Lêwi 20:13 - Sơ̆p Hlabơar Nơ̆r 'Bok Kei-Dei

¹³ Tơdah bơngai drŏ-nglo 'bĭch pơm kư̆ kă hăm tơduă bơngai drŏ-nglo thoi 'bĭch pơm kư̆ kă hăm bơngai drŏ-kăn, 'bar 'nu bre sư đe gô pơlôch đĭ. Yua kơ pơm boih tơdrong kơnê̆ mă Inh hil mĭl krưp dêh, pham lu sư gô tuh tơ lu sư kơdih.

Lêwi 20:13 Referans Kwoze

I Kor 6:9

Iĕm ưh kơ băt ôh hă lu bơngai pơm kơnê̆ ưh kơ gơh tŏk oei tơ dêh char 'Bok Kei-Dei ôh? Lu bơngai ngôi pơyô kư̆ kă, lu bơngai kơkuh kơ rup yang, lu bơngai plah klo kăn đe, lu bơngai tơduă drŏ-nglo tơngơ̆r băl,

Lêwi 18:22

'Nĕ kơ 'bĭch pơm tơduă drŏ-nglo, thoi 'bĭch hăm bơngai drŏ-kăn;c tơdrong noh jing tơdrong Kră Yang 'Bok Kei-Dei hil mĭl dêh.

I Tim 1:10

lu bơngai ngôi pơyô kư̆ kă, lu bơngai tơduă drŏ-nglo tơngôi băl, lu bơngai chă rôp tĕch đe, lu bơngai chă hơlĕnh kơ đe, lu bơngai jâu pơlơ̆m kơ đe, hăm dôm lu bơngai hŭt lê̆ tơdrong 'lơ̆ng tơpăt.

Ju 1:7

Kư̆m thoi noh mơ̆n lu kon Pơlei Sôđôm hăm Pơlei Gômôrơ hăm đĭ tơring lu sư kiơ̆ ei sơ̆, lu sư pơm kơnê̆ kư̆ kă. Lu bơngai drŏ-nglo pơm kư̆ kă tơduă lu sư drŏ-nglo. Na 'Bok Kei-Dei soh rông chhông hnam lu sư păng phak pơmat lu sư hăm ŭnh ling-lang măng năr pă pơdơh. 'Bok Kei-Dei tơ'bôh kơ bơ̆n tơdrong thoi noh, Sư wă kơ bơ̆n hli kuă kơ pơm thoi lu bơngai 'noh.

Both 23:17

Lăm lu kon drŏ-kăn dah drŏ-nglo bơngai Isơrael; 'nĕ kơ đei bơngai bu pơm pơyô kư̆ kă tơ anih rup yang.

Bl 19:5

Lu sư krao Lot na apinh: “Bre tơmoi mă kơsơ̆ 'nâu hei mơ̆t tơ hnam ih dang ei bre sư tơ yơ? Tơlĕch bre sư tơ âu, wă kơ lu nhôn ngôi hăm bre sư.”

Lu 19:22

Kơplah lu sư oei sŏng sa hiôk chơt đei lu bơngai drŏ-nglo kơnê̆ lăm pơlei 'noh wang tăp kơ hnam 'noh gơgŭ 'măng; lu sư khan kơ 'bok kră tơ'ngla hnam 'noh: Athei ih tơlĕch bĕ bơngai 'noh đơ̆ng lăm hnam ih, lê̆ lu nhôn ngôi kư̆ kă lăm sư.

Both 23:18

Iĕm 'nĕ iŏk jên đơ̆ng mơdro akâu mă đơ̆ng drŏ-kăn dah drŏ-nglob chĕp ba tơmơ̆t lăm hnam Kră Yang 'Bok Kei-Dei iĕm, pơsĭt đêl nơ̆r pơkă yua kơ 'bar tơdrong noh krưp dêh kơ Kră Yang 'Bok Kei-Dei iĕm areh lăng krưp dêh.