Lêwi 22:20 - Sơ̆p Hlabơar Nơ̆r 'Bok Kei-Dei

²⁰ Lu iĕm 'nĕ kơ pơyơ̆r kon sem dơrong ayơ mă đei jĭ kiơ kiơ, yua kơ tơmam soi noh Inh ưh kơ iŏk ôh.

Lêwi 22:20 Referans Kwoze

Both 17:1

Iĕm 'nĕ kơ pơyơ̆r kơ Kră Yang 'Bok Kei-Dei iĕm rơmo, dah triu đei tơdrong jĭ dah jo jăn noh tơdrong krưp dêh kơ Kră Yang 'Bok Kei-Dei.

Malachi 1:8

Kơplah lu iĕm pơyơ̆r tơmam soi păng sem dơrong măt tol, tơdrong noh ưh kơ trŏ krưp dêh tơpă hă? Kơplah iĕm pơyơ̆r tơmam soi hăm sem dơrong jơ̆ng jo dah jĭ, tơdrong ưh kơ trŏ krưp dêh hă? Lu iĕm pơlong pơyơ̆r lăng kơ yŏng tơ'ngla iĕm thoi noh lăng sư hăm lăp đon kơ iĕm ưh?” Kră Yang Tih Hloh khan thoi noh.

Both 15:21

Dah kon sem dơrong tuh blŭng-a đei jĭ kiơ, jo dah măt tol, dah đei tơdrong jĭ nai dơ̆ng, iĕm 'nĕ kơ pơyơ̆r pơm tơmam soi ăn kơ Kră Yang 'Bok Kei-Dei iĕm ôh.

I Pet 1:19

Tơdrong Sư huai iŏk kăl tơpă, hăm pham Kon Sư Yêsu Krist kơdih hloi; Yêsu Sư thoi lĕ triu mă rơgoh 'lơ̆ng đe wă soi kơ 'Bok Kei-Dei.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

Lêwi 22:25

'Nĕ kơ iŏk đơ̆ng ti bơngai tơmoi, minh pôm kon sem tơmam soi ayơ mă thoi noh, wă pơyơ̆r tơmam soi kơ Kră Yang 'Bok Kei-Dei ih. Yua kơ akâu sư rơka rơkĕch, Inh ưh kơ iŏk ôh tơmam soi noh.

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Lêwi 3:1

Tơdah bu wă pơyơ̆r tơmam 'blŏk bơnê kơ Kră Yang hăm rơmo tơno dah akăn, athei rơih rơmo 'lơ̆ng huay kơ đei jĭ kiơ.

Lêwi 3:6

Tơdah tơmam sư pơyơ̆r wă 'blŏk bơnê kơ Kră Yang hăm triu tơno dah akăn athei rơih triu 'lơ̆ng huay kơ đei jĭ kiơ ôh.

Jo 19:2

'Nâu jing tơdrong tơtă đơ̆ng lăm khôi juăt mă Kră Yang ăn boih: Khan bĕ kơ adrĕch bơngai Isơrael păng athei lu sư rôp ba rơmo adruh sŏk gôh huay kơ jĭ kiơ păng ưh tam mă tah 'long ăt.

Jo 29:8

Lu iĕm athei pơyơ̆r minh pôm rơmo dăm, minh pôm triu tơno păng tơpơh tŏ kon triu tơno 'nao lăp minh sơnăm, ưh kơ đei jĭ kiơ, pơm tơmam soi 'buh pơyơ̆r 'bâu phu ăn kơ Kră Yang.

Êsêkiên 45:18

Kră Yang khan thoi âu: Năr blŭng-a lăm khei mônh, ih iŏk minh pôm rơmo dăm ưh kơ đei rơka đơ̆ng lăm khŭl wă pơm rơgoh lăm anih 'lơ̆ng rơgoh.

Lêwi 22:24

Lu iĕm 'nĕ kơ pơyơ̆r kơ Kră Yang lăm char iĕm kơdih minh pôm sem dơrong bŏng sư pơchah, hĕch dah krĕo lê̆.