Lêwi 16:30 - Sơ̆p Hlabơar Nơ̆r 'Bok Kei-Dei

³⁰ Yua kơ lăm năr noh đe gô soi sơmah ôp rơgoh lu iĕm đơ̆ng yoch, wă kơ lu iĕm gơh rơgoh, na lu iĕm gô rơgoh tơdrong yoch lu iĕm 'bơ̆t anăp Kră Yang.

Lêwi 16:30 Referans Kwoze

Je 33:8

Inh gô sŭt rơgoh tơdrong yoch mă đêl lu sư pơm boih hăm Inh; Inh huay pă jô̆ boih dôm tơdrong yoch kơnê̆ mă lu sư blah Inh,

Êphêsô 5:26

wă kơ bơ̆n rơgoh đĭ kơ dôm tơdrong yoch, na pơyơ̆r bơ̆n ăn kơ 'Bok Kei-Dei wei-lăng, yua kơ bơ̆n lui kơ nơ̆r Sư bơtho, truh kơ bơ̆n iŏk 'batem tơmôch akâu bơ̆n tơ lăm đak, dang wă khan tơhoch tŭk tơdrong mơgrĭ boih iŏk tơdrong rơgoh.

Horiso 51:2

Apinh Ih ôp rơgoh đĭ dôm tơdrong kơnê̆ inh, Păng ăn kơ inh 'lơ̆ng rơgoh đơ̆ng yoch.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Horiso 51:10

Ơ Kră Yang 'Bok Kei-Dei! Apinh Ih pơjing lăm Inh đei minh jơhngơ̆m 'lơ̆ng rơgoh,a Păng pơjing ming 'nao lăm inh minh pôm bơhngol tơpăt.

Horiso 51:7

Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

Lêwi 23:27

Năr mônh khei tơpơh âu jơ̆ năr pơm giĕng huai đơ̆ng yoch; lu iĕm gô đei tơdrong akŭm rơgoh, lu iĕm athei hơdrĭ lăm jơhngơ̆m pơmat akâu iĕm kơdihe păng pơyơ̆r tơmam soi yua 'buh hăm ŭnh kơ Kră Yang.

Lêwi 23:28

Năr noh 'nĕ kơ jang minh tơdrong kiơ; yua kơ năr noh wă huai đơ̆ng tơdrong yoch, lăm năr noh wă pơm rơgoh tơdrong yoch iĕm 'bơ̆t anăp Kră Yang 'Bok Kei-Dei lu iĕm.