Lêwi 11:33 - Sơ̆p Hlabơar Nơ̆r 'Bok Kei-Dei

³³ Tơdah akâu noh huŏng lăm ge, dôm tơmam tah lăm noh jing kơnê̆ 'mê̆-'mach đĭ iĕm athei teh pơchah lê̆ ge noh.

Lêwi 11:33 Referans Kwoze

Lêwi 15:12

Gŏ man hăm gŏ teh đêl bơngai đei tơdrong jĭ lĕch đơ̆ng akâu pel 'bơm, athei teh pơchah lê̆; dah tơmam pơm hăm 'long athei ôp hăm đak.

Lêwi 6:28

Gŏ teh mă đêl pai boih 'nhĕm noh, athei teh pơchah lê̆; Tơdah đe pai noh hăm gŏ kong athei hơkôih păng ôp hăm đak mă rơgoh.

Philip 3:21

Sư gơh tơplih akâu bơ̆n đơ̆ng bơngai răm-'băm, jing thoi akâu Sư 'lơ̆ng rŏ; Sư gơh pơm tôm tơdrong yua kơ Sư mơsêh tăp pang mơyang tăp dăr.

Je 48:38

Tơ rim bơbŭng hnam, păng tơ anih đe juăt akŭm lăm pơlei, tă kơ nhơ̆m hmoi ngăl lăm char Môap Inh teh pơchah boih char Môap, thoi ge ưh kơ đei bu wă,” Kră Yang khan:

Lêwi 14:45

Thoi noh athei đe yuih đĭ hnam noh, tơmo, 'long păng chuơh, tŏng pơdŭ đĭ tuh lê̆ tơ anih 'mê̆-'mach 'nguaih kơ pơlei.

Lêwi 11:35

Dôm tơmam dah đei akâu lôch huŏng 'bơm tŏ sĕt sư gô kơnê̆ đĭ. Mă tơnuh gŏ mă chơđah gŏ athei teh pơchah lê̆; sư jing kơnê̆ 'mê̆-'mach bơih, iĕm athei lăng sư kơnê̆ 'mê̆-'mach bơih.

Lêwi 11:34

Dôm tơmam sa, nhă, dah đak đơ̆ng ge noh 'bơm, tơmam noh jing kơnê̆ 'mê̆-'mach đĭ mă khan tơmam noh tah lăm ge dah đak kơnê̆ noh 'bơm kư̆m jing kơnê̆ mơ̆n.

Lêwi 6:21

Tơmam soi noh đe gô hơdrĕng hơmet lê̆ tơ gŏ gang hrâu hăm đak rơmă ôliwơ. Sĭn bơih ih athei chĕp ba kăt hơmet, na pơyơ̆r đei 'bâu phu 'lơ̆ng ăn kơ Kră Yang.

Lêwi 13:52

Thoi noh sư athei soh hơbĕn ao noh phơ̆k 'bơm tơ brai tơdơ̆ng dah brai tơnanh, tơ hơbĕn ao hăm sŏk triu dah hơbĕn ao che, dah tơmam kiơ mă hăm akar, yua kơ noh tơdrong jĭ chin rai lanh; đe athei soh lê̆ tơmam noh tơ lăm ŭnh.

Jo 19:15

Đĭ-đăng dôm lu gŏ 'bĭnh ayơ mă ưh kơ đơ̆p, ưh kơ đei tơnglơ̆p đơ̆p, gô jing 'mê̆-'mach.