Lêwi 12:3 - Sơ̆p Hlabơar Nơ̆r 'Bok Kei-Dei

³ Năr mă tơhngam đe gô kăt tơdra akar kơ kon drŏ-nglo sư.

Lêwi 12:3 Referans Kwoze

Luka 2:21

Lăp nge Yêsu truh tơhngam năr boih na đe kăt tơdra akar Sư păng anăn hloi Sư Yêsu kiơ̆ kơ linh jang 'lơ̆ng pơkă ăn kơ sư hơdrol kơ nge sư tam đei lăm klak mĕ Sư sơ̆.

Luka 1:59

Lăp kon sư ei truh tơhngam năr boih na đe năm kăt tơdra akar kon sư kiơ̆ kơ tơdrong juăt lu bơngai Isơrael. Lu 'nhŏng oh đe mĕ 'bă sư wă anăn sư Sachari kư̆m lei-lăi thoi anăn 'bă sư mơ̆n yua kơ sư juăt anăn thoi noh.

Kôlôsê 2:11

Yua kơ iĕm pôm đon hăm Sư na iĕm kư̆m dang bơngai kăt tơdra akar mơ̆n. Mă-lei lu iĕm ưh kơ trŏ kăt păng ti tơpă ôh, Yêsu Krist Sư dang kăt ăn kơ iĕm. Sư tŭk lê̆ akâu so bơ̆n mă juăt kơ pơm yoch.

Philip 3:5

Sơ̆ đe kư̆m kăt tơdra akar inh kơplah inh oei nge 'nao lăp tơhngam năr. Yua kơ inh bơngai Isơrael tơpă na đe kăt tơdra akar inh đơ̆ng oei nge. Păng inh adrĕch adrung Bênjamin. Inh pơma nơ̆r Isơrael kư̆m lei-lăi thoi mĕ 'bă inh. Lu bơngai Pharisi kiơ̆ tơdrong juăt Môis kơjăp, inh kư̆m jing bơngai Pharisi kiơ̆ kơjăp thoi lu sư mơ̆n.

Galati 5:3

Inh wă khan dơ̆ng kơ iĕm tơpă: Bơngai bu chu kăt tơdra akar, bơngai noh athei kiơ̆ tôm tơdrong juăt Môis nai.

Galati 3:17

Tơdrong inh pơma pơtih gia gah tơdrong pơgơ̆p băl noh hei, inh wă khan thoi âu: Kră Yang 'Bok Kei-Dei pơkă kơ Abraham păng đĭ-đăng lu bơ̆n kon sâu sư sơ̆, khan wă tơgŭm lu bơ̆n, Sư wă tơgŭm tơpă. Na đơ̆ng rŏng kơ 'Bok Kei-Dei pơkă thoi noh sơ̆, truh tơ puăn-hrĕng pêng-jĭt sơnăm, na đei Môis pơkă ăn kơ yă 'bok bơ̆n tơdrong juăt 'Bok Kei-Dei dơ̆ng. Mă 'Bok Kei-Dei ăn kơ Môis pơkă ăn kơ bơ̆n tơdrong juăt đơ̆ng rŏng noh, Sư ưh kơ achăng lê̆ tơdrong Sư pơkă hơdrol khan wă tơgŭm bơ̆n noh ôh.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Both 30:6

Kră Yang 'Bok Kei-Dei gô ăn kơ bơ̆n păng kon sâu lu bơ̆n đei jơhngơ̆m rơmuăn băt chu yom, wă kơ iĕm đĭ jơhngơ̆m klơm klak 'mêm yom kơ Kră Yang 'Bok Kei-Dei, wă kơ gơh arih.

Jang 15:1

Đei bơngai đơ̆ng dêh char Juđê năm tơ Pơlei Antiôs bơtho lu bơngai lui khan: “Bơngai bu ưh kơ chu kăt tơdra akar sư kơdih kiơ̆ tơdrong juăt Môis pơkă sơ̆, lei ưh kơ gơh klaih đơ̆ng tơdrong yoch.”

Le 22:30

Gah lu triu păng rơmo ih kư̆m athei pơm thoi noh mơ̆n, lăm tơpơh năr blŭng-a lê̆ oei hơdai mĕ sư, năr mă tơhngam ih athei pơyơ̆r sư kơ Inh.

Lêwi 12:4

Đơ̆ng noh bơngai drŏ-kăn noh athei oei lăm pêng-jĭt pêng năr, wă kơ rơgoh lê̆ pham sư, ưh kơ gơh hơtŭt 'bơm tơmam kiơ mă rơgoh 'lơ̆ng, dah năm mơ̆t tơ anih 'lơ̆ng rơgoh, dĭng truh đĭ năr pơm rơgoh akâu sư 'mơ̆i.

Lêwi 15:3

'Nâu jing khôi juăt gah tơdrong 'mê̆-'mach yua kơ đei đuh lĕch đơ̆ng akâu sư. Mă khan akâu sư oei lĕch hơnơ̆ng dah ưh pă lĕch bơih, akâu sư noh jing kơnê̆ 'mê̆-'mach.