Lêwi 23:2 - Sơ̆p Hlabơar Nơ̆r 'Bok Kei-Dei

² Athei roi bĕ kơ kon pơlei Isơrael: 'Nâu năr pơm giĕng tih đơ̆ng Kră Yang 'Bok Kei-Dei lu iĕm đei pơkă jing năr akŭm 'lơ̆ng rơgoh.

Lêwi 23:2 Referans Kwoze

Lêwi 23:37

Noh jing năr pơm giĕng Kră Yang pơkă bơih, lu iĕm ră roi kơ kon pơlei pơla, noh jing năr akŭm 'lơ̆ng rơgoh wă pơyơ̆r kơ Kră Yang dôm tơmam soi yua 'buh hăm ŭnh. Tơmam soi 'buh, tơmam soi phe 'ba, tơmam soi 'blŏk bơnê, tơmam soi huch, tơmam ayơ đe hơgăt trŏ kơ năr noh.

Lêwi 23:4

'Nâu lu năr Kră Yang pơkă boih, năr akŭm kơkuh 'lơ̆ng rơgoh, lu iĕm athei ră roi bĕ kơ đe mưh truh năr mă đei pơkă bơih.

Jôel 2:15

Hlôm bĕ keng lăm pơlei Siôn; athei hơmet pơkă ơ̆t kơ sŏng sa, krao akŭm tơpôl lơ!

Hôsia 2:11

Inh gô pơtôch lê̆ dôm tơdrong chơt hiôk sư, lu năr chơt hiôk tih lăm Khei 'Nao, năr pơdơh Sa'bat păng đĭ-đăng kơ năr giĕng tih lu sư.

Horiso 81:3

Hlôm bĕ tơgiĕp kơplah khei tơ'bang kơplah khei pơnil, tơbăt kơ lu năr giĕng tih lu bơ̆n.

Jo 29:39

Noh boih mă tơmam soi lu iĕm athei soi pơyơ̆r ăn kơ Kră Yang lăm năr iĕm soi sơmah tih, wă pơm tơmam soi 'buh, tơmam soi pơyơ̆r phe 'ba, tơmam soi huch păng tơmam soi pơyơ̆r 'blŏk bơnê hiôk-hian, 'nguaih kơ tơmam soi mă đêl pơkă păng lu tơmam soi pơyơ̆r hăm jơhngơ̆m hiôk lu iĕm.

Jo 10:10

Lăm năr chơt hiôk, lăm năr pơm giĕng et sa tih păng lăm khei blŭng-a lu iĕm, lu iĕm hlôm keng 'bơ̆t kơplah lu iĕm pơyơ̆r tơmam soi 'blŏk bơnê hiôk-hian păng tơmam soi 'buh bơ̆n kơdih, keng noh pơm tơmam tơ'blŏk 'bơ̆t anăp Kră Yang, 'Bok Kei-Dei lu iĕm.

Yo 5:1

Klaih kơ noh Yêsu năm hơpong tơ lu bơngai Juđê pơm la-giĕng sŏng sa tih tơ Pơlei Jêrusalem.

Na 1:15

To, tơ kơpal kông đei đêl jơ̆ng lu bơngai năm ba tơdrong 'nao 'lơ̆ng păng roi tơdrong hiôk-hian. Ơ Juđa, ih athei bơwei bĕ năr kơ̆m giĕng ih păng pơsĭt bĕ tơdrong ih đêl pơkă; yua kơ lu bơngai kơnê̆ ưh pă pơm kơnê̆ ayăt kơ iĕm dơ̆ng boih lu sư lôch đĭ-đăng boih.

Jôel 1:14

Hơmet bĕ kơ tơdrong ơ̆t kơ por, krao akŭm tơpôl lơ. Akŭm bĕ lu kră păng đĭ-đăng lu kon pơlei pơla lăm teh đak năm tơ hnam Kră Yang 'Bok Kei-Dei lu iĕm, păng krao apinh bĕ Kră Yang!

Nhom 1:4

Lu trong năm tơ pơlei Siôn bơsĕl, yua kơ ưh kơ đei bu năm ngôi lăm năr giĕng tih. Rim 'măng jang đĭ juơ; lu 'bok soi tơtok tơtăm; Lu adruh hle pơmat-tat, lu sư bơih wă pŭ iŏk pơmat-tat dêh.

Êsai 33:20

Lăng bĕ tơ Siôn jơ̆ pơlei tih lu bơ̆n pơm giĕng tih. Măt ih gô 'bôh pơlei Jêrusalem, jơ̆ anih hiôk hơđơ̆ng, jơ̆ anih oei ưh kơ đei layơ pôk tơplih tơ nai dơ̆ng, lu 'long pơ̆ng, ưh kơ đei layơ toh lê̆ ôh, kư̆m ưh kơ đei tơlei minh dăng ayơ kơtĕch mơ̆n!

II Ho 30:5

Lu sư tơtă pơkă wă chă roi tơbăt jơ̆p-jang kơ char Isơrael, iŏk đơ̆ng pơlei Bêrsêba truh tơ pơlei Đan, wă kơ kon pơlei năm pơm giĕng Năm Brih 'blŏk hơdơ̆r Kră Yang 'Bok Kei-Dei Isơrael tơ pơlei Jêrusalem; yua kơ lu sư ưh tam mă biơh năm pơm giĕng năm brih wă kơ 'blŏk hơdơ̆r kiơ̆ kơ tơdrong juăt đei pơkă sơ̆.

II Pot 10:20

Jêhu athei: “Athei krao akŭm pơm giĕng tih, wă soi kơkuh kơ yang Baal. Thoi noh đe roi tơbăt pơm giĕng ei.

Lêwi 23:44

Thoi noh Môis roi kơ lu kon pơlei Isơrael dôm tơdrong pơm giĕng Kră Yang đei pơkă boih.

Lêwi 23:21

Lu iĕm athei roi tơ'băt: Tơdrong akŭm tơm năr noh athei đei tơdrong akŭm rơgoh, ưh kơ gơh kơ bơ̆jang tơdrong sĕch akar. Noh jing tơdrong juăt pơkă ling-lang ăn kơ adrĕch adrung lu iĕm, mă tơ anih yơ yơ lu iĕm oei.

Le 32:5

Arôn 'bôh tơdrong noh, sư pơm minh pôm chơnang soi 'bơ̆t anăp rup rơmo kon noh; păng ôr re khan. Pơgê dơning đei pơm giĕng kơkuh pơyom kơ Kră Yang.

Kôlôsê 2:1

Inh wă kơ iĕm băt kơ inh tơchĕng kơ iĕm hăm tơchĕng kơ lu bơngai lui tơ Pơlei Laodisê hăm dôm lu bơngai lui nai tam mă tơ'bơ̆p inh. Tơpă, đon inh tơchĕng ling-lang thoi noh.

Kôlôsê 2:16

Kơlih kơ thoi noh na iĕm 'nĕ kơ chu kiơ̆ tơdrong giĕng kon bơngai, mă lu sư hil, lu sư sek tơlang tơdrong iĕm sa et tôm tơdrong tơmam, dah hil kơ iĕm ưh kơ chu oei kiơ̆ tơdrong giĕng lu sư; lê̆ lu sư hil kư̆m bưh, mă giĕng tơdrong kiơ, bơyan kiơ, khei năr kiơ, lu bơ̆n ưh kơ kăl oei kiơ̆ ôh.

Lêwi 23:1

Kră Yang khan kơ Môis:

I Ho 23:31

păng mưh wă pơyơ̆r tơmam soi 'buh kơ Kră Yang lăm năr Sa'bat, năr Khei Tơ'bang păng năr pơm giĕng tih, kiơ̆ kơ đei hơgăt hơdôm 'nu athei ling-lang dơ̆ng 'bơ̆t anăp Kră Yang.

Êsêkiên 44:24

Tơdah đei tơdrong kiơ truh tơhil pơma băl lu sư gô sek tơlang kiơ̆ thoi Inh tơtă. Lu sư gô wei răk khôi juăt păng lu tơdrong juăt lăm tôm tơdrong kơ̆m giĕng Inh păng wei năr Sa'bat jing năr 'lơ̆ng rơgoh.

II Ho 2:3

Sôlômôn gơih nơ̆r kơ Hiram pơtao dêh Tirơ khan: “Ih đei tơgŭm bơih 'bă inh, Đawit, ăn boih, 'long hơngo wă pơm hnam pơtao sư; apinh ih kư̆m tơgŭm inh thoi noh.

Esơra 3:5

Đơ̆ng rŏng kơ noh, lu sư soi pơyơ̆r lu tơmam soi 'buh ling-lang, pơyơ̆r lu tơmam soi 'bơ̆t khei tơ'bang păng pơyơ̆r tơmam soi lăm lu năr giĕng tih 'măn năr 'lơ̆ng rơgoh kơ Kră Yang; kư̆m pơyơ̆r lu tơmam soi kiơ̆ kơ rim 'nu đei pơyơ̆r kơ Kră Yang.