Lêwi 14:48 - Sơ̆p Hlabơar Nơ̆r 'Bok Kei-Dei

⁴⁸ Mă-lei đơ̆ng rŏng kơ hnam mă đei man bah ming tơdah 'bok soi wơ̆t lăng, ưh pă đei 'bôh tơdrong jĭ phơ̆k sa lanh lăm hnam, 'bok soi gô khan hnam noh rơgoh, yua kơ tơdrong jĭ phơ̆k klaih bơih.

Lêwi 14:48 Referans Kwoze

I Kor 6:11

Lu iĕm mơ'nah pơm thoi noh tơpă mơ̆n sơ̆, mă-lei dang ei 'Bok Kei-Dei ôp rơgoh tơdrong yoch iĕm boih, iĕm jing kon Sư 'lơ̆ng tơpăt boih, Sư jô̆ iĕm bơngai 'lơ̆ng yua kơ Kră Yang Yêsu Krist păng Yang Bơhngol 'Lơ̆ng 'Bok Kei-Dei tơgŭm bơ̆n.

Luka 7:21

Kơplah bre sư oei tơ noh, Yêsu pơklaih lơ bơngai jĭ jăn, thoi lĕ pơpuh yang kơnê̆, pơklaih măt tol gơh 'bôh.

Markôs 5:34

Na Yêsu khan kơ sư: “Ơ duch, kơlih kơ ih lui na ih klaih, na dang ei brŏk kơ ih mă 'lơ̆ng bĕ. Ih klaih đĭ boih, ưh pă đei jĭ dơ̆ng.”

Markôs 5:29

Na duch ei năm chur pel pôm ao Sư đĕch, kơtă ei sư huay pă tuh pham dơ̆ng. Na duch ei mơn lăm akâu sư klaih kơ jĭ boih.

Hôsia 6:1

Bĕ bơ̆n, jah wih brŏk tơ Kră Yang, Sư hek lê̆ lu bơ̆n boih, mă-lei Sư gô pơklaih bơ̆n; Sư đei teh pơjĭ bơ̆n, mă-lei Sư gô ming rơka noh.

Jop 5:18

Sư teh rơka, mă-lei Sư gô pơ̆n ming hơmet, Sư teh jĭ, mă-lei Sư gô pơklaih.

Lêwi 14:3

'Bok soi gô lĕch tơ 'nguaih kơ kơđông na sư lăng bơngai noh. Tơdah rơka jĭ chin sư klaih bơih,

Lêwi 14:43

Tơdah tơdrong jĭ phơ̆k đei dơ̆ng đơ̆ng rŏng kơ iŏk tơmo noh, hơkôih lăm hnam păng man ming tơnăr, hnam noh.

Lêwi 14:47

Bu 'bĭch dah sŏng sa lăm hnam noh athei pih hơbĕn ao sư.

Lêwi 14:49

Tơdrong wă pơm rơgoh kơ hnam 'noh, sư athei iŏk 'bar tŏ sem iĕ, hăm 'long hơngo, che brai 'brê hơhĭm păng hla 'long pơgang.