng noh pơm hăm minh lăm mơjĭt êpha tơpŭng, đei 'buih pông pơtŏ tơ ŭnh; 'bĕng noh jing tơmam blŭng-a lăm bơyan pơyơ̆r kơ Kră Yang.

Lêwi 8:29

Môis iŏk sĕch kơtơh kon triu tơno kiơ̆ kơ tơdrong pơyơ̆r chro 'ma 'ngiĕo 'bơ̆t anăp Kră Yang noh 'nhĕm ăn kơ Môis kiơ̆ thoi Kră Yang pơkă kơ sư.

Le 29:24

na dan dôm tơmam 'noh tơ lăm tơpang ti Arôn păng tơ lăm, tơpang ti lu kon drŏ-nglo sư, na tơpơng 'ma 'ngiĕo, noh jing tơmam soi tơpơng 'ma 'ngiĕo 'bơ̆t anăp Kră Yang.

Lêwi 23:19

Lu iĕm athei pơyơ̆r minh pôm bơbe tơno pơm tơmam soi huai đơ̆ng yoch păng 'bar tŏ kon triu đei minh sơnăm wă pơm tơmam soi 'blŏk bơnê.

Lêwi 23:21

Lu iĕm athei roi tơ'băt: Tơdrong akŭm tơm năr noh athei đei tơdrong akŭm rơgoh, ưh kơ gơh kơ bơ̆jang tơdrong sĕch akar. Noh jing tơdrong juăt pơkă ling-lang ăn kơ adrĕch adrung lu iĕm, mă tơ anih yơ yơ lu iĕm oei.