Lêwi 18:19 - Sơ̆p Hlabơar Nơ̆r 'Bok Kei-Dei

¹⁹ Kơplah drŏ-kăn oei 'bôh jơ̆ng 'nĕ kơ năm jê̆ na 'bĭch hăm sư.

Lêwi 18:19 Referans Kwoze

Lêwi 20:18

Tơdah bơngai drŏ-nglo 'bĭch hăm bơngai drŏ-kăn kơplah oei 'bôh jơ̆ng; bơngai drŏ-nglo pơm kơ pham bơngai drŏ-kăn lĕch, na bơngai drŏ-kăn tơlĕch pham sư kơdih, 'bar 'nu sư noh, đe gô puh tơlĕch weh đơ̆ng kon pơlei lu sư.

Lêwi 15:24

Tơdah bơngai drŏ-nglo 'bĭch hăm bơngai drŏ-kăn, na tơdrong 'mê̆-'mach bơngai drŏ-kăn 'bôh jơ̆ng, 'bơm tơ drŏ-nglo, bơngai drŏ-nglo gô jing kơnê̆ 'mê̆-'mach lăm tơpơh năr; giơng đêl sư 'bĭch kư̆m gô jing kơnê̆ 'mê̆-'mach.

Êsêkiên 22:10

Lăm ih đei bơngai 'bĭch hăm akăn 'bă sư; đei bơngai pơm kơnê̆ hăm drŏ-kăn kơplah oei 'bôh hơbĕn.

Êsêkiên 18:6

Sư ưh kơ sa 'nhĕm đe pơm yang tơ kơpal kông, ưh kơ wă lăng tơ rup yang adrĕch Isơrael. Ưh kơ pơm kư̆ kă hăm lu akăn đe, ưh kơ jê̆ lu drŏ-kăn oei 'bôh hơbĕn,

Lêwi 15:19

Tơdah minh 'nu bơngai drŏ-kăn 'bôh jơ̆ng, sư athei chu iŏk tơdrong 'mê̆ noh lăm tơpơh năr bu hơtŭt 'bơm sư gô jing kơnê̆ 'mê̆-'mach truh kơmăng.

Lêwi 12:2

Khan bĕ kơ kon pơlei Isơrael, tơdah đei minh 'nu drŏ-kăn anăp păng hơiơch kơ minh 'nu kon hơ'lơ̆p drŏ-nglo, sư gô jing kơnê̆ 'mê̆-'mach lăm tơpơh năr; kư̆m thoi kơplah sư 'bôh jơ̆ng mơ̆n.

Lêwi 18:18

'Nĕ iŏk mŏ mai dah oh akăn ih, wă plah tơgar iŏk hưch pơm kư̆ kă, kơplah akăn ih oei arih.

II Sam 11:4

Đawit wơh bơngai năm krao iŏk sư; sư 'nao 'nhao ôp rơgoh tơdrong sư 'bôh jơ̆ng; sư năm truh tơ hnam pơtao, na pơtao tep hơdai hăm sư, đơ̆ng noh sư wih tơ hnam.