Lêwi 19:23 - Sơ̆p Hlabơar Nơ̆r 'Bok Kei-Dei

²³ Tơdah lu iĕm mơ̆t bơih lăm char Kanaan păng đei pơtăm boih lu plei 'long sa iĕm athei lăng lu plei noh ưh kơ rơgoh;a lăm pêng sơnăm đe khă lu iĕm, 'nĕ kơ sa plei noh ôh.

Lêwi 19:23 Referans Kwoze

Jang 7:51

Êtien oei pơma kơ lu kră sek tơlang thoi âu: “Ơ lu iĕm bơngai ngĕng mă ưh kơ chu. Iĕm ling-lang kuă kơ Yang Bơhngol 'Lơ̆ng pơgơ̆r, na iĕm pơm kơnê̆ kư̆m thoi lu 'bok kơdră iĕm sơ̆ mơ̆n.

Lêwi 22:27

Tơdah, kon rơmo, kon triu, kon bơbe, đơ̆ng rŏng kơ sư tuh athei oei hơdai mĕ sư lăm tơpơh năr. Mă-lei ưh kơ hloh năr mă tơhngam ôh, iŏk đơ̆ng năr âu tơ anăp Inh gô iŏk sư jing tơmam pơyơ̆r soh hăm ŭnh ăn kơ Kră Yang.

Je 6:10

Inh gô roi păng tơbăt kơ bu, wă kơ lu sư mơ̆ng Inh? 'Nâu, đon lu sư chĭt lê̆ boih, lu sư ưh pă kơtơ̆ng boih. Nơ̆r Kră Yang lu sư pơjăm, lu sư ưh kơ 'maih mơ̆ng ôh nơ̆r Kră Yang.

Lêwi 14:34

Layơ lu iĕm mơ̆t tơ char Kanaan, mă Inh gô ăn kơ lu iĕm jang sa păng Inh ăn tơdrong jĭ phơ̆k lăm minh pôm hnam, lăm char mă lu iĕm đei iŏk oei jang sa,

Lêwi 12:3

Năr mă tơhngam đe gô kăt tơdra akar kơ kon drŏ-nglo sư.

Le 6:12

Mă-lei Môis tơl Kră Yang: Inh âu minh 'nu bơngai 'bơ̆r pơma sa ưh kơ hlôh wao; kon pơlei Isơrael ưh kơ wă mơ̆ng nơ̆r inh pơma kơ Pharaôn sư dai ưh kơ wă mơ̆ng nơ̆r inh ôh?

Le 6:30

Mă-lei Môis tơl Kră Yang khan: Inh âu bơngai 'bơ̆r ưh kơ hon đon ưh kơ hơgei: Liơ Pharaôn 'maih mơ̆ng inh?

Lêwi 19:22

'Bok soi gô iŏk triu tơno noh pơm tơmam soi wă kơ goh đơ̆ng tơdrong hơch 'bơm pơm yoch, 'bơ̆t anăp Kră Yang wă soi sơmah ăn kơ bơngai mă đêl pơm glăi noh, thoi noh tơdrong yoch sư gơh mơnat ăn.

Lêwi 19:24

Mă-lei truh kơ sơnăm mă puăn, lu plei noh jing rơgoh 'lơ̆ng, jing tơmam pơyơ̆r kơ Kră Yang.

Lêwi 23:14

Lu iĕm 'nĕ kơ sa 'bĕng, 'ba hơdrĕng, dah 'ba oei adrih, dĭng truh tơnăr âu, wă khan truh năr mă lu iĕm pơyơ̆r tơmam soi kơ Kră Yang boih. Mă khan tơ anih ayơ, noh boih tơdrong juăt pơkă kơ lu iĕm ling-lang truh tơ kon sâu iĕm.