Biblia Todo Logo
Bib sou entènèt

- Piblisite -




Lêwi 18:24 - Sơ̆p Hlabơar Nơ̆r 'Bok Kei-Dei

24 Lu iĕm 'nĕ kơ pơm minh tơdrong kiơ lăm dôm tơdrong noh na pơm kơ akâu iĕm kơdih jing kơnê̆ 'mê̆-'mach, lu kon pơlei mă Inh puh tơweh đơ̆ng anăp măt lu iĕm, lu sư jing kơnê̆ 'mê̆-'mach bơih.

Gade chapit la Kopi




Lêwi 18:24
22 Referans Kwoze  

Yua kơ Kră Yang areh păng lăng krưp dêh lu bơngai bu bơ̆jang pơm tơdrong noh păng yua kơ đĭ dôm tơdrong jang kơnê̆ krưp noh, na Kră Yang 'Bok Kei-Dei iĕm pơpuh lê̆ đĭ lu adrĕch adrung lu đe noh đơ̆ng 'bơ̆t anăp iĕm.


Thoi noh na lu iĕm athei wei răk bĕ tơdrong Inh tơtă, 'nĕ kơ pơm ôh minh lăm tơdrong juăt kơnê̆ mă Inh areh âu, mă lu oei adrol kơ iĕm lu sư pơm boih păng lu iĕm 'nĕ yua tơdrong kơnê̆ noh na pơm kơ iĕm jing kơnê̆ 'mê̆-'mach, Inh boih Kră Yang 'Bok Kei-Dei lu iĕm.


Yua kơ thoi noh boih na dah bu pơrăm hnam 'Bok Kei-Dei, 'Bok Kei-Dei gô pơrăm akâu sư mơ̆n, yua kơ hnam 'Bok Kei-Dei noh tơmam Sư kơdih tơpă, wă khan iĕm âu boih hnam 'Bok Kei-Dei.


Mă khan lei, Inh kư̆m oei wơh lu đĭch đam Inh, lu bơngai khan lê̆ adrol, năm tơbăt kơ lu sư: ‘'Nĕ kơ pơm tơdrong kơnê̆ mă Inh areh 'nâu.’


'Nĕ kơ bơ̆jang kơkuh kơ Kră Yang 'Bok Kei-Dei iĕm thoi noh, yua kơ lu sư đei pơm boih dôm tơdrong kơnê̆ krưp Kră Yang areh hloh kơ noh đơ̆ng lu sư soh pơyơ̆r kon drŏ-nglo kon drŏ-kăn lu sư kơdih tơ ŭnh pơm tơmam soi 'buh arih kơ yang kơnê̆.


Lu iĕm 'nĕ kơ pơm rok ôh tơdrong lu sư pơm tơ lăm char Êyiptơ, char mă đêl lu iĕm oei, dah tơ char Kanaan, đơ̆ng char noh mă Inh chông ba lu iĕm. Lu iĕm kư̆m 'nĕ kơ yak kiơ̆ tơdrong juăt lu sư ôh.


dĭng truh tơ jơhnơr tăl puăn lu adrĕch adrung ih gô wih brŏk hơlơ̆k tơ âu, yua kơ 'bơ̆t noh boih tơdrong yoch kon pơlei Amôrit tôm wă phak boih.”


Thoi noh, lu iĕm 'nĕ pơm mơgrĭ kơnê̆ 'mê̆ brư̆ kơ teh đak mă lu iĕm wă oei noh, Inh oei; Inh boih Kră Yang oei hơdai lu adrĕch bơngai Isơrael.


Kơplah Kră Yang 'Bok Kei-Dei, blah puh lê̆ lu sư 'bơ̆t anăp iĕm, iĕm 'nĕ kơ tơchĕng khan: Noh yua kơ đơ̆ng tơdrong 'lơ̆ng tơpăt bơ̆n na mă Kră Yang chông bơ̆n mơ̆t iŏk dêh noh mă tơpă yua kơ đơ̆ng tơdrong yoch kơnê̆ adrĕch âu, na Kră Yang blah puh lu sư đơ̆ng anăp iĕm.


lei Inh gô pơpuh tơweh lu sư đơ̆ng dêh char mă Inh ăn bơih kơ lu sư oei; klaih kơ noh inh gô pơrăm hŭt lê̆ Hnam akŭm 'lơ̆ng rơgoh mă Inh 'măn anăn Inh, păng lu bơngai Isơrael đe gô pơrăm che bơle hiĕk achơ̆ kơ lu sư 'bơ̆t anăp kon bơngai lăm teh đak 'nâu.


Đơ̆ng rŏng kơ tơdrong noh, lu 'bok kuan tih năm jê̆ pơma hăm inh thoi âu: Kon pơlei Isơrael, lu 'bok soi păng bơngai Lêwi hai, ưh kơ đei tơklah đơ̆ng adrĕch păng lăm tơring âu, lu sư pơm rok lu kon pơlei Kanaan, kon pơlei Hêtit, kon pơlei Phêrêsit, kon pơlei Jêbus, kon pơlei Ammôn, kon pơlei Môap, kon pơlei Êyiptơ păng kon pơlei Amôrit.


Lu sư jing 'mê̆ yua kơ đơ̆ng tơdrong jang kơdih lu sư. Na lu sư jing pơm đi ngôi kư̆ kă.


Iĕm mơ̆t iŏk dêh đơ̆ng lu adrĕch âu ưh kơ sĭ yua kơ đơ̆ng tơdrong iĕm pơm 'lơ̆ng tơpăt ôh, dah kiơ̆ tơnăp ưh ôh, mă-lei yua kơ đơ̆ng tơdrong yoch kơnê̆ lu sư, na Kră Yang 'Bok Kei-Dei blah puh lê̆ lu sư đơ̆ng anăp iĕm, wă pơsĭt kơ nơ̆r sư pơkă pơkăm hăm lu 'bok iĕm Abraham, Isăk păng Jakôp.


Lu drŏ-nglo pơlei Gibêah wă pơm kơ inh, lu sư wang hnam inh 'bĭch; lu sư wă pơlôch inh ră, na pơm pơ'brơh kơ akăn kơnhŏng inh dĭng sư lôch.


Đơ̆ng noh, inh chơ iŏk akâu akăn inh, chơ̆ng hơjăl, na ăn kơ đe năm ba tơ jơ̆p kơ teh đak Isơrael yua kơ lu sư đei pơm boih tơdrong kơnê̆ dêh thoi noh pơm pơ'brơh 'mê̆-'mach lăm char Isơrael.


Lu bơ̆n athei rơih iŏk mơjĭt 'nu drŏ-nglo lăm minh-hrĕng đơ̆ng đĭ-đăng lăm adrĕch bơngai Isơrael; lăm minh-rơbâu klah rơih iŏk minh-hrĕng 'nu, lăm mơjĭt-rơbâu rơih iŏk minh-rơbâu; lê̆ lu sư chă ba tơmam sa ăn kơ lu kon pơlei pơla mưh lu linh bơ̆n truh tơ noh lu bơ̆n gô pơm kơ pơlei Gibêah lăm char Bênjamin kiơ̆ thoi sư pơm kơnê̆ pơ'brơh lăm char Isơrael.


Sư pơm tơdrong kơnê̆ 'bơ̆t anăp Kră Yang kiơ̆ lu tơdrong kơnê̆ krưp dêh lu kon pơlei pơla mă Kră Yang puh tơweh boih đơ̆ng anăp lu bơngai Isơrael.


Ơ kon bơngai, kơplah adrĕch adrung Isơrael oei tơ lăm dêh char lu sư kơdih, lu adrĕch Isơrael pơm boih tơdrong 'mê̆-'mach kơ dêh char. Tơdrong mă lu sư pơm 'bơ̆t anăp Inh kư̆m kơnê̆ 'mê̆-'mach thoi drŏ-kăn 'bôh hơbĕn.


Swiv nou:

Piblisite


Piblisite